Partenaris da la plattafurma d'infurmaziun educa.ch
Ina survista da las instituziuns da la cuntrada da furmaziun svizra ch'èn partenaris da la plattafurma d'infurmaziun educa.ch dal Server svizzer da furmaziun. Quai èn exempels per ina collavuraziun pussaivla cun educa.ch.
 ASP - Scol'auta da pedagogia Tessin |
 | | La scol'auta da pedagogia ASP dal chantun Tessin sa participescha sco partenaria al Server svizzer da furmaziun cun survegliar la banca da datas dals scenaris pedagogics. |
| UFFT & CDEP |
 | | En collavuraziun cun l'Uffizi federal da furmaziun professiunala e tecnologia UFFT e cun la Conferenza svizra dals directurs chantunals da l'educaziun publica CDEP èn vegnids elavurads il portal da jobs per persunas d'instrucziun svizras www.educajob.ch ed ils guids per l'integraziun d'ICT en l'instrucziun www.educaguides.ch. |
| CEIJ - Centre d'Emulation Informatique du Jura |
 | | Il ‘Centre d'Emulation Informatique du Jura' CEIJ (il center d'integraziun d'ICT en il sistem da furmaziun dal chantun Giura) è in ulteriur partenari che surveglia la banca da datas da la software da scola BDLE. |
| Center didactic rumantsch online |
 | | La banca da datas da material d'instrucziun dal Center didactic online vegn provedida dals centers linguistics regiunals dal chantun Grischun. Material chatt'ins en tut ils idioms sco era en rumantsch grischun. |
| CIIP - Kaleido Français langue d'accueil |
 | | La banca da datas KALEIDO cun resursas didacticas per franzos sco lingua estra ed educaziun interculturala vegn administrada dal ‘Secrétariat général de la Conférence intercantonale de l'instruction publique de la Suisse romande et du Tessin CIIP'. |
| CDEP - Conferenza svizra dals directurs chantunals da l'educaziun |
 | | En collavuraziun cun la Conferenza svizra dals directurs chantunals da l'educaziun publica CDEP èn vegnids realisads: il portal davart ils stipendis www.ausbildungsbeitraege.ch; la survista dal sistem svizzer da scola ed il dossier "Di commemorativ dal Holocaust". |
| IFFP - Institut federal da scol'auta per la furmaziun professiunala |
 | | Sin educa.ch vegnan elavurads ils news dals responsabels per il perfecziunament da l'Institut federal da scol'auta per la furmaziun professiunala IFFP. Mintga trais mais vegn era tramessa ina newsletter. |
| FFHS - La scol'auta svizra a distanza |
 | | La scol'auta svizra a distanza FFHS è sco partenaria d'educa.ch conresponsabla per la banca da datas dals scenaris pedagogics. |
| FH NW - Scol'auta da pedagogia dal nordvest da la Svizra |
 | | educa.ch tgira la banca da datas da fegls da lavur sco era la banca da datas dals scenaris pedagogics en collavuraziun cun la Scol'auta da pedagogia dal nordvest da la Svizra FHNW. |
| fri-tic - Centre fri-tic Fribourg |
 | | Il center fri-tic (per l'integraziun d'ICT en l'instrucziun) collavura cun educa.ch tar la tgira da la banca da datas BDLE sco era tar la banca da datas dals scenaris pedagogics. |
| Societad Svizra - ONU |
 | | La societad Svizra - ONU appartegna medemamain als partenaris cun ils quals educa.ch ha creà il guid per la sensibilisaziun da la giuventetgna per l'ONU UN4YOUth. |
| GR - Il Server svizzer da la furmaziun |
 | | Las paginas rumantschas dal Server svizzer da la furmaziun vegnan creadas en collavuraziun cun il chantun Grischun GR GR e la Lia Rumantscha. |
| HEP BEJUNE - Scol'auta da pedagogia BEJUNE |
 | | La ‘Haute Ecole Pédagogique BEJUNE' da la part franzosa dal chantun da Berna, Giura e Neuchâtel BEJUNE è in dals partenaris per la tgira da la banca da datas per ils scenaris pedagogics. |
| HEP Vaud - Haute Ecole Pédagogique Vaud |
 | | La banca da datas da la software da scola BDLE è in project da la ‘Haute Ecole Pédagogique Vaud' HEP Vaud. Cun agid d'auters partenaris han ins integrà BDLE en il Server svizzer per la furmaziun. |
| IngCH - Uniun Engineers Shape our Future |
 | | In ulteriur partenari EducaTech (il portal d'internet svizzer per furmaziun e tecnica per giuvenils enfin 19 onns) è l'Uniun Engineers Shape our Future IngCH. |
| KITU - Post d'ICT spezialisà Schaffusa |
