Furmaziun cuntinuada

Studi: Digitalisaziun en la furmaziun supplementara

23. avrigl 2018 / Publicaziun / Furmaziun cuntinuada

Er en la furmaziun supplementara è la digitalisaziun arrivada, quai è il facit dal studi da la Scola auta da pedagogia da Turitg en collavuraziun cun la Federaziun svizra per la furmaziun supplementara. La preschientscha dals participants stat però per 90% da las 338 instituziuns en il center.

alice.ch

Simposi #digitale21

19. mars 2018 / Ambient d'emprender digital / Furmaziun professiunala / Furmaziun cuntinuada

Tge effects ha la digitalisaziun en la furmaziun ed en la lavur? Respostas pussaivlas a questas dumondas vegnan discutadas dals 11 als 13 d’avrigl 2018 a Lugano entaifer il simposi «#digitale21 - The Effects of Digitalization on Training, Learning and Working in the 21st Century».

www.digitale21.ch

Summer School

13. mars 2018 / Occurrenza / Cumpetenza da medias / Furmaziun cuntinuada

La Summer School «Medias ed informatica» pussibilitescha furmaziun supplementara e barats cun collegas ed experts a medem temp: tranter ils 9 ed ils 13 da fanadur organisescha la SAP da Lucerna in’occurrenza da 5 dis che metta il focus sin la digitalisaziun ed ils midaments en scola.

www.phlu.ch

Programmar enstagl da studegiar

31. schaner 2018 / Furmaziun cuntinuada

DigitalSwitzerland porscha workshops da programmar da trais uras per scolastas e scolasts. Fin l’avrigl duain magisters da passa 100 scolas da tut ils stgalims e da tut las quatter regiuns linguisticas survegnir in’invista en la programmaziun, en l’atgna scola u er online.

workshop.ict-scouts.ch

EPFL creescha nov diplom

6. december 2017 / Cumpetenza da medias / Furmaziun cuntinuada

La scola online da l’EPFL empermetta d’obtegnair in nov tipus da diplom academic «Certificate of Open Studies (COS)». La finamira è da pussibilitar a mintgin da meglierar las enconuschientschas en la domena da las novas tecnologias. Ils programs han plirs livels.

actu.epfl.ch (englais)

Perfecziunament digital

27. november 2017 / Occurrenza / Furmaziun cuntinuada

Ils 25 da schaner 2018 organisescha la SVEB ina dieta davart il perfecziunament digital. La digitalisaziun è er en la furmaziun supplementara in tema impurtant ed actual. En keynotes e lavuratoris vegn dilucidà, tge teorias che valan e tge che la scienza intercurescha da preschent.

alice.ch

Furmaziun professiunala en il futur

15. november 2017 / Furmaziun professiunala / Cumpetenza da medias / Furmaziun cuntinuada

A chaschun da la scuntrada naziunala dals acturs da la furmaziun professiunala, èn ils discurs stads focussads sin las novas sfidas ch’il martgà da lavur pretenda dals lavurers e da las interpresas. La digitalisaziun ha er qua ina gronda influenza.

www.admin.ch

Furmaziun cuntinuada a la EPFL

1. zercladur 2017 / Furmaziun professiunala / Furmaziun cuntinuada

Svilup da paginas-web, mobile e data science vegnan ad esser ils emprims curs online per la furmaziun cuntinuada che la nova EPFL Extension Scholl vegn a lantschà l’atun vegnint. Persunas cun u senza furmaziun academica pon uschia acquistar cumpetenzas digitalas cun diplom renconuschì.

exts.epfl.ch

Open Education Day 2017

28. mars 2017 / Cumpetenza da medias / Furmaziun cuntinuada

Questa occurrenza da la FHNW s’occupa tranter auter dals aspects giuridics liads a las Open Educational Resources, al lernstick, al LibreOffice Online sco er ad alternativas tar Facebook e WhatsApp. En lavuratoris ed en preschentaziuns curtas vegn infurmà davart Good Practice e novs trends.

www.open-education-day.ch

E-Tutorial tar Python

15. mars 2017 / Furmaziun cuntinuada

La ETH da Turitg organisescha in e-tutorial sco curs per instruir a scolas medias. I na dovra nagina enconuschientscha da basa. Il curs è vegni concepì per studentas e students da la scienza, è dentant er adattà sco perfecziunament da persunas d’instrucziun. Il curs porscha trais moduls.

www.et.ethz.ch

Syndicate content

Logo SEFRI

Logo EDK

Job