Agenzia spezialisada ICT ed educaziun

educa.ch è l’Agenzia spezialisada da la Confederaziun e dals chantuns che s’occupa dal svilup da la qualitad dad tecnologias d’infurmaziun e da communicaziun (ICT) en la scola populara e sin il stgalim secundar II. educa.ch persequitescha las suandantas finamiras:

  • segirar l’access tar meds d’instrucziun digitals e servetschs online

  • represchentar las scolas envers furniturs privats cun sa cunvegnir sin contracts generals che segireschan cundiziuns correctas e gistas per las scolas

  • contribuir expertisas per dumondas tecnicas, giuridicas ed eticas ch’èn liadas a la digitalisaziun en la furmaziun e furnir ina basa da decisiun als responsabels dal sistem educativ

  • rinforzar il dialog e la collavuraziun tranter ils acturs naziunals ed internaziunals

Mandat ed organ responsabel

Il Secretariat da stadi per furmaziun, retschertga ed innovaziun (SEFRI) e la Conferenza svizra da las directuras e dals directurs chantunals da l'educaziun publica (CDEP) incumbenseschan educa.ch cun la direcziun de l'Agentura spezialisada per ICT e furmaziun.

Istorgia

A la fin dals onns 1980 tschertgava l’Uffizi federal d'industria, mastergn e lavur (UFIML, ozendi SEFRI) in partenadi per in center d’informatica sin il champ da la furmaziun e da la scolaziun. In contract da partenadi è vegnì signà 1989 tranter l’UFIML e l’institut per films (ozendi Instiut svizzer da medias per la furmaziun e la cultura) per fundar uschia il Center svizzer da tecnologias da l’infurmaziun en la furmaziun (SFIB). La Conferenza svizra da las directuras e dals directurs chantunals da l'educaziun publica (CDEP) è daventada curt suenter in ulteriur partenadi da contract. Cuminaivlamain han la Confederaziun ed ils chantuns inizià l’onn 2001 il Server svizzer da la furmaziun (SBS). Sco plattafurma naziunala da lavurar e d’emprender porscha il SSF als acturs dal sistem da furmaziun guaffens per integrar e segirar la qualitad dad ICT en las scolas svizras. A partir dal 1. da schaner 2017 remplazza educa.ch sco Agentura spezialisada per ICT e furmaziun tant il SFIB sco il SBS.

Questa pagina per: Deutsch Français Italiano English

Ultima actualisaziun da questa pagina: 11.09.2017

Job