Workshop

13. April 2012 / Trun, Glion, Cuira

Workshop

Ils 13 d'avrigl 2012 viagia la raquintadra d'istorgias Justina Derungs da Trun, a Glion e vinavant a Cuira. Ella porta cun sai "gl'automat da historias" – ina maschina creada aposta per raquintar istorgias. Raquintada vegn in'istorgia dad amicizia e tradiment per uffants ed uffants creschids.

www.liarumantscha.ch

24. March 2012 - 23. November 2012 / Cuira, Zuoz, Glion, Turitg, Tusaun

Workshop

RTR preschenta per l’emprima giada l’arranschament «chant au tour» cun 25 chantauturas e chantauturs rumantschs en tschintg differents lieus. Ina part dals chantauturs chanta a tut ils tschintg concerts, auters mo en in lieu. Uschia vegni a dar inscunters unics tranter ils musicists.

www.rtr.ch

13. July 2012 - 15. July 2012 / Surcuolm, hotel Bündner-Rigi

Workshop

Sunar tiba è insatge fascinant e quest passatemp giauda dapi intgins onns in vair boom en Svizra. «Back tot he roots» è il moto. Il hotel da curs schai entamez las pastgiras al pe dal Piz Mundaun ed ins ha ina grondiusa survista sin la vallada dal Rain. Il Museum regiunal Surselva è l’organisatur.

www.museumregiunal.ch

19. March 2012 - 31. October 2012 / entir Grischun

Referat / Workshop

Per la tschintgavla giada entschaiva fin mars il curs «Dialog Natur: Graubündens Natur im Spannungsfeld zwischen Nutzung und Schutz». Durant sis dis da curs en ils mais avrigl fin october vegnan persunas interessadas a savair bleras novas chaussas davart plantas, animals e lur ambient.

www.naturmuseum.gr.ch

31. January 2012 - 1. March 2012 / Ilanz

Workshop

Ina ditga da laders vegliandra raquintada a moda moderna ed accumpagnada da tibas e trumbettas: uffants cun gnerva da fier ed in ferm flad tramettan lur geniturs en citad a far cumpras e s'annunzian tar il museum.

www.museumregiunal.ch

23. July 2012 - 27. July 2012 / Maton/Regiunal

Workshop

La Lia Rumantscha organisescha mintg’onn ensemen cun in patrunadi da geniturs in curs da rumantsch per famiglias rumantschas e bilinguas che n’abiteschan betg en il territori rumantsch. La finamira è da promover las enconuschientschas dal rumantsch. Il divertiment è garantì! As annunziai ussa!

www.liarumantscha.ch

12. November 2011 / Cuira

Occurrenza d'infurmaziun / Workshop

Quest onn festivescha la sonda lunga (Langer Samstag) il giubileum da 5 onns. Era per uffants e giuvenils e lur accumpagnament vegn purschì in program che fa franc curturella: preschentaziuns da paraulas, concerts, differents workshops e divers teaters e quai en differentas localitads.

langersamstag.ch

24. September 2011 - 20. November 2011 / Cuira, Museum d'art dal Grischun

Exposiziun / Workshop

La collecziun dal Museum d'art dovra dapli spazi. Mintga onn s'augmenta ella en media per 150 objects e sulettamain 3% da tut las ovras pon vegnir mussadas. Cun inscenaziuns nunusitadas e cun ovras che vegnan preschentadas mo darar accentuescha l'exposiziun actuala la necessitad da far in engrondiment architectonic.

www.buendner-kunstmuseum.ch

4. November 2011 - 6. November 2011 / Domat

Referat / Workshop

Il tema da quest onn è "Litterenza - Scienzatura". Il program da quest onn stat sut l’ensaina da la scienza litterara: perscrutaziuns, prelecziuns, translaziuns e discussiuns spetgan il public. Ma era la musica na dastga betg mancar: sco punct principal ans spetga sonda saira in concert tut aparti: Ils dus chantauturs Paulin Nuotclà e Benedetto Vigne festiveschan quest onn lur 60avel anniversari. 11 furmaziuns da la scena da musica giuvna interpreteschan divers hits dals dus giubilars. Sustegnids vegnan ils musicists da la gruppa Clamür.

www.litteraturarumantscha.ch