Resursa didactica

AppAdviser dad imedias

24. mars 2017 / Good Practice / Resursa didactica

Il post da cussegliaziun per meds digitals en scola ed en l’instrucziun da la FHNW, imedias, prenda sut la marella en ses AppAdviser differentas apps pedagogicas ch’èn adattadas per l’instrucziun. Las apps èn vegnidas testadas e valitadas, però na po la survista mai esser cumpletta.

www.imedias.ch

Ghemar per cumbatter debits

7. mars 2017 / Ambient d'emprender digital / Resursa didactica

Cun il gieu didactic «FinanceMission Heroes» s’engaschanl’Associaziun tetgala svizra da magistras e magisters MCH/LCH, SER e las bancas chantunalas svizras cuminaivlamain per augmentar la cumpetenza da finanzas dals giuvenils. Qua emprendan ils giuvenils ils princips da l’economia.

financemissionheroes.ch

Cyber Security

8. favrer 2017 / Resursa didactica / Cumpetenza da medias

Sin la pagina-web da SATW pon persunas d’instrucziun da scolas professiunalas e da gimnasis ch’instrueschan informatica, fisica e matematica, telechargiar gratuitamain quatter retschas da lecziuns davart il tema segirezza en l’internet cun mintgamai introducziuns ed unitads d’approfundaziun.

www.satw.ch

Castur pitschen per l’emprim ciclus

16. december 2016 / Resursa didactica

Il castur pitschen, il Minibiber, da la concurrenza dal Castur da l'informatica Svizra sa drizza tenor il Plan d’instrucziun 21 a las persunas d’instrucziun da l’emprim ciclus, po però er esser interessant per il 2. ed il 3. ciclus. La SAP Lucerna empresta ina chista cun tut il material necessari.

www.minibiber.ch

Gieu davart protecziun da datas

19. december 2016 / Resursa didactica

DATAK è in gieu interactiv che vul sensibilisar ils users davart datas persunalas, protecziun da datas e Big Data. Giuvenils a partir da 15 onns ston prender decisiun dal mintgadi che stattan en connex cun metter en la rait datas persunalas.

www.datak.ch

Lecziuns privatas sin Youtube

28. november 2016 / Resursa didactica / Societad d'infurmaziun

Sin Youtube vegnan adina dapli furmas ed ideas mussadas co che lecziuns privatas pon vegnir creadas. Latiers dattan giuvenils cussegls en agens videos d’emprender e quai per prest tut ils roms da scola. Videos curts èn fitg populars ed han l’avantatg ch’els pon vegnir guardads adina e dapertut.

www.wired.de

CEDID: Dal graun tar il paun

26. november 2016 / Resursa didactica

En il CEDID chattan ins danovamain fegls da lavur areguard graun e paun. Cun graficas e dissegns pon ils uffants sa deditgar al tema: istorgia dal paun, impurtantas sorts da grauns, proverbis e locuziuns, semnar e racoltar etc. Ils fegls en sursilvan èn adattads per il stgalim primar.

instrucziun.educa.ch

Worlddidac Award per «MoneyFit»

11. november 2016 / Resursa didactica

En il rom dals Swiss Education Days, ha PostFinance retschiert in Worlddidac Award per sia purschida da material didactic innovativ e persistent. La plattafurma online Moneyfit gida a sviluppar sin trais differents nivels las cumpetenzas finanzialas dals uffants e giuvenils tranter 9 e 19 onns.

moneyfit.postfinance.ch

App per la protecziun da datas

29. settember 2016 / Resursa didactica

L’incumbensà per la protecziun da datas dal chantun da Turitg ha lantschà ina app en chaussa per las scolas popularas. L’app è creà en furma da lexicon cun in index da A – Z. Tar dumondas pon utilisadras ed utilisaders directamain contactar il team da cussegliaziun.

dsb.zh.ch

Digitalisaziun da la furmaziun

8. settember 2016 / Resursa didactica / Societad d'infurmaziun

La Fundaziun Bertelsmann ed il Center da perscrutaziun da l'instrucziun infurmeschan sin lur plattafurma davart il tema «Digitalisaziun da la furmaziun». Studis, occurrenzas e projects infurmeschan davart propostas raschunaivlas, per che tut ils participants da la furmaziun sa profiteschian.

www.digitalisierung-bildung.de

Syndicate content

Logo SEFRI

Logo EDK

Job