Resursa didactica

Programmar cun Bee-Bot

24. favrer 2016 / Resursa didactica / Cumpetenza da medias / MINT

Il labor d’uffants ha elavurà cun «programmar per uffants» ina nova purschida per las scolaras ed ils scolars da la scolina e dal stgalim primar (1. e 2. classa). Bee-Bot, il pitschen roboter en furma d’in avieul sa vegnir programmà cun quatter tastas uschia ch’el sa schliar simpels pensums (tud.).

kinderlabor.ch

Plazzas d’emprendissadi tar Somedia

29. favrer 2016 / Occurrenza / Resursa didactica / Cumpetenza da medias

S’interesseschan ils scolars e las scolaras per medias, chaussas squitschadas, radio e televisiun? Tar tut questas differentas spartas porscha Somedia plazzas d’emprendissadi. Il suentermezdi dals 16 da mars 2016 è deditgà ad in emprim inscunter cun ils divers mastergns. As annunziai online!

lehrberufe.somedia.ch

Emsorama – instrucziun cun palpar

17. favrer 2016 / Resursa didactica / MINT / Furmaziun cuntinuada

Emsorama è l’emprim Science Center dal Grischun. Passa 50 experiments spetgan sin scolaras e scolars. Qua dastgan els finalmain palpar ed experimentar. Fenomens da la natira e la fascinaziun per la scienza stattan en il center. La visita è adattada per tut ils stgalims ed è gratuita (tud.).

www.ems-group.com

Youtube – tschertgar films per l'instrucziun

26. favrer 2016 / Resursa didactica / Cumpetenza da medias

La Scola auta da Lucerna mussa co ch’ins tschertga a moda intenziunada films per duvrar en l’instrucziun. Latiers vegn declerà il champ «Youtube for Schools» ed ulteriuras infurmaziuns, sco per exempel ils dossiers SRF mySchool u ils dossiers da la SAP Lucerna (tud.).

www.blog.hslu.ch

Nov portal per l’Open Government Data

3. favrer 2016 / Resursa didactica / Societad d'infurmaziun

La Confederaziun, ils chantuns, las vischnancas ed auters publitgeschan dad ussa davent lur datas libras sin la nova plattafurma ch’è realisada dad Open Government Data. En il champ da la furmaziun e da la scienza chattan las persunas d’instrucziun cuntegns interessants per telechargiar (tud.).

opendata.swiss

Cussegls per utilisar medias digitalas

22. favrer 2016 / Resursa didactica / Cumpetenza da medias

A chaschun dal Safer Internet Day 2016, ha publitgà upc cablecom ina broschura cun cussegls per utilisar a moda segira las medias digitalas. La broschura po vegnir telechargiada gratuitamain ed è dividida tenor tematicas: tv, videos, computer e reclama (tud.).

www.upc-cablecom.ch

Novas furmas per las publicaziuns digitalas

9. favrer 2016 / Resursa didactica / Societad d'infurmaziun

Il portal professiunal svizzer da la scienza da l’istorgia ha lantschà il project «Living Books about History», che examinescha novas furmas per las publicaziuns scientificas. Essais digitals dals perscrutaders vegnan cumplettads cun cuntegns multimedials sco films, fotos e paginas-web (tud.).

www.livingbooksabouthistory.ch

Video Good Practice: Cumpetenza da medias

29. schaner 2016 / Resursa didactica / educa.ch / Cumpetenza da medias

Il guid da Giuventetgna e medias «Cumpetenza da medias en il mintgadi da scola» è vegnì cumplettà cun in exempel d’ina scola primara. Las experientschas cun l’iPad durant lur emna da project dattan novas ideas per tractar a moda ludica ils concepts da basa da la furmaziun da medias (tud.).

guides.educa.ch

MINT cun il smartphone

12. schaner 2016 / Resursa didactica / Cumpetenza da medias / MINT

In gimnasi tudestg ha perscrutà en collavuraziun cun la SAP Freiburg en Br. con fisica e matematica ch’ins po far cun agid dals smartphones. Passa 60 experiments han els alura publitgà sin la pagina-web. Ils responsabels han alura pretendì da lavurar cun smartphones en tut ils roms da la scola (tu).

mascil.ph-freiburg.de

Cumpetenza da medias per uffants sut 12 onns

13. schaner 2016 / Resursa didactica / Cumpetenza da medias / Societad d'infurmaziun

La Prevenziun svizra da la criminalitad (PSC/SKP) elavura era broschuras e material davart temas e privels en l’internet. Ils films curts (en tudestg, talian e franzos) s’occupan – cun far allusiun a las paraulas da Grimm – als temas: dependenza da l’internet, pedofilia, mobing euv.

www.skppsc.ch

Syndicate content

Logo SEFRI

Logo EDK

Job