Concurrenza

19. April 2012 / Concurrenza / Resursa didactica / Project da scola

Tar il WWF Grischun stattan ils utschels-mezmieur en il center da las activitads da quest onn. Cun visitas en scola, excursiuns, cursas da sponsurs ed ina concurrenza da bajegiar chasettas per ils utschels-mezmieur vul il WWF sensibilisar ils uffants per quella creatira fascinanta.

www.wwf-gr.ch

9. March 2012 / Concurrenza / Resursa didactica / Rumantsch

La giuvna Rumantschia ha danovamain era in agen emettur. Battaporta tutga tar RTR ed ha atgnas redacturas e redacturs e collavuraturs multimedials. Tar battaporta.ch chattan ins dal tut interessant: films curts davart temas actuals, concurrenzas e blogs. Battaporta è nov, frestg, modern e giuven.

www.battaporta.rtr.ch

23. August 2011 / Concurrenza

Concurrenzas per scolas porschan ina buna pussaivladad per crear novas situaziuns da lavurar ed emprender, da vesair in tema or dad in’autra perspectiva ni da promover ina nova furma d’emprender. educa.ch dat ina survista da las impurtantas concurrenzas en Svizra. (tud.)

unterricht.educa.ch

17. August 2011 / Agenda / Concurrenza

SWITCH Junior Web Award 2012, la concurrenza naziunala per paginas da web creadas da classas da scola è puspè qua! Persunas d’instrucziun pon registrar lur classas. Sco novaziun datti pliras pitschnas concurrenzas per tut ils participants durant l’entir onn. (tud.)

info.juniorwebaward.ch

25. July 2011 / Concurrenza

Ina gronda passiun per la scienza, mirveglias, mo era plaschair per in chaussa en detagl: il trailer da l’Associaziun IBO Suisse ans transporta en il mund da l’Olimpiada da biologia. L’onn 2013 vegn l’occurrenza internaziunala organisada a Berna, cun delegaziuns ch’arrivan da passa 45 pajais. (tud.)

Documentaziun da film IBO Suisse

20. July 2011 / Agenda / Concurrenza / Toplink

Ils passiunads da fotografias e da spassegiadas en il guaud han anc intginas emnas peda dad ir a chatscha d’ina foto adattada per l’inoltrar a la concurrenza da fotos da la Societad forestala svizra che fa questa concurrenza a chaschun da l’Onn internaziunal dal guaud. Termin è ils 10 d’avust 2011.

www.forstverein.ch

20. June 2011 / Concurrenza

Per festivar il 100avel anniversari envida Pro Juventute ils uffants da s’imaginar la Svizra dal futur. En mintga chantun vegn ina classa eruida. Questas classas victuras preschentan silsuenter lur chantun sin la plazza federala a Berna e quai durant il mais settember 2011. (tud.)

www.100jahrejung.ch

6. June 2011 / Concurrenza

Il Parlament europeic envida tut ils abitants da l’Europa e da la Svizra a realisar in video curt e divertent tar il tema ‘Diversitad en l’Europa’. La concurrenza da video è averta per tuts, senza limita da vegliadetgna, gener, naziunalitad, religiun e professiun. Termin: 31 da fanadur 2011. (tud.)

www.europarltv.europa.eu

29. March 2011 / Agenda / Concurrenza

La concurrenza internaziunala ThinkQuest envida uffants e giuvenils tranter 9 e 19 onns da sa metter ensemen en teams naziunals u internaziunals e da crear ina pagina da web da furmaziun. Da gudagnar datti in laptop ni in viadi en ils Stadis Unids. Termin d’annunzia è ils 27 d’avrigl 2011. (tud.)

www.thinkquest.org