Scolaziun speziala: temas actuals
 |  |
| |
A partir dal 1. da schaner 2008 han ils chantuns surpiglià la responsabladad professiunala, giuridica e finanziala cumplaina per la scolaziun speziala d'uffants e giuvenils e per mesiras pedagogicas spezialas. L'Assicuranza d'invaliditad na sa participescha betg pli a la finanziaziun ed al management da las mesiras correspundentas. En in concordat han ils chantuns fixà in rom naziunal per las mesiras impurtantas en il sectur da la pedagogia speziala. Ils puncts principals da quest concordat èn instruments naziunals en ils secturs da terminologia, criteris da qualitad per la renconuschientscha da furniturs da prestaziuns ed ina procedura da scleriment per eruir il basegn individual.
Il concordat
Il concordat definescha che tut ils uffants e giuvenils (0-20) domiciliads en Svizra che basegnan ina furmaziun speziala han il dretg da mesiras pedagogicas spezialas. Ils chantuns defineschan la purschida da las mesiras che cuntegna las suandantas prestaziuns:
Il concordat definescha che tut ils uffants e giuvenils (0-20) domiciliads en Svizra che basegnan ina furmaziun speziala han il dretg da mesiras pedagogicas spezialas. Ils chantuns defineschan la purschida da las mesiras che cuntegna las suandantas prestaziuns:
 | cussegliaziun e sustegn |
| preeducaziun pedagogic-curativa, logopedia e terapia psicomotorica |
| mesiras pedagogicas spezialas en ina scola regulara u speziala |
| tgira en structuras dal di u dimora staziunara en instituziuns da pedagogia speziala (tenor il basegn) |
Il concordat entra en vigur l'onn 2011. Enfin là ston ils chantuns elavurar in concept da scola speziala e s'obligar da respectar las cundiziuns da basa preschentadas en il concordat.
