Resursa didactica

Di commemorativ da Holocaust

15. schaner 2015 / Occurrenza / Resursa didactica

En Svizra sco sin l’entir mund è ils 27 da schaner il «Di commemorativ dal Holocaust e da la prevenziun da crims cunter l’umanitad». Il Center da documentaziun IDES dal CDIP ha realisà in educa.guide cun agids e propostas per l’instrucziun (tudestg).

guides.educa.ch

Onn internaziunal da la terra

4. schaner 2015 / MINT / Resursa didactica

Las Naziuns Unidas (ONU) han proclamà l’onn 2015 sco Onn internaziunal da la terra. L’onn internaziunal vul metta la terra en il center da l’interess – era en scola. La pagina-web svizra dat ina survista davart occurrenzas, material didactic ed ulteriuras infurmaziun (tudestg).

www.iys2015.ch

Uffants: «Il beschin nair chatta seis meglder ami»

3. december 2014 / Resursa didactica / Publicaziun / Rumantsch

Il cudesch d’uffants en vallader «Il beschin nair chatta seis meglder ami» da Heidi Laurent-Domenig è cumparì. L’aventura cumenza cun in asen che n’è betg gugent sulet. El viva en ina stalla ed è trist perquai che tschels asens al rian ora. Il cudesch pon ins retrair per il pretsch da CHF 22.-.

www.liarumantscha.ch

Plitsch Platsch - cudeschet da versets per uffants fin 6 onns

18. december 2014 / Resursa didactica / Publicaziun / Rumantsch

Plitsch Platsch è in nov product da la Lia Rumantscha. Il cudeschet da 23 paginas cuntegna vers e versets per pitschens e pitschnins. Ils texts ha scrit Rut Plouda. Plitsch Platsch cumpara en tut ils idioms ed ins al po retrair per il pretsch da CHF 12.–.

www.liarumantscha.ch

Patrimoni cultural audiovisual dal Grischun

1. december 2014 / Resursa didactica

Rimnar, cataloghisar ed intermediar medias audiovisualas che stattan en relaziun cun il Grischun. Da questa tematica s'occupa in project da la biblioteca chantunala dal Grischun en collavuraziun cun l'uffizi da cultura. Ina schelta da projects da l'uniun Memoriav èn sin rucca.

de.memoriav.ch

Emprender englais online cun unterricht.de

12. december 2014 / Resursa didactica

Il portal d’emprender unterricht.de è vegnì surlavurà cumplettamain. Da nov porscha el in program da curs per la grammatica englaisa cun passa 50 lecziuns gratuitas che pon vegnir messas ensemen tenor gust – cun pensums variants e soluziuns per emprender independentamain (tudestg).

www.unterricht.de

Museum retic: exposiziun d’enviern

12. december 2014 / Occurrenza / Resursa didactica

Il Museum Retic a Cuira ha avert in’exposiziun speziala davart ils furniturs d’energia istorics. L’exposiziun ch’è averta fin ils 8 da mars 2015 demonstrescha la gronda fantasia da noss antenats pertutgant la protecziun cunter la fradaglia durant il temp d’enviern en las muntognas reticas.

www.raetischesmuseum.gr.ch

Paraula: Tredeschin

12. november 2014 / Resursa didactica / Publicaziun / Rumantsch

«Tredeschin, lader fin, cura turnas?» Questa paraula raquinta dal tredeschavel uffant che sa cumprova tar il retg da Frantscha. Il text è adattà da Bettina Vital. Pia Valär enritgescha ed interpretescha questa istorgia cun sias illustraziuns significantas e cun umor. En vallader e rg.

chasaeditura.ch

Crestomat - Tge è il crestomat?

10. november 2014 / Resursa didactica / Publicaziun / Rumantsch

Dr. Clau è il protagonist dal nov comic rumantsch «Il Crestomat». Il comic duai cumparair en il turnus da mintgamai dus mais sco comic digital da var 20 paginas. Gratuit per in e scadin. Da chargiar giu sin tablet e telefonin smart u da giudair online sin la pagina-web.

www.crestomat.ch

Temp d'advent e Nadal en scola

24. november 2014 / Occurrenza / MINT / Resursa didactica / Rumantsch

Durant il pli bel temp da l’onn èsi era cool da far insatge spezial en scola. Perquai preschenta la redacziun d’educa.ch fegls da lavur cun poesias e teaters per il temp magic, chalenders d’advent online, istorgias ed autras surpraisas per giudair il temp d’advent en scola.

instrucziun.educa.ch

Syndicate content

Logo SEFRI

Logo EDK

Job