Resursa didactica

Dossier MINT

15. december 2017 / Resursa didactica / MINT

Il nov dossier MINT dad educa.ch preschenta ina survista naziunala e chantunala davart las mesiras per promover ils roms matematica, informatica, scienza natirala e tecnica en scola. A medem temp vegn explitgà ils privels, las sfidas ed il potenzial da MINT en Svizra.

www.educa.ch

SimplyCooking.ch

6. december 2017 / Resursa didactica

La nova purschida da SimplyScience è in med d’instrucziun interdisciplinar per il stgalim secundar en furma d’ina microsite accessibla per ils apparats mobils. El cumbinescha l’instrucziun pratica da cuschinar cun ulteriuras infurmaziuns da basa davart ils process chemics-fisicals durant cuschinar.

www.simplycooking.ch

Center didactic rumantsch vegn annullà

30. november 2017 / educa.ch / Resursa didactica

En consequenza da la nova orientaziun dad educa.ch vegn la banca da datas CEDID schliada a partir da la mesadad dal 2018. Tenor cunvegna cun las Conferenzas rumantschas vegnan las datas arcunadas tar la Lia Rumantscha. En in proxim pass vegnan ils documents publitgads sin in nov portal.

instrucziun.educa.ch

Mobilitad dal futur

20. november 2017 / Resursa didactica / Cumpetenza da medias

Il Museum svizzer da transports a Lucerna mussa en collavuraziun cun la VFF (SBB) in’exposiziun deditgada a la «Mobilitad da damaun». La digitalisaziun avra adina novas pussaivladads da transport sco per exempel numerus agids interactivs per ils viagiaturs.

www.verkehrshaus.ch

Sprachen – Langues – Lingue

31. october 2017 / Publicaziun / Resursa didactica

La nova pagina-web «Sprachen» metta a disposiziun material da las linguas uffizialas e d’englais. Exempels per l’instrucziun da linguas good practice vegnan cumplettads dad in instrument d’autoevaluaziun per las persunas d’instrucziun. Quest instrument è vegnì creà da la SAP SG.

sprachen.educa.ch

Mini-Moocs per uffants

23. october 2017 / Resursa didactica

Il Life Science Zurich Learning Center ha telechargià sin sia pagina-web filmins didactics da las scienzas natiralas per il stgalim primar. Quests uschenumnads Mini-Moocs èn films d’emprender animads tar differents temas che duran duas fin trais minutas.

www.lifescience-learningcenter.uzh.ch

Roboter Thymio

4. matg 2017 / Resursa didactica / MINT

La pagina uffiziala dal roboter Thymio metta a disposiziun a las scolas bler material per l’instrucziun adaptà als stgalims da scola. Il project «1, 2, 3… codai!» è ina cumpletta introducziun en l’informatica per l’emprim ed il segund ciclus – dals emprims pass fin a la programmaziun.

www.thymio.org

Uffants programmeschan roboters

23. matg 2017 / Resursa didactica

La «scola da pensar» è in’uniun da la Svizra centrala che vul promover la scienza e la tecnica en il temp liber, en scola ed en l’emprendissadi. En il center stattan l’informatica ed il programmar. Sin sia pagina-web «Start Coding!» collia l’uniun iniziativas svizras cun iniziativas internaziunalas.

www.die-denkschule.ch

15 princips tar BYOD per ils gimnasis

5. avrigl 2017 / Resursa didactica / Cumpetenza da medias

A partir da 2015 portan las scolaras ed ils scolars da Philippe Wampfler cun sai laptops e tablets en l’instrucziun. El ha perquai creà 15 princips didactics per lavurar en scola cun quests apparats. El manegia ch’i saja ina gronda sfida per il sistem da scola da dumagnar la midada digitala.

www.schulesocialmedia.com

«Concurrenzas per scolas» betg pli online

31. mars 2017 / educa.ch / Resursa didactica

En consequenza da la restructuraziun da la plattafurma educa.ch vegn la pagina-web «Concurrenzas per scolas» smessa per immediat. Las concurrenzas che han en mira ils champs dad ICT e digitalisaziun vegnan publitgadas vinavant en l’agenda dad educa.ch.

www.educa.ch

Syndicate content

Logo SEFRI

Logo EDK

Job