Occurrenza

Mussavia electoral 2015 er en rumantsch

11. matg 2015 / Occurrenza / Resursa didactica / Rumantsch

En vista a las elecziuns dal nov cussegl naziunal da l’atun proxim ha Corina Casanova preschentà a las medias il proceder ed il mussavia electoral per l’elecziun dals 200 represchentantas e represchentants dal pievel en il cussegl naziunal. La pagina-online datti en tschintg linguas.

www.ch.ch

Congress naziunal HORIZONS21

28. avrigl 2015 / Occurrenza

HORIZONS21 vegn organisà a chaschun da la fin dal decenni da l’ONU per la furmaziun per in svilup persistent ils 9 da matg 2015 a Berna. Persunas d’instrucziun e spezialists èn envidads da trair ina bilantscha, da barattar experientschas e d’elavurar novas perspectivas da collavuraziun (tudestg).

www.education21.ch

Champ da vacanzas per uffants rumantschs

4. matg 2015 / Occurrenza / Rumantsch

Durant ils 19 – 24 da fanadur 2015 s’entaupan uffants rumantschs en la vegliadetgna da scola da l’Engiadina, dal Grischun central, da la Surselva e da la Bassa en in champ da vacanzas. Els van a la tschertga da cristals ed aur en las vals e muntognas enturn la tgina dal Rain.

www.rumantsch.ch

Furmaziun da stad: Dis da rumantsch

24. avrigl 2015 / Occurrenza / Rumantsch

Ils Dis da rumantsch dals 12 e 13 d’avust 2015 a la SAPGR porschan in vast program da furmaziun supplementara. Sper referats ed approfundaziun pratica e lavuratoris nua che las participantas ed ils participants survegnan agids didactics èn ils avantmezdis deditgads al perfecziunament linguistic.

www.phgr.ch

Viadis ed excursiuns da scola

30. mars 2015 / Occurrenza

Per sustegnair las persunas d’instrucziun che planiseschan ils viadis da scola ha la redacziun d’educa mess ensemen in toplink cun paginas-web che porschan ideas, support, material e fegls da lavur per spassegiadas ed excursiuns.

instrucziun.educa.ch

Program e²change 2015

20. mars 2015 / Occurrenza / educa.ch

Il program da la dieta annuala da la community educanet² dals 27 da matg 2015 è en lingia. Sper referats curts davart l’administraziun, guaffens e scenaris ed in referat principal davart management da savida, survegnan ils participants cussegls pratics per il mintgadi en scola.

www.educanet2.ch

e²change 2015

24. favrer 2015 / Occurrenza / educa.ch

Ils 27 da matg è Bernexpo l’ospitant da la dieta annuala da la communitad d’educanet². «Management da savida grazia ad educanet²» è il tema da questa reuniun che porscha passa 30 referats curts davart l’administraziun, divers guaffens d'ICT e scenaris concrets (tud.).

www.educanet2.ch

Congress naziunal HORIZONS21

11. favrer 2015 / Occurrenza

A chaschun da la fin dal decenni da l’ONU per la furmaziun per in svilup persistent ha lieu ils 9 da matg 2015 a la SAP Berna HORIZONS21. Persunas d’instrucziun, manaders e spezialists èn envidads da trair ina bilantscha, da barattar experientschas e d’elavurar novas perspectivas da collavuraziun.

www.education21.ch

Exposiziuns adattadas per scolas

20. schaner 2015 / Occurrenza / Resursa didactica

Tge far durant il champ? Nua ir cun las scolaras ed ils scolars? educa.ch preschenta in’elecziun d’exposiziuns temporalas e permanentas da tut las regiuns linguisticas da la Svizra. Visitar in’exposiziun davart in tema specific po dar a l’instrucziun novs impuls.

agenda.educa.ch

Di commemorativ da Holocaust

15. schaner 2015 / Occurrenza / Resursa didactica

En Svizra sco sin l’entir mund è ils 27 da schaner il «Di commemorativ dal Holocaust e da la prevenziun da crims cunter l’umanitad». Il Center da documentaziun IDES dal CDIP ha realisà in educa.guide cun agids e propostas per l’instrucziun (tudestg).

guides.educa.ch

Syndicate content

Logo SEFRI

Logo EDK

Job