La concurrenza da fotografar MIU UAUL vul che Ti passenties temps egl uaul. Leu dueis Ti veser e sentir la diversitad e la bellezia digl uaul e fixar quella cun Tia camera fotografica.

La finamira ei da francar fotograficamein Tia vesta persunala, precisamein Tiu uaul. Quei sa esser scorsa, bau tscharva ni servela egl uaul - tut ils motivs digl uaul ein beinvegni.

Participonts
Scolars dalla regiun Surselva

Categoria uors:  1. - 3. classa primara
Categoria luf-tscherver:  4. - 6. classa primara
Categoria luf:  1. - 3. classa reala, secundara, gimnasiala

Annunzia: Tochen ils 30-9-2008 sut meinwald@afw.gr.ch
cun num, adressa, classa e datum da naschientscha

Datum da consignaziun
31-10-2008 per posta sut la suandonta adressa:

Uffeci forestal dil Grischun
Regiun Surselva
MIU UAUL
Via Crappa Grossa 14
7130 Glion

ni alternativ per e-mail:
meinwald@afw.gr.ch


Exposiziun dallas fotografias
Entschatta november 2008 vegnan las fotografias inoltradas publicadas sin la pagina web www.wald.gr.ch. Naven dils 14 da november 2008 vegnan ellas exponidas ell' aula dalla casa da scola a Glion.
Alla occurrenza finala, che ha liug ils 14 da november 2008 ell' aula dalla casa da scola a Glion, vegnan las ovras fotograficas valetadas e premiadas dad ina giuria sco era dil publicum.

Cundiziuns da participaziun
Scolars dalla regiun Surselva 1. - 9. classa
Format fotografic: JPEG (digital!)
Grondezia dil maletg: Eleger resoluziun maximala (grondezia maximala: 6 MB).
Haver inoltrau la fotografia entochen ils 31 d'october 2008.

Tgei ei da risguardar?
Ti astgas separticipar cun maximal ina fotografia. Quella has Ti sez da far! La elaboraziun digitala ei lubida.

Damondas ed annunzias
meinwald@afw.gr.ch
ni Maurus Frei tel: 081 920 06 87.