Cumpareglià cun la cifra d'abitants ha la Svizra ina da las pli autas spessezzas da nums da domain - en curt vegn quai ad esser in milliun - che fineschan cun .ch u .li. Ord quai motiv fa SWITCH ina concurrenza.

NW CDEP ha realisà il film ‘Elbe' per demonstrar e nizzegiar en scola la varietad dals dialects, da las linguas e da la culturas. Registraziuns ord la pratica da scola ed era la broschura supplementara mussan activitads per l'atgna instrucziun.

youngCaritas ha schlargià sias purschidas per la scola. Ils tschintg ‘Schoolfolders' pon ins obtegnair gratuitamain: commerzi fair, agid umanitar, promoziun da la pasch, cooperaziun al svilup, dretgs umans.

In nov portal online per students da la scol'auta a distanza da la Svizra porscha vastas infurmaziuns pertutgant il studi e la vita da students e duai promover il stgomi tranter ils students da la SADS.

En quest project da ‘Good Practice' stattan a disposiziun per onn da scola (7.-9.) 12 moduls da test tar cumpetenzas da basa. Ils scolars e las scolaras survegnan in feedback direct.

La chasa da traffic da la Svizra envida la magistraglia ils 24 d'october 2007 a Lucerna. Ins ha la pussaivladad d'augmentar la savida e d'experimentar cun las novas purschidas pedagogicas dal museum.

Questa website porscha in'introducziun gratuita en la contabilitad dubla. '10 lecziuns, cha sa pajan' inclusivamain planisaziun da las lecziuns - per stgalim sec II (scola da commerzi KV, gimnasi).

Il chantun da Turitg ha decretà ina nova constituziun da mesiras da la pedagogia speziala. Questa constituziun  pretenda da betg separar pli ils uffants cun basegns spezials, mabain d'integrar els pli fitg en l'instrucziun da tschep.

La chasa editura Cornelson porscha a la magistraglia in test d'ortografia per las classas 5 e 6. Las 3 licenzas per fufragnar gratuitas cuntegnan il test, ina diagnosa differenziada ed in plan da promoziun individual cun materialias.

La GiuRu (Giuventetgna Rumantscha) porscha en collavuraziun cun la Lia Rumantscha in curs intensiv da rumantsch grischun. El vegn ad avair lieu durant 5 fin d'emnas el november/december 2007. A la fin pon ins cuntanscher il diplom "RG livel 1 LR".

In studi d'instrucziun sa basond sin video da differentas scolas vegn a la conclusiun che l'instrucziun d'istorgia en Svizra è da buna qualitad. Scolars e scolaras dal 9avel onn da scola èn motivads e san era classifitgar noziuns e fatgs istorics.

IBM ha lantschà ina concurrenza per la meglra e-scola. Finamira da questa concurrenza è da chattar e remunerar ‘scolas exemplaricas' sin il champ d'ICT. Prender part pon tut las scolas popularas fin al stgalim universitar. Termin: 15 da settember 07.

Per il cumenzament da l'onn da scola 2007/2008 entra en vigur la nova cunvegna da la scola professiunala. Las tariffas per frequentar la scola professiunala en in auter chantun èn s'augmentadas e vegnidas adattadas als custs da furmaziun effectivs.

Il forum ICT 21 ha edì ina nova broschura cun ils resultats da la conferenza dal schaner 2007 al lai da Gerzen. La broschura sa fatschenta cun la strategia per la societad d'infurmaziun ed è disponibla èn 4 linguas.

Il nov rapport da la Cumissiun federala per dumondas d'uffants e giuvenils crititgescha fermamain la intschertezza materiala da giuvenils. Bunamain 45% dals retschaviders d'agid social en Svizra en ozendi uffants e giuvenils.