Occurrenza d'infurmaziun

30. March 2012 / 19.30h, Chesa Planta Samedan

Occurrenza d'infurmaziun

Quai che ha cumenzà 1966 cun l’ediziun da l’ovra lirica da Peider Lansel vegn uss cumplettà: Il tom II cumplettescha questa ediziun da l’autur e persunalitad marcanta. Il cudesch da 580 paginas cun 32 illustraziuns po vegnir empustà per 38.- francs tar la Chasa Editura Rumantscha a Cuira.

www.peiderlansel.ch

16. March 2012 - 25. March 2012 / enitra Svizra

Occurrenza d'infurmaziun / Referat

Questa occurrenza s’occupa cun tut las furmas da la lingua franzosa en Svizra e quai per in’entira emna. La pagina-web porscha ultra da fegls da lavur era ina survista d’occurrenzas per ils differents chantuns. (tudestg)

www.slff.ch

29. March 2012 / Kino Apollo, 18.00 uras

Occurrenza d'infurmaziun

La Televisiun Rumantscha ed ils kinos da Cuira envidan a la premiera dal film da Christian Schocher «Egliadas». Il film preschenta in pauper vitget da muntogna ed umans che ston cumbatter mintgadi per lur existenza durant ils onns da la guerra 1943/44. Il film cumpareglia dentant era il temp passà cun la vita dad oz en Surselva. In essai da film che mussa co noss temp e nossa cultura svaneschan e van en emblidanza.

media-public.pmm.rtr.ch

12. September 2012 - 14. September 2012 / Bern, Plazza federala

Occurrenza d'infurmaziun

Il SwissECS sensibilisescha la societad cun divers moduls per la problematica actuala d’energia e dal clima dals pajais occidentals e dals novs pajais industrials. In accent principal è da sensibilisar la giuventetgna per nossa politica d’energia sco era per la midada dal clima.

www.swissecs.ch

5. March 2012 - 10. March 2012 / entir mund

Occurrenza d'infurmaziun / Di tematic

L’emprima «Open Education Week» vul render attent al moviment Open Education e ses effect per l’emprender e per l’instrucziun. La participaziun a tut ils events locals e l’utilisaziun da tut las resursas èn gratuitas e stattan liber a mintgin.

www.openeducationweek.org

10. March 2012 / Turitg

Occurrenza d'infurmaziun

Sonda, ils 10 da mars 2012 ha lieu en il Careum Bildungszentrum aTuritg il di da tscherna da la professiun. Quel di duai porscher sustegn a persunas en il rom da lur tscherna da la professiun, e quai independentamain da la professiun en mira. Ultra da divers workshops en connex cun proceders per s'annunziar per ina plazza survegnan ils giuvenils tips per tschertgar plazzas d'emprendissadi.

careum-bildungszentrum.ch

28. January 2012 / internaziunal

Occurrenza d'infurmaziun

Sin iniziativa dal Cussegl da l’Europa vegn organisà mintg’onn ils 28 da schaner in di internaziunal da la protecziun da datas. El duai dar scleriment a burgaisas e burgais davart lur dretgs en cas che vegnan rimnadas en l’internet datas persunalas.

www.coe.int

10. February 2012 / Soloturn

Occurrenza d'infurmaziun

Dapi la stad 2011 han persunas d’instrucziun dad tut ils stgalims access a la plattafurma online eTwinning.net. Per far pli enconuschenta questa rait che cumpiglia tut l’Europa organisescha la Fundaziun CH ils 10 da favrer in’occurrenza d’infurmaziun a Soloturn. Annunzias: n.hobi@chstiftung.ch.

www.ch-go.ch

7. February 2012 / worldwide

Occurrenza d'infurmaziun

Il Safer Internet Day 2012 ha lieu ils 7 da favrer ed è deditgà a l'agid a sasez che surmunta las generaziuns. In SID Kit cun resursas dad eSafety e propostas per l'instrucziun vegnan a star a disposiziun a las scolas a partir dal schaner.

www.saferinternet.org