Resursa didactica

Material didactic «WASSERverstehen»

5. zercladur 2015 / Resursa didactica

L’institut geografic da l’Universitad da Berna ha preschentà l’emprim modul d’emprender per il stgalim sec II. Il med s’occupa d’eveniments idrologics extrems ed è vegnì sviluppà da «l’Atlas idrologic svizzer». Il med po vegnir retratg gratuitamain en furma squitschada e digitala (tud.).

www.hades.unibe.ch

Cudesch d'uffants: Il grond sgol da Marmottin

1. zercladur 2015 / Resursa didactica / Publicaziun / Rumantsch

La nov’ediziun da la Chasa editura per sursilvan e rumantsch grischun: Finalmain, la savur da primavaira! Ussa dastga Marmottin vegnir or da la tauna e magliar il venter plain. Ma i dat era bler d'emprender: per exempel co far guardia e co dar in dretg tschivel en cas da privel.

chasaeditura.ch

La fatschenta cun nossas datas

13. matg 2015 / Resursa didactica

Do Not Track è ina seria-web interactiva – da la quala plirs emetturs èn partenaris – che mussa co che l’internet è daventà in instrument da controlla che registrescha tut quai che nus faschain en la rait. La pagina dat era cussegls co ch’ins po sa dustar envers questa controlla (tud.)

donottrack-doc.com

politbox: quiz davart tia savida politica

8. matg 2015 / Resursa didactica

La SRG SSR ha realisà ina app davart las elecziuns naziunalas en tschintg linguas. Scolaras e scolars dal stgalim secundar I e II pon uschia augmentar la savida da la politica svizra. Latiers datti in quiz divertent ed a partir dals 24 d’avust metta «SRF mySchool» material didactic en la rait.

www.politbox.ch

Mussavia electoral 2015 er en rumantsch

11. matg 2015 / Occurrenza / Resursa didactica / Rumantsch

En vista a las elecziuns dal nov cussegl naziunal da l’atun proxim ha Corina Casanova preschentà a las medias il proceder ed il mussavia electoral per l’elecziun dals 200 represchentantas e represchentants dal pievel en il cussegl naziunal. La pagina-online datti en tschintg linguas.

www.ch.ch

Ils scolasts n’èn betg happy cun il med d’englais

30. avrigl 2015 / Resursa didactica

Passa dus terzs dals magisters grischuns èn «malcuntent» u «fitg malcuntent» cun il nov med d’englais «New World» da la Chasa editura Klett e Balmer. Passa la mesadad vuless gugent lavurar cun in auter med, dentant na vesa la Regenza grischuna nagina necessitad d’agir (tud.).

schuleschweiz.blogspot.ch

Plattafurma digitala da scriver Youtype

23. avrigl 2015 / Resursa didactica

«youtype.ch – la plattafurma digitala da scriver a partir da la 5avla classa», in project d’imedias, il stab da cussegliaziun per medias digitalas en l’instrucziun da la Scol’auta dals Nordvest da la Svizra, duai motivar e promover la giuventetgna da scriver cun agid d’interacziun sociala (tudestg).

www.youtype.ch

Persunas cun in senn cartografic tschertgadas

20. avrigl 2015 / MINT / Resursa didactica

La Scol’auta dal Nordvest da la Svizra tschertga persunas d’instrucziun ch’instrueschan las classas 5-9 e che han gust da lavurar cun il portal Swisstopo. Ellas duessan esser avertas per medias digitalas. Ensemen cun persunas spezialisadas sviluppan ellas material didactic per l’instrucziun (tud.).

www.schoolmaps.ch

Ballape fascinescha las massas

13. avrigl 2015 / Resursa didactica / Publicaziun

Ballape fascinescha las massas – per blers uffants e creschids è ballape il hobi numer in. Tge è la fascinaziun da quest gieu, nua che 22 umens ed adina dapli dunnas curran suenter ina balla? Ils documents na tematiseschan betg mo la fascinaziun dal ballape, mabain preschentan er reglas e tips.

www.chatta.ch

Dretgs da l’uman

10. avrigl 2015 / Resursa didactica

Amnesty International porscha divers workshops davart ils dretgs da l’uman per scolaras e scolars a partir da 15 onns. Ina persuna professiunala visita per quest intent las classas. Ils workshops da duas lecziuns dattan la pussaivladad da connectar il mintgadi cun ils dretgs da l’uman (tud.).

www.amnesty.ch

Syndicate content

Logo SEFRI

Logo EDK

Job