Resursa didactica

Resursas online davart l’alimentaziun

2. zercladur 2016 / Resursa didactica

Per l’occasiun da sia reavertura entschatta zercladur, porscha il museum Alimentariun a Vevey a las persunas d’instrucziun ed a las scolaras ed als scolars stanzas virtualas cun gieus pedagogics, applicaziuns, curs e material didactic davart l’alimentaziun.

learning.alimentarium.ch

Minecraft Education-Edition versiun da test

27. zercladur 2016 / Resursa didactica

La versiun da test da quest gieu educativ è online. Persunas d’instrucziun pon utilisar gratuitamain «Minecraft Education Edition» fin il start uffizial il settember. Classas fin 30 scolaras e scolars pon alura far projects communabels, senza disponer d’in agen server.

blogs.technet.microsoft.com

Purschidas per scolas: Dis da l'informatica

27. matg 2016 / Resursa didactica / Occurrenza

Per l’emprima giada organisescha ICTswitzerland ils Dis da l’informatica en Svizra. Diversas instituziuns da la branscha IT dal chantun Turitg avran lur portas – en spezial per uffants e giuvenils - per dar in’invista en lur professiun ils 3 ed ils 4 da zercladur 2016.

www.informatiktage.ch

FinanceMission Heroes

30. matg 2016 / Resursa didactica

Las duas uniuns tetgalas Magistraglia Svizra (MCH) e SER han edì in gieu d’emprender che correspunda al Plan d’instrucziun 21 cun material accumpagnant didactic per il rom economia, lavur e tegnairchasa. La purschida gratuita vul cumbatter la cumpetenza da finanzas manglusa da blers giuvenils.

financemissionheroes.ch

Helveticus II - istorgia svizra animada

19. matg 2016 / Publicaziun / Resursa didactica

A moda divertenta vegn raquintà en «Helveticus» biografias ubain fatgs relevants d’istorgias da success en Svizra: Sophie Taeuber-Arp, Roger Federer etc. Helveticus po vegnir duvrà en scola per l’instrucziun civica, u er sco agid per l’instrucziun linguistica dal tudestg, talian u franzos.

www.rtr.ch

Crear quizs a moda simpla

12. matg 2016 / Resursa didactica / Cumpetenza da medias

«Kahoot!» è ina plattafurma bleded-learning per crear quizs, retschertgas e danovamain per crear gieus per teams cun il Kahoot Creator. Sin la plattafurma pon las persunas d’instrucziun crear agens quizs e silsuenter laschar giugar teams da scolaras e scolars in encunter l’auter.

web2-unterricht.blogspot.ch

Cudesch davart cancer

22. avrigl 2016 / Rumantsch / Resursa didactica / Publicaziun

In nivel dissegna Bram sco cumià per sia sora gronda. In nivel che vegn adina ad esser qua, era sche Fran n'è betg pli cun els. Fran mora cun deschset onns da cancer da l'ossa. Ella ha mess ses accents, en la vita ed en la musica. Il cudesch rumantsch grischun è adattà per il stgalim aut.

www.chatta.ch

Center didactic: Matematica 3-6

23. avrigl 2016 / Resursa didactica / MINT

En la matematica valan ils giatters da dumbers sco quantitad regulara. Cun questa tabella en il format excel datti bleras pussaivladads da crear novs giatters per las scolaras ed ils scolars da la 3. fin la 6. classa. Cun smatgar il buttun F9 vegnan novs giatters generads.

instrucziun.educa.ch

Mintgin sa programmar!

19. avrigl 2016 / Resursa didactica

Hour of Code è in’iniziativa internaziunala che porscha a scolaras e scolars in access per emprender a programmar. La pagina-web datti en 40 linguas, ella porscha tutorials, gieus, agids d’emprender e material didactic per persunas d’instrucziun per crear in simpel gieu.

code.org

Giugar ed engiavinar

14. avrigl 2016 / Resursa didactica / Internaziunal

La UE vul che tuts – era nus Svizzers – vivain bain: Ella guarda per nossa natira, per reglas da convivenza e cumbatta la criminalitad. La UE guarda era per ils pitschens. Sin questa pagina-web datti bler da scuvrir: bajetgs famus da l’entira Europa, persunas interessantas e gieus cha fan gust.

europa.eu

Syndicate content

Logo SEFRI

Logo EDK

Job