Pagina pedagogica

16. April 2012 / Resursa didactica / Pagina pedagogica

Scientix è in’organisaziun europeica e vul sensibilisar la magistraglia per ina educaziun scientifica. Sin la pagina-web vegn rimnà bler material d’instrucziun e rapports da projects scientifics. Scientix vuls cuntanscher tut ils interessents da la pedagogia scientifica. (tud.)

www.scientix.eu

14. May 2012 / Pagina pedagogica

Per ses 100avel anniversari ha la Pro Juventute lantschà in project naziunal cha sa numna «Club svizzer per geniturs». Sortent dad in portal online porscha la Pro Juventute in servetsch da cussegliaziun da di e da notg sco era tips, rapports specifics ed adressas nizzaivlas. (tud.)

www.elternclubschweiz.ch

8. May 2012 / Politica da furmaziun / Pagina pedagogica / Artitgel pedagogic

«La fugia en il gimnasi e sia consequenza per la furmaziun professiunala» sa numna ina contribuziun-blog da Margrit Stamm, professura da pedagogia a l’Universitad da Friburg. Tgi che veglia ina plazza d’emprendissadi sto prestar dapli che las scolaras ed ils scolars dal gimnasi, pretenda Stamm.

www.margritstamm.blogspot.com

7. May 2012 / Pagina pedagogica / Segirtad IT

L’Uniun elternet.ch ha mess en la rait ina pagina-web che dat bun cussegl areguard l’educaziun da medias. Ins chatta là dumondas e respostas davart las medias novas: Tge è lubì, tge è correct, nua ston ins metter cunfins, nua sa chattan ils privels da las medias novas? (tud.)

www.medien-coaching.ch

25. April 2012 / Collavuraziun / Politica da furmaziun / Pagina pedagogica

Ils uffants e giuvenils che vegnan tar quest post uffizial han difficultads cun amis e geniturs, problems en scola ni en la plazza da lavur. Forsa han ils uffants tema ni era in handicap corporal ni psichic. Ils spezialists vesan mintga uffant cun sias fermezzas ed emprovan da gidar individualmain.

kjp-gr.ch

21. March 2012 / Resursa didactica / Gieus didactics / Pagina pedagogica / Rumantsch

En connex cun l'exposiziun «SAPPERLOTTAS! DIALECTS DA LA SVIZRA» pon tut las persunas che vulan registrar il dialect u idiom ch'ellas discurran en il mintgadi. Quai pon ins far sin la pagina-web da l'Archiv fonografic da l'Universitad da Turitg. Là vegnan quellas registraziuns lura er analisadas.

www.vuschs.uzh.ch

14. March 2012 / Pagina pedagogica

La nova pagina-web love2recycle.ch cumpra telefonins e tablets vegls per in pretsch fix, controllescha els tecnicamain ed als venda bunmartgà en pajais da svilup. Era apparats che na funcziunan betg pli pon ins vender per paucs daners – quels pon esser nizzaivel sco magasin da tocs da reserva. (tu.)

www.love2recycle.ch

8. March 2012 / Pagina pedagogica

Il Server da furmaziun tirolais ha creà cun las persunas d’instrucziun ina banca da datas per persunas d’instrucziun. Ils maletgs han ina licenza da CreativeCommons ed èn uschia utilisabels senza surpassar ils dretgs d’autur. Gia uss stattan passa 25’000 maletgs gratuitamain a disposiziun.

bilderpool.at

20. February 2012 / Pagina pedagogica

La nova pagina-web www.unterrichtatom.ch sa drizza a persunas d'instrucziun da tut ils stgalims. Ultra d'in argumentari pro e contra e d'in lexicon cuntegna ella fegls da lavur, folias e preschentaziuns da PowerPoint davart l'energia atomica, il clima ed il provediment d'electricitad svizzer.

www.unterrichtatom.ch