Furmaziun professiunala: survista
 |  |
| |
Var dus terzs dals giuvenils en Svizra absolvan ina furmaziun professiunala suenter il stgalim secundar I. La confederaziun, ils chantuns e las organisaziuns dal mund da lavur sa participeschan a la furmaziun professiunala. Ils giuvenils pon tscherner tranter var 300 professiuns d'emprendissadi.
Furmaziun professiunala da basa
La furmaziun professiunala da basa dura tranter dus e quatter onns.
La furmaziun professiunala da basa dura tranter dus e quatter onns.
 | La furmaziun professiunala da basa da dus onns ha remplazzà l'emprendissadi scursanì da fin ussa. A la fin survegnan ils giuvenils in attest federal da furmaziun professiunala. La furmaziun da basa da dus onns permetta surtut a glieud giuvna cun talents pratics d'acquistar in attest professiunal renconuschì. |
| La furmaziun professiunala da basa da trais u da quatter onns vegn terminada cun in certificat federal da qualificaziun e prepara ils giuvenils per ina professiun specifica. |
| La maturitad professiunala è ina furmaziun generala amplifitgada ed approfundada e cumplettescha la furmaziun professiunala da basa da trais u da quatter onns. In certificat federal da qualificaziun è ina part integrala da la maturitad professiunala. Ina maturitad professiunala pon ins far en duas modas: cun frequentar ina instituziun da scolaziun correspundenta cun in examen final (parallelamain a la furmaziun professiunala da basa u suenter ina furmaziun professiunala da basa terminada) ubain independentamain da la scola a chaschun dals examens federals da maturitad professiunala suenter avair terminà la furmaziun professiunala da basa. La via a la maturitad professiunala dura almain sis semesters. |
Lieus da scolaziun
La furmaziun professiunala ha lieu en il manaschi d'emprendissadi, en la scola professiunala u en curs ordaifer il manaschi:
La furmaziun professiunala ha lieu en il manaschi d'emprendissadi, en la scola professiunala u en curs ordaifer il manaschi:
| La furmaziun professiunala en il manaschi d'emprendissadi ed en la scola professiunala è la furma da scolaziun la pli derasada. En il manaschi d'emprendissadi (per regla trais fin quatter dis) vegnan intermediadas las abilitads professiunalas praticas. La scola professiunala (in fin dus dis) intermediescha la furmaziun da scola (furmaziun generala e furmaziun specifica da la professiun). Era autras furmas d'organisaziun da la furmaziun professiunala da basa èn pussaivlas, sco instituziuns da scolaziun a temp cumplain (p.ex. lavuratoris d'emprendissadi u scolas medias d'informatica), models cun instrucziun da scola diminuinta u models cun onns d'emprendissadi da basa. |
| Cumplementarmain a la furmaziun en il manaschi d'emprendissadi ed en la scola professiunala vegnan intermediadas - en curs ordaifer il manaschi - abilitads professiunalas praticas ed enconuschientschas supplementaras a la furmaziun da scola. Quests curs han savens lieu en centers da scolaziun spezials da la branscha. |
Cumpetenzas
Tenor la lescha davart la furmaziun professiunala è la furmaziun professiunala ina incumbensa cuminaivla da la confederaziun, dals chantuns e da las organisaziuns dal mund da lavur. La confederaziun, represchentada tras l'uffizi federal da furmaziun professiunala e da tecnologia (UFFT), è responsabla per la direcziun strategica e per il svilup da la furmaziun professiunala. Las incumbensas principalas cumpiglian tranter auter la legislaziun, la garanzia da la qualitad ed il svilup da l'entir sistem sco era la promoziun d'innovaziuns. La scolaziun ed il perfecziunament da las persunas ch'èn responsablas per la furmaziun professiunala èn stads fin ussa en la cumpetenza da l'institut svizzer da pedagogia per la furmaziun professiunala (ISPFP). Cun l'entrada en vigur da la lescha davart la furmaziun professiunala l'onn 2004 vegn il ISPFP reorganisà: el vegn manà vinavant sco institut federal da scol'auta per la furmaziun professiunala (IFFP).
