News
iconomix en nov look
16.05.12 / Resursa didactica / Pagina pedagogica
Iconomix – la pagina interactiva per economia applitgada en scola - ha actualisà ed optimà sia pagina-web. Empè da «a la Carte» e «moduls» chattan ins uss la rubrica «material d’instrucziun». Là pon las persunas d’instrucziun tschertgar material sut «tip da scola», «rubrica» ni «retscha». (tud.)
Il telefon d'agid - Maun offert – sin Facebook
16.05.12 / Prevenziun
Il Maun offert (die dargebotene Hand) cun ses numer da telefon 143 stat tradiziunalmain a disposiziun a persunas cun problems emoziunals, patratgs da suicidi ed auter. Tras la collavuraziun cun Facebook pon amis da periclitads als far attent sin las purschidas da l’organisaziun Maun offert. (tud.)
Textilias - Launa, mangola, saida e glin
15.05.12 / Resursa didactica / Rumantsch
Material da partenza per la producziun da textilias furman fibras natiralas e sinteticas. Tar las fibras natiralas differenziesch’ins tranter fibras da plantas (mangola, juta, glin e chonv) e fibras d’animals (launa e saida). L’artitgel en La Quotidiana dat ina survista.
Di internaziunal da museums
15.05.12 / Agenda
Sut il motto «Mussar quai ch’è impurtant» envidan blers museums grond e pitschen, dumengia, ils 20 da matg 2012 per perscrutar las exposiziuns spezialas e permanentas. Era blers museums grischuns èn da la partida – Museum d’art, Museum da la natira e Museum retic.
Agenda
Sapperlot! Dialects en Svizra
08.03.12 - 25.08.12 / Biblioteca naziunala, Berna
Co che la Svizra discurriva e discurra – quai è il tema da l’exposiziun actuala en la Biblioteca naziunala svizra a Berna. Ina installaziun acustica pussibilitescha da tadlar la varietad da la lingua discurrida. La pussaivladad da far ina visita guidada datti er.
Lingua d’occurenza: Tudestg, Franzos, Talian, Rumantsch
Stgalim d'instrucziun: Independet dal stgalim
Curs «Dialog Natur 2012»
19.03.12 - 31.10.12 / entir Grischun
Per la tschintgavla giada entschaiva fin mars il curs «Dialog Natur: Graubündens Natur im Spannungsfeld zwischen Nutzung und Schutz». Durant sis dis da curs en ils mais avrigl fin october vegnan persunas interessadas a savair bleras novas chaussas davart plantas, animals e lur ambient.
Lingua d’occurenza: Tudestg, Rumantsch
Stgalim d'instrucziun: Independet dal stgalim
«chant au tour» – 5 concerts, 5 lieus e 25 artistAs
24.03.12 - 23.11.12 / Cuira, Zuoz, Glion, Turitg, Tusaun
RTR preschenta per l’emprima giada l’arranschament «chant au tour» cun 25 chantauturas e chantauturs rumantschs en tschintg differents lieus. Ina part dals chantauturs chanta a tut ils tschintg concerts, auters mo en in lieu. Uschia vegni a dar inscunters unics tranter ils musicists.
Lingua d’occurenza: Rumantsch
Stgalim d'instrucziun: Independet dal stgalim
