Resursa didactica

Publicaziun: Mintga di - 14 auturas ed auturs

29. november 2015 / Rumantsch / Resursa didactica / Publicaziun

Quest cudesch cun dies liber vegn edì sco rimnada da carnets. Ils fascichels cun ina cuverta colurada èn deditgads mintgamai ad in tema. 14 auturas ed auturs èn da la partida. Sin bunamain mintga pagina datti fotograms e pleds che vegnan preschentads en tut ils idioms ed en tudestg.

chasaeditura.ch

Fimar e fimar passiv

14. october 2015 / Resursa didactica

Il fim da tubac depona «merdas» quasi en l'entir corp, da la bucca sur il lom ed il cor enfin en ils organs da secreziun. Persunas che fiman èn main fittas, han dapli difficultads cun il flad, pateschan da tuss cronica e da buffar ed èn suttapostas ad ina reducziun prematura da la funcziun dal lom.

www.chatta.ch

Cudesch da giuvenils: In nivel per cumià

16. october 2015 / Resursa didactica / Publicaziun / Rumantsch

In nivel dissegna Bram sco cumià per sia sora gronda. In nivel che vegn adina ad esser qua, era sche Fran n'è betg pli. Fran mora cun deschset onns da cancer da l'ossa. Ella ha mess ses accents, en la vita ed en la musica. In'istorgia undrada cun il renumà premi beltg per cudeschs da giuvenils.

www.chatta.ch

Concurrenza da scriver: Ils morts da Falein

26. october 2015 / Resursa didactica / Rumantsch

Ensemen cun l’Uniun Parc Ela, il Servetsch archeologic dal GR, Somedia ed il Bergfahrt Festival ha la Lia Rumantscha lantschà la concurrenza criminala «Ils morts da Falein»: ella tschertga la meglra istorgia davart la scuverta dad ossa misteriusa a Falein. La fin d’annunzia è ils 31-12-2015.

www.parc-ela.ch

Dretgs dals uffants en l’instrucziun

12. october 2015 / Resursa didactica

A chaschun dal Di internaziunal dals dretgs dals uffants ha éducation21 ensemen cun l’Institut internaziunal per ils dretgs dals uffants creà material didactic per tut ils stgalims. Quest onn focuseschan ils fegls da lavur sin la libertad da manifestar l'atgna opiniun (tud.).

www.education21.ch

Emprima APP per la Biblioteca naziunala

29. october 2015 / Resursa didactica

La Biblioteca naziunala svizra ha publitgà sia emprima App. Ella serva oravant tut per scuvrir la gronda collecziun da texts, da maletgs e da tuns da la Svizra. Sper cudeschs, revistas e paginas-web mussa l’App era occurrenzas ed exposiziuns.

nationalbibliothek.ch

Segirtad durant lavurar

19. october 2015 / Resursa didactica

Questa plattafurma d’emprender è destinada a futuras spezialistas ed a futurs spezialists e caders da fatschentas ch’èn co-responsabels per la «segirtad durant lavurar». La mira è da sensibilisar las persunas per lur funcziun e da transmetter las enconuschientschas impurtantas en chaussa (tud.).

www.arbeitssicherheit-hf.ch

Nova app: Falleri Fallera

3. settember 2015 / Resursa didactica / Rumantsch

Ti ès en in champ d'uffants e vuls chantar da cuminanza. Ma co gieva il text? Cun in clic pos ti telechargiar passa 1'600 texts da chanzuns. Chanzuns popularas, chanzuns da festa, chanzuns d’uffants, chanzuns da Nadal u l’imni svizzer - en tudestg, franzos, talian, rumantsch ed englais.

www.appshopper.com

Nov med d’instrucziun: Verbs e grammatica RG

30. settember 2015 / Resursa didactica / Rumantsch

Quest cudesch duai servir a la scolara ed al scolar sco manual simpel e pratic per chattar a moda svelta agid en dumondas elementaras davart ils verbs e la grammatica. El cuntegna ina selecziun generusa dals verbs frequents. Da retrair per il pretsch da 29.40 CHF.

www.liarumantscha.ch

«Siador» - Med da lingua per la 9avla classa

30. settember 2015 / Resursa didactica / Publicaziun / Rumantsch

Il med modern cumpiglia quatter cudeschs da lavur, commentaris, in disc cumpact sco era ina plattafurma digitala. La lavur cuntinuescha dentant. «Ils meds en rumantsch grischun èn la basa per ils divers meds idiomatics che vegnan ussa dads en lavur», ha il schef dal departament Martin Jäger ditg.

www.chatta.ch

Syndicate content

Logo SEFRI

Logo EDK

Job