Scolaziun speziala: tge vegn emprendì?
 |  | Sco en il sistem da scola regular sa cumpona era la scola speziala da differents stgalims e differents tips da classas. Las classas vegnan furmadas tenor il gener d'impediment u da difficultad. Uffants e giuvenils da differentas vegliadetgnas pon frequentar la medema classa. |
Cuntegns
Ils programs d'instrucziun da la pedagogia speziala sa basan sin ils plans d'instrucziun chantunals ed èn adattads a las capacitads dals scolars. En quest rom vegn mess l'accent sin il svilup da las cumpetenzas da basa cognitivas (leger, scriver, far quints) e las cumpetenzas indispensablas per il svilup da l'uffant en general, per sia autonomia e sia integraziun sociala (motorica, percepziun, lingua, cumpetenzas emoziunalas e socialas). Per quest intent stattan a disposiziun mesiras pedagogic-terapeuticas sco la psicomotorica u la logopedia.
Finamiras da scolaziun e pretensiuns
Las finamiras da scolaziun e las pretensiuns èn adattadas a las capacitads da las scolaras e dals scolars correspundents. Ellas dependan surtut dal gener da difficultad: impediments sensitivs u fisics n'includan a priori nagina diminuziun dal nivel da pretensiuns da la scolaziun cognitiva. En quest cas vegnan mess a disposiziun meds d'instrucziun ed agids specifics per cuntanscher las finamiras da la scola regulara.
Per uffants cun difficultads da svilup e capacitads d'emprender reducidas che na permettan betg da s'orientar tenor ils plans d'instrucziun da la scola regulara è la finamira da scolaziun surtut quella da cuntanscher dapli autonomia per las scolaras ed ils scolars e d'als integrar il meglier pussaivel en la societad.
En tut ils cas vulan las finamiras da scolaziun cuntanscher per mintga scolara e mintga scolar il meglier equiliber pussaivel tranter il svilup maximal dal potenzial (sin plaun cognitiv e general) da l'uffant u dal giuvenil e la promoziun da sia persunalitad e sia independenza. Quest equiliber vegn avisà tant en la scola speziala sco era cun ils sustegns spezials en la scola regulara.
Projects da furmaziun individualisads
Ils cuntegns e las finamiras da scolaziun resp. da svilup vegnan consegnads pli e pli savens en projects da furmaziun individualisads elavurads da la gruppa interdisciplinara da la glieud da professiun che sa fatschentan cun l'uffant u il giuvenil. Questa moda d'agir necessitescha ina buna coordinaziun ed ina buna collavuraziun tranter las persunas responsablas che sa radunan en intervals regulars per reevaluar ed adattar las finamiras.
Evaluaziun
La moda d'evaluaziun preferida en la pedagogia speziala è l'evaluaziun cuntinuada da las prestaziuns, uschia ch'ins po orientar regularmain las scolaras ed ils scolars e lur geniturs. Il svilup da l'uffant u dal giuvenil vegn descrit en in rapport d'evaluaziun a la fin dal semester u a la fin da l'onn da scola. Examens da la fin da l'onn ed attestats n'èn strusch usitads.
Las scolaras ed ils scolars che frequentan la scola regulara e lavuran tenor il plan d'instrucziun ordinari vegnan evaluads sco ils auters scolars. Percunter po la furma dal test u da l'examen vegnir adattada per garantir al scolar l'accessibladad (p.ex. en cas d'in impediment dals organs sensitivs.
Ils programs d'instrucziun da la pedagogia speziala sa basan sin ils plans d'instrucziun chantunals ed èn adattads a las capacitads dals scolars. En quest rom vegn mess l'accent sin il svilup da las cumpetenzas da basa cognitivas (leger, scriver, far quints) e las cumpetenzas indispensablas per il svilup da l'uffant en general, per sia autonomia e sia integraziun sociala (motorica, percepziun, lingua, cumpetenzas emoziunalas e socialas). Per quest intent stattan a disposiziun mesiras pedagogic-terapeuticas sco la psicomotorica u la logopedia.
Finamiras da scolaziun e pretensiuns
Las finamiras da scolaziun e las pretensiuns èn adattadas a las capacitads da las scolaras e dals scolars correspundents. Ellas dependan surtut dal gener da difficultad: impediments sensitivs u fisics n'includan a priori nagina diminuziun dal nivel da pretensiuns da la scolaziun cognitiva. En quest cas vegnan mess a disposiziun meds d'instrucziun ed agids specifics per cuntanscher las finamiras da la scola regulara.
Per uffants cun difficultads da svilup e capacitads d'emprender reducidas che na permettan betg da s'orientar tenor ils plans d'instrucziun da la scola regulara è la finamira da scolaziun surtut quella da cuntanscher dapli autonomia per las scolaras ed ils scolars e d'als integrar il meglier pussaivel en la societad.
En tut ils cas vulan las finamiras da scolaziun cuntanscher per mintga scolara e mintga scolar il meglier equiliber pussaivel tranter il svilup maximal dal potenzial (sin plaun cognitiv e general) da l'uffant u dal giuvenil e la promoziun da sia persunalitad e sia independenza. Quest equiliber vegn avisà tant en la scola speziala sco era cun ils sustegns spezials en la scola regulara.
Projects da furmaziun individualisads
Ils cuntegns e las finamiras da scolaziun resp. da svilup vegnan consegnads pli e pli savens en projects da furmaziun individualisads elavurads da la gruppa interdisciplinara da la glieud da professiun che sa fatschentan cun l'uffant u il giuvenil. Questa moda d'agir necessitescha ina buna coordinaziun ed ina buna collavuraziun tranter las persunas responsablas che sa radunan en intervals regulars per reevaluar ed adattar las finamiras.
Evaluaziun
La moda d'evaluaziun preferida en la pedagogia speziala è l'evaluaziun cuntinuada da las prestaziuns, uschia ch'ins po orientar regularmain las scolaras ed ils scolars e lur geniturs. Il svilup da l'uffant u dal giuvenil vegn descrit en in rapport d'evaluaziun a la fin dal semester u a la fin da l'onn da scola. Examens da la fin da l'onn ed attestats n'èn strusch usitads.
Las scolaras ed ils scolars che frequentan la scola regulara e lavuran tenor il plan d'instrucziun ordinari vegnan evaluads sco ils auters scolars. Percunter po la furma dal test u da l'examen vegnir adattada per garantir al scolar l'accessibladad (p.ex. en cas d'in impediment dals organs sensitivs.
