Resursa didactica

«Siador» - Med da lingua per la 9avla classa

30. settember 2015 / Resursa didactica / Publicaziun / Rumantsch

Il med modern cumpiglia quatter cudeschs da lavur, commentaris, in disc cumpact sco era ina plattafurma digitala. La lavur cuntinuescha dentant. «Ils meds en rumantsch grischun èn la basa per ils divers meds idiomatics che vegnan ussa dads en lavur», ha il schef dal departament Martin Jäger ditg.

www.chatta.ch

Plima d’aur/Pledpierla 2015: in grond success

29. settember 2015 / Resursa didactica / Rumantsch

La concurrenza da scriver Plima d’aur/Pledpierla che la Lia Rumantscha ha lantschà da nov ha gì in success nunspetgà. En tut han pudì vegnir giuditgads 184 texts ladins, 32 sursilvans e 45 surmirans e sutsilvans. La premiaziun ha lieu gievgia, il 1. d’october 2015 en differents lieus.

www.liarumantscha.ch

Di da las linguas

8. settember 2015 / Occurrenza / Resursa didactica / Rumantsch

Ils 26 da settember è il di da las linguas cun las finamiras da promover la diversitad linguistica e l’emprender linguas durant l’entira vita. La broschura elavurada da la CDEP «Ideas per l’instrucziun» reunescha impuls, guaffens ed ideas activas ch’ins po adina utilisar en l’instrucziun (tudestg).

www.edk.ch

Jau vi votar – cler e simpel

5. settember 2015 / Resursa didactica

Blers creschids en Svizra disponan d’ina bassa cumpetenza da leger. Cun questa pagina-web è vegnì creà in instrument infurmativ independent en trais linguas per creschids che han difficultads da leger. Sper l’instrucziun visuala vegni era purschì bler material d’elavurar mintga pass (tudestg).

www.ich-will-waehlen.ch

Chatscha digitala tar il mund dals animals

1. settember 2015 / MINT / Resursa didactica

La «fauna svizra» è il tema da la nova tschertga da stgazis da l’Uffizi federal da topografia swisstopo. Ella sa drizza a scolaras e scolars tranter 10 e 15 onns e consista da 12 etappas cun la carta svizra e las geodatas per scuvrir il mund dals animals en noss pajais (tudestg).

www.swisstopo.admin.ch

Actualitads FSP

18. avust 2015 / Resursa didactica

éducation21, il center naziunal da cumpetenza per ina furmaziun per in svilup persistent (FSP), porscha a las persunas d’instrucziun sin las paginas d’educa.ch ina survista dals novs cuntegns da la plattafurma education21.ch. Material didactic ed occurrenzas – tut davart il tema FSP (tud.).

unterricht.educa.ch

Visita al CERN cun Google Street View

3. avust 2015 / MINT / Resursa didactica

Ils visitaders virtuals da l’entir mund pon finalmain scuvrir il CERN, directamain cun Google Maps, transmess da Google Street View. Da la sedia dal CERN cun ses bischen da sincrotron (protons) pon ils utilisaders navigar tenor giavisch tras il CERN – i dat ina massa d’explorar (tud.).

www.tutto-scienze.org

Nov fascichel dal Dicziunari Rumantsch Grischun

27. fanadur 2015 / Resursa didactica / Publicaziun / Rumantsch

Il fascichel dubel 182/183 gist cumparì cuntegna tranter auter ils artitgels MELLAN, MENDA, MENDER, ils prenums MEN e MENGIA ed il cumenzament da l’artitgel MERDA. Il nov fascichel pudais Vus retrair en la butia online dal DRG per il pretsch da 52.00.

www.drg.ch

Academia Vivian en la Val Medel/Surselva

24. fanadur 2015 / Resursa didactica

L’atun passà è l’Academia Vivian vegnida averta. Ella è ina stanza da scola en il guaud, ina bellezza stiva per occurrenzas ed in lieu da sentupada per tematicas dal guaurd e da las selvaschinas. L’idea fundamentala è la furmaziun per scolaras e scolars. La tegia po era vegnir affitada da privats.

www.academiavivian.ch

Reciclar – material didactic

17. fanadur 2015 / Resursa didactica

Swiss Recycling metta a disposiziun material didactic en trais linguas per las persunas d’instrucziun da tut ils stgalims da la scola populara: survista didactica, plan da las lecziuns, material audiovisual, tests en furma digitala e.a.v. Il material vegn cumplettads cuntinuadamain (tudestg).

www.recycling-heroes.ch

Syndicate content

Logo SEFRI

Logo EDK

Job