ICT en l'instrucziun

20. March 2012 / ICT en l'instrucziun / Cumpetenza da medias / Prevenziun

Pro Juventute e Sunrise instradeschan in telefonin cun in abo prepaid per uffants. Primobile pussibilitescha da render accessibel adina dapli cuntegn adequat al nivel da svilup dal uffant. La purschida custa 249 francs per onn. Ils geniturs pon adattar e controllar il telefonin sur l’internet. (tu.)

www.projuventute.ch

1. March 2012 / ICT en l'instrucziun / Cumpetenza da medias

Il Smartpen na po betg sulettamain scriver, mabain era registrar tuns. Cun las notizias ed ils commentaris latiers pon ins crear ‘pdfs che discurran’ (numnà pencast). educa.ch ha discurrì cun l’importader da tals fieuters davart il niz didactic. (tudestg)

Insight furmaziun professiunala

1. March 2012 / Resursa didactica / ICT en l'instrucziun / Cumpetenza da medias / Rumantsch

Cun il «Office 2010 Spell Checker Rumantsch» exista uss ina versiun dal program da correctura rumantsch ch’è cumpatibla cun Office 2010. Microsoft ha sviluppà il program en stretga collavuraziun cun la Lia Rumantscha. Il «spell checker» rumantsch per Office 2010 po vegnir telechargià gratuitamain.

www.microsoft.com

29. February 2012 / Collavuraziun / Resursa didactica / ICT en l'instrucziun / Project da scola

Durant in’emna s’occupan las scolaras ed ils scolars da tematicas passadas e da las generaziuns pli veglias. Ils scolars emprendan da far intervistas cun glieud pli passada, da tagliar documents dad audio e da far clips multimedials. Tut ils participants profiteschan da questa cooperaziun.

www.zeitmaschine.tv

28. February 2012 / Resursa didactica / educanet² / ICT en l'instrucziun

A partir da l’emprim da mars sa preschenta educanet² en nov vestgì. Grazia al nov layout modern pon ins s’orientar anc meglier sin la plattafurma d’emprender e lavurar online. Tgi che posseda in login, po gist prender part a la retschertga ed al forum. Qua vesan ins las novaziuns:

www.educanet2.ch

3. February 2012 / ICT en l'instrucziun

Cun in concept totalmain nov vul Apple renovar il martgà da furmaziun. Las applicaziuns «iBooks Author», «iBooks 2» ed «iTunes U» che pon vegnir chargiadas giu da l'internet gratuitamain na focusseschan betg la tecnica, mabain ils cuntegns pedagogics. Il Minisguard è s'occupà da la tematica.

www.simsalabim.rtr.ch

28. February 2012 / Resursa didactica / ICT en l'instrucziun

Il Servetschs da parlament han creà in nov portal per scolaras e scolars e per giuventetgna interessada. Tar quest portal duessan ils utilisaders avair la pussaivladad da sa participar a l’interacziun ed uschia svegliar il gust per la politica actuala. (tud.)

www.juniorparl.ch

28. March 2011 / ICT en l'instrucziun / Software / Rumantsch

Ussa è la nova versiun dal navigatur Firefox 4 cumparida en passa 75 linguas - natiralmain era per rumantsch! Firefox 4 è daventà svelt. Cun augmentar la spertadad ès el duas fin sis giadas pli spert che la versiun 3.6. Quai spargna temp durant chargiar paginas ed accelerescha la grafica.

software.rumantscha.ch

18. February 2011 / Resursa didactica / ICT en l'instrucziun / Rumantsch

Da nov renda chattà.ch accessibel cuntegns per iPad ed e-book-reader. I sa tracta da lecturas en il format epub. Plinavant cumpiglia la purschida in magazin en pdf. Quel preschenta mintgamai ina selecziun da differents artitgels en chattà.ch. Questas purschidas vegnan actualisadas mintga mais.

www.chatta.ch