Resursa didactica

16. April 2012 / Resursa didactica / Pagina pedagogica

Scientix è in’organisaziun europeica e vul sensibilisar la magistraglia per ina educaziun scientifica. Sin la pagina-web vegn rimnà bler material d’instrucziun e rapports da projects scientifics. Scientix vuls cuntanscher tut ils interessents da la pedagogia scientifica. (tud.)

www.scientix.eu

23. May 2012 / Resursa didactica / Rumantsch / Project da scola

GREASE il musical dals onns 70 che vegn anc oz preschentà sin las grondas tribunas vegn 2013 en Surselva. La Scola da musica Surselva ha lantschà quest project cun in casting. Passa 30 persunas tranter 14 e 25 onns èn stadas al casting. Battaporta ha discurrì cun las candidatas e candidats.

www.battaporta.rtr.ch

15. May 2012 / Resursa didactica / Rumantsch

Material da partenza per la producziun da textilias furman fibras natiralas e sinteticas. Tar las fibras natiralas differenziesch’ins tranter fibras da plantas (mangola, juta, glin e chonv) e fibras d’animals (launa e saida). L’artitgel en La Quotidiana dat ina survista.

www.chatta.ch

2. May 2012 / Resursa didactica

L’Associaziun European Petrochemical ha en collavuraziun cun il European Schoolnet elavurà in video davart chemia en noss mintgadi sco era creà in manual per magisters cun sequenzas e materialias d’instrucziun. Il material è adattà per il stgalim secundar I e II. (tud.)

chemistryallaboutyou.eun.org

30. April 2012 / Resursa didactica / Publicaziun / Rumantsch

Il DVD "Andri Peer e ses temp" è da retrair per in pretsch reducì da CHF 25.00 fin ils 31 da fanadur 2012. Il DC/DVD cun documents audiovisuals istorics dat in'impressiun en las activitads ed il svilup da las medias electronicas rumantschas, davent da las emprimas emissiuns dals onns 1940 fin 1980.

www.liarumantscha.ch

27. April 2012 / Resursa didactica / Publicaziun / Rumantsch

La Lia Rumantscha maina danovamain in pitschen antiquariat per puspè render accessibel cudeschs exausts. En il sortiment da cudeschs antiquars chattan ins ovras da Cla Biert, Theo Candinas, Peter Cadosch e blers auters. Ils cudeschs pon ins retrair tar la Lia Rumantscha.

www.liarumantscha.ch

27. April 2012 / Resursa didactica

Tenor la legenda duai il chastellan sur il vitg da Madulain avair torturà la glieud da la val ed avair pretendì per spusa la figlia d’Adam da Chamues-ch. Quel duai avair assassinà il chastellan odià e destruì il chastè cun l’agid da ses cumpogns. Istorgia e legenda locala. (Artitgel en LQ)

www.chatta.ch

26. April 2012 / Agenda / Resursa didactica / Rumantsch / Project da scola

Enturn la mesadad dal 19avel tschientaner emigravan mintg’onn var 1000 uffants dal Grischun per chattar lavur en il Schuob. Els partivan il mars e turnavan il november. Il Museum regiunal Surselva a Glion ha elavurà in lavuratori per il stgalim mesaun ed il stgalim aut en rumantsch e tudestg.

www.museumregiunal.ch

19. April 2012 / Concurrenza / Resursa didactica / Project da scola

Tar il WWF Grischun stattan ils utschels-mezmieur en il center da las activitads da quest onn. Cun visitas en scola, excursiuns, cursas da sponsurs ed ina concurrenza da bajegiar chasettas per ils utschels-mezmieur vul il WWF sensibilisar ils uffants per quella creatira fascinanta.

www.wwf-gr.ch