Occurrenza

Poetry slam rumantsch

21. settember 2015 / Occurrenza / Rumantsch

Il venderdi, ils 6-11-2015 ha lieu l’occurrenza «Poetry Slam». Artists dal pled rumantsch e giasts prelegian istorgias, poesias, dialogs e scenettas – gia scrittas u improvisadas live on stage. A la fin elegia l’auditori il victur/la victura cun applaus. Has ti era gust da prender part?

www.litteraturarumantscha.ch

Di da las linguas

8. settember 2015 / Occurrenza / Resursa didactica / Rumantsch

Ils 26 da settember è il di da las linguas cun las finamiras da promover la diversitad linguistica e l’emprender linguas durant l’entira vita. La broschura elavurada da la CDEP «Ideas per l’instrucziun» reunescha impuls, guaffens ed ideas activas ch’ins po adina utilisar en l’instrucziun (tudestg).

www.edk.ch

ICTskills 2015

27. avust 2015 / Occurrenza / MINT

Dals 8 als 10 da settember porschan ils ICTskills 2015 en la staziun principala da Turitg la pussaivladad d’emprender d’enconuscher professiuns d’ICT. Tranter auter ha lieu il campiunadi svizzer dals mastergn en las categorias web design, tecnica da sistems, mediamatica e svilup d’applicaziuns (t.)

www.ict-skills.ch

Furmaziun supplementara & dieta MINT

22. avust 2015 / Occurrenza / MINT

Ils 14 da november 2015 organisescha la Magistraglia GR ensemen cun la SAPGR la furmaziun supplementara davart las tematicas matematica, informatica, scienza natirala e tecnica (MINT). Divers workshops dattan novs impuls per il mintgadi en scola. S‘inscriver online!

www.legr.ch

CSedweek 2015

26. avust 2015 / Occurrenza / MINT

Dals 7 als 13 da december 2015 ha lieu la secunda ediziun da la Swiss Computer Science Education Week. La scol’auta da pedagogia dal Nordvest da la Svizra (FHNW) ha creà in tutorial che pussibilitescha a scolaras e scolars a partir da 9 onns da programmar lur agen game (tud.).

web.fhnw.ch

Dieta annuala Magistraglia Grischun

24. avust 2015 / Occurrenza / Furmaziun cuntinuada

La dieta annuala da la Magistraglia Grischun (LEGR) ha lieu quest onn ils 30 da settember 2015 en l’hotel Waldhaus a Flem. Sco program accumpagnant vegn dunna Natalie Knapp a tegnair in referat davart il tema «cumpass nov patratgar». S’annunziar online (tudestg).

www.legr.ch

30 onns SILVIVA

7. avust 2015 / Occurrenza / Furmaziun cuntinuada

SILVIVA s’engascha dapi trent’onns en l’educaziun ambientala per la natira ed il guaud e porscha perquai curs en la natira sco era furmaziun specifica. La dieta dals 11 da settember sin il Gurten a Berna tschertga soluziuns concretas per cuntinuar cun la furmaziun ambientala activa (tud.)

www.viva-silviva.ch

Dieta annuala CTIF: il program

30. zercladur 2015 / Occurrenza

A chaschun da la dieta annuala dal Center svizzer per las tecnologias d'infurmaziuns en il sectur da furmaziun dals 26 d’avust sa cusseglian experts davart access raschunaivels tar e-content. Scolas innovativas dattan in’invista en la problematica ed ils workshops arrundeschan l’occurrenza (tud.).

fachtagung.educa.ch

25avels Dis da litteratura Domat

17. zercladur 2015 / Occurrenza / Rumantsch

Ils Dis da litteratura porschan discussiuns, vernissaschas multimedialas e musica ed han lieu dals 6 als 8 da november 2015 en la sala polivalenta Tircal a Domat. Il venderdi saira è reservà al poetry slam. Pertge betg visitar questa occurrenza cun scolaras e scolars interessads?

www.litteraturarumantscha.ch

OBA Exposiziun da professiuns Son Gagl

8. zercladur 2015 / Occurrenza / Resursa didactica

Var 150 instituziuns ed interpresas preschentan en las salas da l’OLMA professiuns sco era furmaziuns supplementaras dals 28 d’avust fin ils 1. da settember 2015. Cun il motto «Scuvra Tes potenzial» duain giuvenils e creschids vegnir pledentads che stattan avant ina decisiun professiunala (tud.).

www.oba.sg

Syndicate content

Logo SEFRI

Logo EDK

Job