Furmaziun cuntinuada: survista
 |  | La conferenza svizra da las directuras e dals directurs chantunals da l'educaziun publica (CDEP) definescha en sias "recumandaziuns concernent la furmaziun cuntinuada da creschids" dals 20 da favrer 2003 la furmaziun cuntinuada suandantamain: "La furmaziun cuntinuada cumpiglia tut ils process d'emprender che gidan las persunas creschidas a realisar lur capacitads, a cumplettar lur savida ed a perfecziunar u ad orientar da nov lur qualificaziuns specificas e professiunalas per satisfar a lur agens basegns u a quels da lur ambient social." |
Stgalim quartar
L'idea tradiziunala da la furmaziun distingua trais stgalims (primar, secundar e terziar). En il temp dad oz vegn adina pli popular in concept da furmaziun che cumpiglia la furmaziun cuntinuada sco quart stgalim. Cun il stgalim quartar na manegian ins betg in stgalim superiur al stgalim terziar; ins vul plitost suttastritgar en il context da la politica da furmaziun l'impurtanza da la furmaziun cuntinuada da persunas creschidas sco quart champ da la furmaziun. Il stgalim quartar sa differenziescha fundamentalmain dals trais auters stgalims, perquai ch'el sa drizza a spetgas cun cuntegns extrascolars che pon sulettamain vegnir ademplidas cun agid da l'experientscha persunala e professiunala e betg en il rom d'ina emprima scolaziun professiunala. Il concept dal sectur quartar implitgescha ultra da l'autonomia era la colliaziun cun ils trais auters stgalims. I dat temas che sa cruschan, tranter auter pervia dal grond dumber dals cuntegns cuminaivels (capacitads da basa generalas e professiunalas, sistematica da las scienzas e.u.v.), dals quals ins po profitar.
Furmaziun cuntinuada da persunas creschidas
La furmaziun cuntinuada da persunas creschidas sa sviluppa ozendi ad ina part integrala dal sistem da furmaziun. Ella sa basa d'ina vart sin las cumpetenzas acquistadas en il stgalim primar, secundar I e II ed en il stgalim terziar, da l'autra vart sin las experientschas fatgas en la vita professiunala, sociala e privata. L'emprima scolaziun en scola ed en la professiun e la furmaziun cuntinuada èn colliadas stretgamain.
L'idea tradiziunala da la furmaziun distingua trais stgalims (primar, secundar e terziar). En il temp dad oz vegn adina pli popular in concept da furmaziun che cumpiglia la furmaziun cuntinuada sco quart stgalim. Cun il stgalim quartar na manegian ins betg in stgalim superiur al stgalim terziar; ins vul plitost suttastritgar en il context da la politica da furmaziun l'impurtanza da la furmaziun cuntinuada da persunas creschidas sco quart champ da la furmaziun. Il stgalim quartar sa differenziescha fundamentalmain dals trais auters stgalims, perquai ch'el sa drizza a spetgas cun cuntegns extrascolars che pon sulettamain vegnir ademplidas cun agid da l'experientscha persunala e professiunala e betg en il rom d'ina emprima scolaziun professiunala. Il concept dal sectur quartar implitgescha ultra da l'autonomia era la colliaziun cun ils trais auters stgalims. I dat temas che sa cruschan, tranter auter pervia dal grond dumber dals cuntegns cuminaivels (capacitads da basa generalas e professiunalas, sistematica da las scienzas e.u.v.), dals quals ins po profitar.
Furmaziun cuntinuada da persunas creschidas
La furmaziun cuntinuada da persunas creschidas sa sviluppa ozendi ad ina part integrala dal sistem da furmaziun. Ella sa basa d'ina vart sin las cumpetenzas acquistadas en il stgalim primar, secundar I e II ed en il stgalim terziar, da l'autra vart sin las experientschas fatgas en la vita professiunala, sociala e privata. L'emprima scolaziun en scola ed en la professiun e la furmaziun cuntinuada èn colliadas stretgamain.
| Ulteriuras infurmaziuns davart la furmaziun cuntinuanta |
 | Svilup |
| Datas statisticas |
| Cundiziuns d'admissiun |
| Cuntegns d'instrucziun |
| Organisaziun |
| Ulteriuras infurmaziuns |
 | Conferenza svizra da las directuras e dals directurs chantunals da l'educaziun publica (CDEP) |
