Occurrenza

e²change 2015

24. favrer 2015 / Occurrenza / educa.ch

Ils 27 da matg è Bernexpo l’ospitant da la dieta annuala da la communitad d’educanet². «Management da savida grazia ad educanet²» è il tema da questa reuniun che porscha passa 30 referats curts davart l’administraziun, divers guaffens d'ICT e scenaris concrets (tud.).

www.educanet2.ch

Congress naziunal HORIZONS21

11. favrer 2015 / Occurrenza

A chaschun da la fin dal decenni da l’ONU per la furmaziun per in svilup persistent ha lieu ils 9 da matg 2015 a la SAP Berna HORIZONS21. Persunas d’instrucziun, manaders e spezialists èn envidads da trair ina bilantscha, da barattar experientschas e d’elavurar novas perspectivas da collavuraziun.

www.education21.ch

Exposiziuns adattadas per scolas

20. schaner 2015 / Occurrenza / Resursa didactica

Tge far durant il champ? Nua ir cun las scolaras ed ils scolars? educa.ch preschenta in’elecziun d’exposiziuns temporalas e permanentas da tut las regiuns linguisticas da la Svizra. Visitar in’exposiziun davart in tema specific po dar a l’instrucziun novs impuls.

agenda.educa.ch

Di commemorativ da Holocaust

15. schaner 2015 / Occurrenza / Resursa didactica

En Svizra sco sin l’entir mund è ils 27 da schaner il «Di commemorativ dal Holocaust e da la prevenziun da crims cunter l’umanitad». Il Center da documentaziun IDES dal CDIP ha realisà in educa.guide cun agids e propostas per l’instrucziun (tudestg).

guides.educa.ch

Sec I Grischun: Inscunter da barat

9. schaner 2015 / Occurrenza

L’inscunter da barat da la fracziun Sec I ha lieu ils 11 da mars 2015 a Domat e sa deditgescha a la midada dal stgalim sec I a la furmaziun professiunala. Sper infurmaziuns generalas vegnan trais mastergns pauc enconuschents preschentads sco er il proceder da tscherna dals emprendists (tud.).

www.legr.ch

Premi svizzer da las scolas 2015

17. december 2014 / Occurrenza

Tut las scolas svizras, publicas e privatas, obligatoricas e dal stgalim secundar II èn envidadas a sa participar al Premi svizzer da las scolas. Questa renconuschientscha ha l’intent da premiar prestaziuns extraordinarias sin il camp pedagogic. Termin d’annunzia è ils 17 d’avrigl 2015.

schweizerschulpreis.ch

Museum retic: exposiziun d’enviern

12. december 2014 / Occurrenza / Resursa didactica

Il Museum Retic a Cuira ha avert in’exposiziun speziala davart ils furniturs d’energia istorics. L’exposiziun ch’è averta fin ils 8 da mars 2015 demonstrescha la gronda fantasia da noss antenats pertutgant la protecziun cunter la fradaglia durant il temp d’enviern en las muntognas reticas.

www.raetischesmuseum.gr.ch

Temp d'advent e Nadal en scola

24. november 2014 / Occurrenza / MINT / Resursa didactica / Rumantsch

Durant il pli bel temp da l’onn èsi era cool da far insatge spezial en scola. Perquai preschenta la redacziun d’educa.ch fegls da lavur cun poesias e teaters per il temp magic, chalenders d’advent online, istorgias ed autras surpraisas per giudair il temp d’advent en scola.

instrucziun.educa.ch

Expo 2015: Emprender, sviluppar, derasar

24. november 2014 / Occurrenza

A chaschun da l’exposiziun mundiala a Milaun «Nutrir il planet, energia per la vita» che vegn ad avrir sias portas il matg 2015 datti blers projects. L’ambassadura Svizra ed il ministeri talian da la furmaziun han sviluppà in project innovativ cun ina concurrenza per il stgalim sec II (tud.).

www.expoitaliasvizzera.it

Workshop construir roboters

17. november 2014 / Occurrenza / Furmaziun cuntinuada

En Svizra mancan circa 1500 inschigneras ed inschigners. First lego league s’engascha per la promoziun da la generaziun giuvna en il sectur da las scienzas d’inschigner. Il workshop da roboters duai fascinar gia ils uffants a partir da 7 onns ed ha lieu ils 13 da december 2014 a la SAPGR a Cuira.

technikundbildung.ch

Syndicate content

Logo SEFRI

Logo EDK

Job