Pedagogia curativa e speziala
 |  |
| |
La pedagogia curativa e speziala s'occupa d'uffants e giuvenils che dovran ina furmaziun speziala. Quests uffants e giuvenils han il dretg ad ina scolaziun speziala. In basegn da furmaziun spezial vegn constatà, sch'in uffant u in giuvenil è restrenschì u periclità en ses svilup u sch'el na po betg pli suandar l'instrucziun da la scola regulara senza sustegn specific. La pedagogia curativa e speziala s'occupa plinavant d'uffants e giuvenils che han cumprovadamain grondas difficultads en lur cumpetenza sociala ed en lur capacitad d'emprender e da prestaziun.
Furmas da furmaziun e da sustegn spezialas
Per la furmaziun speziala e las mesiras da sustegn spezial e per la finanziaziun da quellas èn ils chantuns responsabels. Ellas cumpiglian
Per la furmaziun speziala e las mesiras da sustegn spezial e per la finanziaziun da quellas èn ils chantuns responsabels. Ellas cumpiglian
 | l'educaziun prescolara pedagogic-curativa: per uffants cun impediments u cun retardaments, restricziuns u periclitaziuns dal svilup. Las mesiras da sustegn pon succeder en il context famigliar a partir da la naschientscha enfin a maximalmain dus onns suenter l'entrada en scola. |
| la scolaziun integrativa: integraziun cumplaina u parziala d'uffants e giuvenils che dovran ina furmaziun speziala en ina classa regulara cun agid da mesiras pedagogicas spezialas. |
| las classas spezialas: en questas classas van mo uffants e giuvenils che dovran ina furmaziun speziala (p.ex. classas d'introducziun, classas pitschnas sin il stgalim primar, classas da furmaziun pratica sin il stgalim secundar I). Classas spezialas datti però mo anc en singuls chantuns. |
| la scola speziala: las scolas spezialas sa concentreschan sin furmas d'impediments u sin difficultads d'emprender e da sa cumportar specificas. En la scola speziala van unicamain uffants e giuvenils che dovran mesiras pli intensivas. Ellas èn suttamessas ad ina procedura da permissiun chantunala. Ins las po cumbinar supplementarmain cun ina purschida da plazzament staziunara u ina purschida da tgira en ina structura dal di. |
| las purschidas terapeutic-pedagogicas sco logopedia e terapia psicomotorica: en la logopedia vegnan diagnostitgads disturbis da la lingua orala e scritta, dal pledar, da la communicaziun, da la fluenza da la lingua e da la vusch e medemamain da la legastenia. La terapia psicomotorica s'occupa dals effects reciprocs tranter recepir, sentir, patratgar, sa mover e sa cumportar e lur expressiun corporala. Per omaduas purschidas terapeutic-pedagogicas vegnan planisadas, exequidas ed evaluadas las mesiras da terapia necessarias. |
Cundiziuns da basa legalas e finanzialas
En Svizra è dapi il 1. da schaner 2004 en vigur la Lescha davart l'egualitad da persunas cun impediments. Ella cuntegna in paragraf davart la scolaziun adequata d'uffants e da giuvenils impedids; art. 20, al. 1: "Ils chantuns procuran che uffants e giuvenils impedids survegnian ina scolaziun da basa adattada a lur basegns spezials." Al. 2: "Ils chantuns promovan cun furmas da scolaziun correspundentas l'integraziun d'uffants e giuvenils impedids en la scola regulara, uschenavant che quai è pussaivel e serva al bainstar da l'uffant u dal giuvenil impedì."
A partir dal 1. da schaner 2008 èn ils chantuns responsabels per l'entir champ professiunal, giuridic e finanzial da la scolaziun speziala d'uffants e giuvenils e per las mesiras pedagogicas spezialas. L'Assicuranza d'invaliditad na sa participescha betg pli a la finanziaziun e damai n'era betg a la reglamentaziun colliada. Ils chantuns reglan la furma da la scolaziun speziala en la "Cunvegna interchantunala davart la collavuraziun en il sectur da la pedagogia speziala" en furma d'in contract statal liant (concordat). Ils chantuns participads al concordat s'obligheschan da respectar las ordinaziuns da basa specificas. Sin fundament dal concordat elavura mintga chantun in concept da scola speziala che furma la basa giuridica per la scolaziun speziala.
En Svizra è dapi il 1. da schaner 2004 en vigur la Lescha davart l'egualitad da persunas cun impediments. Ella cuntegna in paragraf davart la scolaziun adequata d'uffants e da giuvenils impedids; art. 20, al. 1: "Ils chantuns procuran che uffants e giuvenils impedids survegnian ina scolaziun da basa adattada a lur basegns spezials." Al. 2: "Ils chantuns promovan cun furmas da scolaziun correspundentas l'integraziun d'uffants e giuvenils impedids en la scola regulara, uschenavant che quai è pussaivel e serva al bainstar da l'uffant u dal giuvenil impedì."
A partir dal 1. da schaner 2008 èn ils chantuns responsabels per l'entir champ professiunal, giuridic e finanzial da la scolaziun speziala d'uffants e giuvenils e per las mesiras pedagogicas spezialas. L'Assicuranza d'invaliditad na sa participescha betg pli a la finanziaziun e damai n'era betg a la reglamentaziun colliada. Ils chantuns reglan la furma da la scolaziun speziala en la "Cunvegna interchantunala davart la collavuraziun en il sectur da la pedagogia speziala" en furma d'in contract statal liant (concordat). Ils chantuns participads al concordat s'obligheschan da respectar las ordinaziuns da basa specificas. Sin fundament dal concordat elavura mintga chantun in concept da scola speziala che furma la basa giuridica per la scolaziun speziala.
| Ulteriuras infurmaziuns |
 | Svilup |
| Datas statisticas |
| Cundiziuns d'admissiun |
| Cuntegns d'instrucziun |
| Scolaziun cuntinuanta |
| Links tar il tema |
 | Ordinaziun dals 17 da schaner 1961 davart l'assicuranza d'invaliditad |
| Departament federal da finanzas DFF: Refurma da la gulivaziun da finanzas e da la repartiziun da las incumbensas RFI |
