Furmaziun cuntinuada

30 onns SILVIVA

7. avust 2015 / Occurrenza / Furmaziun cuntinuada

SILVIVA s’engascha dapi trent’onns en l’educaziun ambientala per la natira ed il guaud e porscha perquai curs en la natira sco era furmaziun specifica. La dieta dals 11 da settember sin il Gurten a Berna tschertga soluziuns concretas per cuntinuar cun la furmaziun ambientala activa (tud.)

www.viva-silviva.ch

Sistem da furmaziun svizzer actualisà

27. matg 2015 / Furmaziun cuntinuada

La preschentaziun-online da l’entir sistem da furmaziun svizzer en tschintg linguas è vegnì actualisà. Las midadas sin il stgalim primar sco era quellas dal sectur da las scolas autas èn vegnidas prendidas en consideraziun. Plinavant dat la grafica interactiva ina buna survista.

sistemdafurmaziun.educa.ch

Lia Rumantscha cun nova pagina-web e nov logo

29. avrigl 2015 / Furmaziun cuntinuada / Rumantsch

Suenter il Pledari Grond survegn era la pagina-web da la LR ina parita dal tuttafatg nova. E sco gia il Pledari Grond sa basa ella sin l'interacziun e la participaziun dals utilisaders: els pon dar agens impuls e publitgar infurmaziuns, per exempel en la nova rubrica «chalender».

www.liarumantscha.ch

SAMT – Scolas lavuran cun tablets

4. mars 2015 / Furmaziun cuntinuada

Questa furmaziun supplementara gratuita da la Scol’auta da pedagogia Turitg porscha ideas d’instruir cun tablets a singulas persunas d’instrucziun sco era a teams da scola en tschintg moduls à 3.5 uras. Persunas d’instrucziun da tut ils stgalims èn envidadas. Ils plazs èn limitads (tudestg).

www.phzh.ch

Curs online per duvrar smartphones en scola

27. mars 2015 / Furmaziun cuntinuada

Co nizzegiar a moda profitabla apparats mobils sco smartphones e tablets en l’instrucziun? Respostas latiers dat in curs online da 7 emnas per persunas d’instrucziun da tut ils stgalims. Mintg’emna vegnan mess a disposiziun novs videos curts che dattan ideas concretas per l’instrucziun (tudestg).

lehrer2020-bw.fsz.kit.edu

webpalette.ch – da nov er cun web-app

22. december 2014 / Furmaziun cuntinuada

Da nov pon persunas d’instrucziun e manadras e manaders da scola nizzegiar la plattafurma da curs durant esser da viadi. A partir d’immediat pon las purschidas da curs naziunals vegnir retschavidas via pagina-web moblia sco er via web-app per smartphones e tablets.

www.webpalette.ch

Workshop construir roboters

17. november 2014 / Occurrenza / Furmaziun cuntinuada

En Svizra mancan circa 1500 inschigneras ed inschigners. First lego league s’engascha per la promoziun da la generaziun giuvna en il sectur da las scienzas d’inschigner. Il workshop da roboters duai fascinar gia ils uffants a partir da 7 onns ed ha lieu ils 13 da december 2014 a la SAPGR a Cuira.

technikundbildung.ch

Syndicate content

Logo SEFRI

Logo EDK

Job