Occurrenza

Identitad digitala, scola e ses acturs

30. settember 2016 / educa.ch / Occurrenza

Quest tema stat en il center da la dieta d’experts ICT dal CTII che ha lieu ils 9 da november a la BERNEXPO en il rom dals Swiss Education Days. Il program definitiv cun la glista dals experts è online e vegn actualisada permanentamain. Il termin d’annunzia è igl 1. da november 2016.

sfib.educa.ch

Festival d’emprender: retrospectiva

22. settember 2016 / Occurrenza / Cumpetenza da medias

Ils 16 ed ils 17 da settember ha il Festival d’emprender svizzer purschì passa 250 experientschas d’emprender davart il tema «digitalisaziun» en tut las regiuns linguisticas. Las purschidas èn stadas multifaras, a partir dal curs intensiv da spagnol fin a la programmaziun digitala.

www.alice.ch

Di da rumantsch 2016

12. fanadur 2016 / Occurrenza / Rumantsch

Sco annunzià è la realisaziun dal Di da rumantsch da quest onn in project da cuminanza tranter la LR e las trais conferenzas scolasticas CRGC, CGL e CGS. Il Di da rumantsch communabel ha lieu ils 9 da november 2016 a Landquart el Forum. Avantmezdi: referats; suentermezdi: radunanzas generalas.

www.conferenza.ch

Dieta edu-ict 2016

19. avust 2016 / Occurrenza / Societad d'infurmaziun

La transfurmaziun digitala stat en il center da la dieta annuala «furmaziun ed ICT» dals 28 da settember a Turitg. Experts porschan invistas en ils process da midaments digitals en l’economia ed en la furmaziun. In concept per scolas vegn er preschentà.

blog.edu-ict.ch

Occurrenza dsb - biblioteca digitala scolastica

22. avust 2016 / educa.ch / Occurrenza

Gia per la quarta giada s’inscuntran ils partenaris da la Biblioteca digitala scolasta. L’occurrenza ha lieu ils 8 da settember 2016 a Berna ed è averta per partenaris e persunas interessadas. En il focus stattan inputs curts davart las sfidas e svilups actuals sco er il barat d’experientschas.

biblio.educa.ch

Focus sin la digitalisaziun

25. fanadur 2016 / Occurrenza / Societad d'infurmaziun / Cumpetenza da medias

La digitalisaziun stat en il center dal Festival svizzer da la furmaziun dals 16 e 17 da settember 2016. En tut la Svizra porschan occurrenzas localas divers eveniments d’emprender a moda digitala. Il program metta l’accent sin las cumpetenzas medialas.

www.alice.ch

Swiss Education Days 2016

5. avust 2016 / Occurrenza

L’anteriura Didacta ha lieu dals 8 als 11 da november 2016 per l’emprima giada a la BERNEXPO cun il nov num. Questa occurrenza dat la chaschun a las persunas d’instrucziun ed als responsabels per la furmaziun da sa tegnair al current da novaziuns e da s’infurmar al stan d’educa.ch.

www.swiss-education-days.ch

La scola dals scolars connectads

8. avust 2016 / Occurrenza / Cumpetenza da medias

Quest tema stat en il center da la dieta d’experts da l’Associaziun da las persunas d’instrucziun da la Svizra franzosa SER. Questa occurrenza ha lieu ils 24 da settember a l’Universitad da Lausanne. Ina delegaziun da Luxemburg ed ina sociologa sa participeschan a la discussiun. Ins po s’inscriver!

www.assises-education.ch

KommSchau 2016

13. settember 2016 / Occurrenza / Societad d'infurmaziun

L’occurrenza da la PH FHNW dals 16 da november a Soloturn e dals 23 da november a Windisch stat sut il motto «Scola 2020 – Lieu d’emprender en il futur». Il focus vegn drizzà sin las midadas en il mund da las medias, lur influenza sin la scola sco er dumondas ed effects dals trends per il futur.

imedias.fhnw-ph.ch/kommschau16

Festival d’emprender 2016

5. settember 2016 / Occurrenza / Cumpetenza da medias

Il Festival d’emprender 2016 dals 16 als 17 da settember metta il focus sin il tema «Digitalisaziun: schanzas e sfidas per la furmaziun cuntinuanta». Pliras occurrenzas da furmaziun en il rom dal festival vegnan purschidas gratuitamain en l’entira Svizra.

www.lernfestival.ch

Syndicate content

Logo SEFRI

Logo EDK

Job