educa.ch

educa.ch occurrenzas 2017

22. december 2016 / educa.ch / Occurrenza

La nova pagina d’occurrenzas dad educa.ch en tudestg e franzos pertutgant ICT ed educaziun vegn mess en lingia el decurs da las proximas emnas. La dieta dad educanet² e²change ha lieu ils 31 da matg 2017 e la dieta da spezialists ils 22 d’avust 2017.

www.educa.ch

educa.ch cun nova structura

20. december 2016 / educa.ch

Correspundent a sias novas incumbensas ha educa.ch, l’agentura spezialisada da la Confederaziun e dals chantuns per ICT ed educaziun, adattà sia pagina-web. Il portal è uss sutdividì en trais champs: spazi da furmaziun, digitalisaziun en la furmaziun, educa.ch.

www.educa.ch

«ich | du | wir | digital» è online

30. november 2016 / educa.ch / Publicaziun

L’applicaziun web per tudestg e franzos davart il tema «identitad digitala» ch’educa.ch ha preschentà als Swiss Education Days è uss online. Ella dat in’interessanta survista dals numerus aspects da questa tematica cumplexa e sper ils ristgs pussaivels er ses grond potenzial.

eid.educa.ch

Retrospectiva da la dieta da spezialists

30. november 2016 / educa.ch / Occurrenza

La dieta da spezialists CTII che ha gì lieu en il rom dals Swiss Education Days a Berna ha procurà cun il tema da l’identitad digitala per grond interess. Las preschentaziuns ed ils videos curts da la dieta èn uss online.

fachtagung.educa.ch

educa.ch a l’arena da Swisscom

24. october 2016 / educa.ch / Occurrenza

En il rom dals Swiss Education Days vegn educa.ch a s’occupar cun l’identitad digitala durant la dieta da spezialists CTII sco er en l’arena da Swisscom. Segirtad, promoziun da las cumpetenzas medialas, exempels Good Practice ed Open Educational Resources stattan en il focus.

sfib.educa.ch

educa.Sonderpädagogik

15. settember 2016 / educa.ch

La Fundaziun Center svizzer da la pedagogia speziala (SZH) cumplettescha sia plattafurma, uschia che la pagina educa.Sonderpädagogik vegn stizzada per fin settember. Nus engraziain per la buna collavuraziun. Infurmaziuns davart la pedagogia speziala chattais Vus sin la pagina-web dal SZH.

www.szh.ch

Novas cundiziuns per las licenzas dad Adobe

26. settember 2016 / educa.ch / Societad d'infurmaziun

La dumonda dad educa.ch ad Adobe per stipular novas cundiziuns da basa n’ha fin uss betg purtà in accord. I vegn perquai recumandà a las scolas da s’infurmar directamain tar Adobe davart licenzas e cundiziuns da diever a partir dal november.

rahmenvertraege.educa.ch

Identitad digitala, scola e ses acturs

30. settember 2016 / educa.ch / Occurrenza

Quest tema stat en il center da la dieta d’experts ICT dal CTII che ha lieu ils 9 da november a la BERNEXPO en il rom dals Swiss Education Days. Il program definitiv cun la glista dals experts è online e vegn actualisada permanentamain. Il termin d’annunzia è igl 1. da november 2016.

sfib.educa.ch

Prolungaziun dal contract cun Microsoft

2. avust 2016 / educa.ch

Il contract existent tranter Microsoft ed educa.ch è vegnì prolungà per 12 mais. El empermetta a las scolas da stipular contracts individuals fin ils 31 da fanadur 2017 per las cundiziuns definidas en precedenza. Las novas cundiziuns vegnan ad esser disponiblas a partir da la primavaira 2017.

rahmenvertraege.educa.ch

Occurrenza dsb - biblioteca digitala scolastica

22. avust 2016 / educa.ch / Occurrenza

Gia per la quarta giada s’inscuntran ils partenaris da la Biblioteca digitala scolasta. L’occurrenza ha lieu ils 8 da settember 2016 a Berna ed è averta per partenaris e persunas interessadas. En il focus stattan inputs curts davart las sfidas e svilups actuals sco er il barat d’experientschas.

biblio.educa.ch

Syndicate content

Logo SEFRI

Logo EDK

Job