Resursa didactica

Video Good Practice: Cumpetenza da medias

29. schaner 2016 / Resursa didactica / educa.ch / Cumpetenza da medias

Il guid da Giuventetgna e medias «Cumpetenza da medias en il mintgadi da scola» è vegnì cumplettà cun in exempel d’ina scola primara. Las experientschas cun l’iPad durant lur emna da project dattan novas ideas per tractar a moda ludica ils concepts da basa da la furmaziun da medias (tud.).

guides.educa.ch

MINT cun il smartphone

12. schaner 2016 / Resursa didactica / Cumpetenza da medias / MINT

In gimnasi tudestg ha perscrutà en collavuraziun cun la SAP Freiburg en Br. con fisica e matematica ch’ins po far cun agid dals smartphones. Passa 60 experiments han els alura publitgà sin la pagina-web. Ils responsabels han alura pretendì da lavurar cun smartphones en tut ils roms da la scola (tu).

mascil.ph-freiburg.de

Cumpetenza da medias per uffants sut 12 onns

13. schaner 2016 / Resursa didactica / Cumpetenza da medias / Societad d'infurmaziun

La Prevenziun svizra da la criminalitad (PSC/SKP) elavura era broschuras e material davart temas e privels en l’internet. Ils films curts (en tudestg, talian e franzos) s’occupan – cun far allusiun a las paraulas da Grimm – als temas: dependenza da l’internet, pedofilia, mobing euv.

www.skppsc.ch

Di commemorativ dal Holocaust

22. schaner 2016 / Resursa didactica / Publicaziun / educa.ch

Ils 27 da schaner vala sin l’entir mund sco «Di commemorativ dal Holocaust e da la prevenziun da crims cunter l’umanitad». La Conferenza svizra dals directurs chantunals da l'educaziun publica ha actualisà l’educa.guide. Cun nov material didactic per tractar questa tematica (tud.).

unterricht.educa.ch

Confederaziun avertescha en cas da privels

4. december 2015 / Rumantsch / Resursa didactica

La Confederaziun infurmescha ed avertescha la populaziun, las medias e las autoritads en cas da privels da la natira smanatschants danovamain era per rumantsch. Ils posts spezialisads federals sa coordineschan en in comité directiv LAINAT. Il portal vegn actualisà ura per ura.

www.privels-natira.ch

Lectura sursilvana per uffants: Il Vamperlin

5. schaner 2016 / Rumantsch / Resursa didactica / Publicaziun

"Na, qua na datti betg!", di Dunna Lucia cura ch'ella chatta in pitschen vampir en sia abitaziun. Suenter avair magunà l’emprim starment sa decida ella da nutrir il Vamperlin cun il gutter… in’istorgia cun cor ed umor. Il cudesch è da retrair per il pretsch da fr. 10.00.

www.liarumantscha.ch

Nov cudesch da fantasy: Emalio

30. november 2015 / Rumantsch / Resursa didactica / Publicaziun

L’emprim roman da fantasy sursilvan scrit da duas giuvnas auturas sut la batgetta da la Chasa Editura Rumantscha è qua. Il retg conquista cun sia armada adina dapli regiuns. Il pievel dad Uldauns vegn chatschà adina pli fitg a chantun. Emalio va a la tschertga dals centaurs...

chasaeditura.ch

Cartulinas cun proverbis en puter

7. schaner 2016 / Rumantsch / Resursa didactica / Publicaziun

Questas cartulinas èn vegnidas stgaffidas d’ina gruppa da Samedrinas e Samedrins ed han la finamira da promover il rumantsch e da multiplitgar uschia la preschientscha da nossa lingua e cultura. Mintga proverbi è enramà d’ina illustraziun e porta la translaziun tudestga.

www.liarumantscha.ch

Ultim Top Kids: Oh, tge bel è Panama

16. december 2015 / Rumantsch / Resursa didactica / Publicaziun

Il pitschen tigher ed il pitschen urs èn buns amis. In bel di chatta il pitschen tigher ina chista da lain cun scrit si «Panama». La chista savura da bananas. Perquai ch'els han gugent bananas, decidan l'urs ed il tigher dad ir a tschertgar Panama. Quai sto bain esser il pajais da lur siemis.

www.liarumantscha.ch

Reediziun sursilvana: 24 istorgias d’advent

11. schaner 2016 / Rumantsch / Resursa didactica / Publicaziun

Ina saira cupitga l’anghelet cun in chapitscha da misarocla giu dal tschiel. El è a la tschertga d’in regal tut spezial. Las 24 istorgias d’advent d’auturas e d’auturs enconuschents cun illustraziuns fascinantas è in bellezza cudesch per preleger u per leger sez.. en 11 mais èsi puspè uschè lunsch.

www.liarumantscha.ch

Syndicate content

Logo SEFRI

Logo EDK

Job