 | | Il post spezialisà da tecnologias da communicaziun ed infurmaziun en l'instrucziun da Schaffusa KITU appartegna medemamain als partenaris che tgiran la banca da datas dals scenaris pedagogics. |
| Openlaw - plattafurma per dretg e software libra |
 | | Il dossier biling Open Content: il dretg d'autur sco cunfin e perspectiva per in diever artistic dal dretg d'autur en collavuraziun cun Openlaw.ch(in'organisaziun da Creative Commons). |
| PH Berna - Scol'auta da pedagogia da Berna |
 | | La scol'auta da pedagogia dal chantun da Berna PH Bern sa participescha medemamain sco partenaria a la tgira da la banca da datas per ils scenaris pedagogics. |
| PHZ - Scol'auta da pedagogia da la Svizra centrala |
 | | La furmaziun cuntinuanta da la magistraglia da la scol'auta da pedagogia da la Svizra centrala PHZ è sco partenaria d'educa.ch conresponsabla per la banca da datas per ils scenaris pedagogics. |
| PHZH - Scol'auta da pedagogia Turitg |
 | | La scol'auta da pedagogia www.phzh.ch na collavura cun educa.ch betg sulettamain tar il project EvaSoft (per giuditgar software d'emprender), mabain era tar la banca da datas dals scenaris pedagogics. |
| RPN - Réseau pédagogique neuchâtelois |
 | | Il ‘Réseau pédagogique neuchâtelois' RPN (la rait pedagogica dal chantun Neuchâtel) è in ulteriur partenari tar la tgira da la banca da datas da la software da scola BDLE. |
| RTR - Radio e televisiun rumantscha |
 | | Radio e Televisiun Rumantscha rtr tgira en collavuraziun cun educa.ch ina rubrica da chargiar giu emissiuns da Radio e televisiun rumantscha. |
| SAJV - Cuminanza da lavur svizra da las uniuns da giuvenils |
 | | La Cuminanza da lavur svizra da las uniuns da giuvenils SAJV è stada in ulteriur partenari tar l'elavuraziun dal guid per la sensibilisaziun dals giuvenils per l 'UNO UN4YOUth. |
| SATW - Academia svizra da la scienza tecnica |
 | | EducaTech è il portal d'internet svizzer per furmaziun e tecnica per giuvenils enfin 19 onns. Partenari principal da la pagina è l'Academia svizra da la scienza tecnica SATW. |
| Societads svizras da dretgs d'autur |
 | | En collavuraziun cun tschintg societads da dretgs d'autur e sut direcziun da ProLitteris è vegnì creà il dossier tematic en tudestg e franzos "Il dretg d'autur sin il sectur da furmaziun". |
| SEM - Post spezialisà d'ICT Genevra |
 | | Il post spezialisà ‘Service Ecoles Médias' SEM dal chantun Genevra è responsabel, sco partenari da la banca da datas dals scenaris pedagogics, per la tgira chantunala. |
| SG - Departament d'educaziun dal chantun da Son Gagl |
 | | Il Departament d'educaziun dal chantun da Son Gagl www.sg.ch è responsabel per la tgira chantunala da la banca da datas per ils scenaris pedagogics. |
| SZH - Post central svizzer per la pedagogia curativa |
 | | L' access specific dal rom vegn tgirà dal Post central svizzer per la pedagogia curativa SZH. Ins chatta infurmaziuns davart ICT per scolars e scolaras cun basegns spezials. |
| SVEB - AliSearch banca da datas per perfecziunament |
 | | La funcziun directa da tschertgar sin educa.ch è vegnida creada en collavuraziun cun AliSearch (la banca da datas per perfecziunament da l'Uniun svizra per il perfecziunament SVEB). Purschidas e purschiders èn administrads centralmain. |
| Swissmem - Industria svizra da maschinas, electro e metal |
 | | In ulteriur partenari d'EducaTech (il portal d'internet svizzer per furmaziun e tecnica per giuvenils enfin 19 onns) è l' Industria svizra da maschinas, electro e metal Swissmem. |
| ELEF - Perfecziunament da scola Basilea-Champagna e Basilea-Citad |
 | | Il perfecziunament da scola dals chantuns Basilea-Champagna e Basilea-Citad appartegn era als partenaris da la tgira da la banca da datas per ils scenaris pedagogics. |
| Coordinaziun da l'ONU dal DFAE Departament federal d'affars exteriurs |
 | | Il guid per la sensibilisaziun da la giuventetgna per l'ONU UN4YOUth è vegnì creà en collavuraziun cun la Coordinaziun da l'ONU dal Departament federal d'affars exteriurs DFAE erstellt. |
| WBZ - Post central svizzer per perfecziunament |
 | | Il portal da perfecziunament triling WebPalette è vegnì creà en collavuraziun cun il Post central svizzer per perfecziunament da las persunas d'instrucziun dal stgalim secundar II WBZ. |
