Exposiziun

9. May 2012 - 5. August 2012 / Museum retic, Cuira

Exposiziun

En il center da l'exposiziun Mercur & co. stattan religiun e cult, striegn e superstiziun. Romans avevan ina relaziun materiala cun ils dieus: ins unfriva al dieu ch'era cumpetent per il giavisch e fascheva quint cun ina cuntraprestaziun per l'unfrenda.

www.raetischesmuseum.gr.ch

9. May 2012 / Museum retic, Cuira

Exposiziun

En il center da l'exposiziun actuala Mercur & co. (dals 9 da matg – 5 d’avust 2012) stattan religiun e cult, striegn e superstiziun. Per persunas d’instrucziun vegn manà tras in’introducziun ils 9 da matg 2012. Per plaschair s’annunziar directamain tar il Museum retic.

www.raetischesmuseum.gr.ch

13. April 2012 - 19. August 2012 / Museum da la natira, Cuira

Exposiziun

La nova exposiziun speziala davart «saleschs ed entretschaders» (Weiden und Korbflechter) cuzza fin ils 19 d’avust 2012 en il Museum da la natira dal Grischun. In vast program accumpagnant cun referats, curs d’entretschar e visitas guidadas per grond e pitschen fan gust sin questa tematica.

www.naturmuseum.gr.ch

8. March 2012 - 25. August 2012 / Biblioteca naziunala, Berna

Exposiziun

Co che la Svizra discurriva e discurra – quai è il tema da l’exposiziun actuala en la Biblioteca naziunala svizra a Berna. Ina installaziun acustica pussibilitescha da tadlar la varietad da la lingua discurrida. La pussaivladad da far ina visita guidada datti er.

www.nb.admin.ch

20. December 2011 - 31. January 2012 / Sedrun

Exposiziun

Il Museum La Truaisch a Sedrun preschenta in'exposiziun che tematisescha la scoletta e la scola populara dal 20avel tschientaner. Exponids èn bancs da scola, cudeschs, tablas, turnisters e fotos. Era differents films vegnan mussads. Disponibla è er ina broschura d'infurmaziun.

www.tujetsch.ch

10. December 2011 - 22. January 2012 / Cuira

Exposiziun

L’exposiziun annuala dals artists grischuns furma puspè la finiziun dal program da l’onn dal Museum d’art dal Grischun. Quest onn pon sa participar 50 artists. Quai è var in terz dapli artists che l’ultim onn. Per l’emprima giada metta il museum a disposiziun dapli spazi a las ovras d’art.

www.buendner-kunstmuseum.ch

24. September 2011 - 20. November 2011 / Cuira, Museum d'art dal Grischun

Exposiziun / Workshop

La collecziun dal Museum d'art dovra dapli spazi. Mintga onn s'augmenta ella en media per 150 objects e sulettamain 3% da tut las ovras pon vegnir mussadas. Cun inscenaziuns nunusitadas e cun ovras che vegnan preschentadas mo darar accentuescha l'exposiziun actuala la necessitad da far in engrondiment architectonic.

www.buendner-kunstmuseum.ch

6. October 2011 - 18. March 2012 / Cuira, Museum retic

Exposiziun / Workshop

Il museum retic ha rimnà fotografias veglias e novas che mussan umans dal Grischun. Co sa preschentan umans sin fotografias e co pon ins far impressiun en l’epoca da la fotografia digitala? «Cheese!» na parta betg dals fotografs, mabain da la dumonda, co che las persunas fotografadas preschentan sasezzas.

www.raetischesmuseum.gr.ch

27. October 2011 / entira Svizra

Furmaziun cuntinuada / Exposiziun / Workshop

La Confederaziun e la branscha da medias dattan en il Forum Friburg ina survista da la protecziun mediala da la giuventetgna. Sper in’exposiziun publica vegn intermedià novas enconuschientschas scientificas e blers cussegls per s’occupar da medias digitalas en scola ed en il temp liber. (tud.)

mewiko.ch