Scolas autas professiunalas: survista
 |  |
| |
Dapi l'onn 1997 enconuschan las scolas autas en Svizra, ultra da las scolas autas universitaras, in segund tip da scol'auta: las scolas autas professiunalas ch'èn vegnidas creadas cun concentrar e cun spezialisar las var 70 scolas spezialisadas superiuras (scolas tecnicas, scolas superiuras da gestiun commerziala e.u.v.).
Las scolas autas professiunalas han l'incumbensa da porscher a las absolventas ed als absolvents d'ina furmaziun professiunala studis da scol'auta ch'èn orientads a la pratica ed a l'applicaziun. En tut datti set scolas autas professiunalas publicas ed ina scol'auta professiunala privata:
Las scolas autas da pedagogia (SAP) fan era part da las scolas autas professiunalas.
Incumbensas principalas e cundiziuns da basa
Incumbensas principalas e cundiziuns da basa
 | Il mandat da prestaziun da las scolas autas professiunalas cumpiglia studis da diplom, furmaziun cuntinuada (studis da diplom supplementar resp. master of advanced studies, curs da diplom supplementar), perscrutaziun e svilup orientà a l'applicaziun, servetschs a favur da terzas persunas, collavuraziun cun scolas autas e cun instituziuns da perscrutaziun en Svizra ed a l'exteriur. |
| Il cussegl da las scolas autas professiunalas da la conferenza svizra da las directuras e dals directurs chantunals da l'educaziun publica è l'organ strategic-politic per la collavuraziun interchantunala en tut las dumondas che concernan la scol'auta professiunala. El coordinescha la planisaziun dal svilup sin plaun naziunal e collavura cun la confederaziun. |
| La conferenza da las scolas autas professiunalas represchenta ils interess da las scolas autas professiunalas visavi la confederaziun, visavi ils chantuns sco era visavi autras instituziuns da la politica da furmaziun e da perscrutaziun. Sco conferenza da las recturas e dals recturs è ella ina conferenza spezialisada da la conferenza svizra da las directuras e dals directurs chantunals da l'educaziun publica e tgira stretgs contacts cun l'uffizi federal da furmaziun professiunala e da tecnologia che regla las scolas autas professiunalas sin plaun svizzer e che sa participescha a lur finanziaziun. |
| Infurmaziuns davart las scolas autas professiunalas |
 | Svilup |
| Datas statisticas |
| Cundiziuns d'admissiun |
| Cuntegns d'instrucziun |
| Organisaziun |
| Scolaziun cuntinuanta |