Ils chantuns èn responsabels per la realisaziun e per la surveglianza da la furmaziun professiunala. Ils uffizis chantunals da furmaziun professiunala èn ils organs executivs da la furmaziun professiunala. La gestiun da scolas professiunalas e d'instituziuns da scolaziun a temp cumplain sco era da posts d'infurmaziun e da cussegliaziun professiunala tutga era tar las incumbensas dals chantuns. Las organisaziuns dal mund da lavur (federaziuns professiunalas, partenarias e partenaris socials, autras organisaziuns cumpetentas sco era autras purschidras ed auters purschiders da la furmaziun professiunala, interpresas) defineschan ils cuntegns da furmaziun, intermedieschan las qualificaziuns professiunalas e mettan a disposiziun plazzas d'emprendissadi.
Finanziaziun
L'onn 2002 èn vegnids impundids 3'405,8 milliuns CHF per la furmaziun professiunala. Ils chantuns surpiglian la gronda part dals custs da la furmaziun professiunala (part da la confederaziun: var 14%). Ils custs da la furmaziun professiunala superiura muntan per il medem onn a 247,6 milliuns CHF. La finanziaziun è era qua per gronda part chaussa dals chantuns (part da la confederaziun: var 13%). Cun la nova lescha davart la furmaziun professiunala vegn la confederaziun ad augmentar sia part finanziala a la furmaziun professiunala. La valur directiva per la participaziun da la confederaziun als custs è in quart da las expensas dal maun public per la furmaziun professiunala. Las organisaziuns dal mund da lavur ed ils manaschis d'emprendissadi contribueschan era a la finanziaziun da la furmaziun professiunala. Las interpresas gidan oravant tut a finanziar la furmaziun professiunala superiura ed il perfecziunament professiunal.
Tenor la lescha davart la furmaziun professiunala è la furmaziun professiunala ina incumbensa cuminaivla da la confederaziun, dals chantuns e da las organisaziuns dal mund da lavur. La confederaziun, represchentada tras l'uffizi federal da furmaziun professiunala e da tecnologia (UFFT), è responsabla per la direcziun strategica e per il svilup da la furmaziun professiunala. Las incumbensas principalas cumpiglian tranter auter la legislaziun, la garanzia da la qualitad ed il svilup da l'entir sistem sco era la promoziun d'innovaziuns. La scolaziun ed il perfecziunament da las persunas ch'èn responsablas per la furmaziun professiunala èn stads fin ussa en la cumpetenza da l'institut svizzer da pedagogia per la furmaziun professiunala (ISPFP). Cun l'entrada en vigur da la lescha davart la furmaziun professiunala l'onn 2004 vegn il ISPFP reorganisà: el vegn manà vinavant sco institut federal da scol'auta per la furmaziun professiunala (IFFP).
Ils chantuns èn responsabels per la realisaziun e per la surveglianza da la furmaziun professiunala. Ils uffizis chantunals da furmaziun professiunala èn ils organs executivs da la furmaziun professiunala. La gestiun da scolas professiunalas e d'instituziuns da scolaziun a temp cumplain sco era da posts d'infurmaziun e da cussegliaziun professiunala tutga era tar las incumbensas dals chantuns. Las organisaziuns dal mund da lavur (federaziuns professiunalas, partenarias e partenaris socials, autras organisaziuns cumpetentas sco era autras purschidras ed auters purschiders da la furmaziun professiunala, interpresas) defineschan ils cuntegns da furmaziun, intermedieschan las qualificaziuns professiunalas e mettan a disposiziun plazzas d'emprendissadi.
Finanziaziun
L'onn 2002 èn vegnids impundids 3'405,8 milliuns CHF per la furmaziun professiunala. Ils chantuns surpiglian la gronda part dals custs da la furmaziun professiunala (part da la confederaziun: var 14%). Ils custs da la furmaziun professiunala superiura muntan per il medem onn a 247,6 milliuns CHF. La finanziaziun è era qua per gronda part chaussa dals chantuns (part da la confederaziun: var 13%). Cun la nova lescha davart la furmaziun professiunala vegn la confederaziun ad augmentar sia part finanziala a la furmaziun professiunala. La valur directiva per la participaziun da la confederaziun als custs è in quart da las expensas dal maun public per la furmaziun professiunala. Las organisaziuns dal mund da lavur ed ils manaschis d'emprendissadi contribueschan era a la finanziaziun da la furmaziun professiunala. Las interpresas gidan oravant tut a finanziar la furmaziun professiunala superiura ed il perfecziunament professiunal.
| Ulteriuras infurmaziuns davart la furmaziun professiunala |
 | Svilup |
| Datas statisticas |
| Cundiziuns d'admissiun |
| Cuntegns d'instrucziun |
| Pretensiuns |
| Scolaziun cuntinuanta |
| Ulteriuras infurmaziuns |
 | Furmaziun professiunala da basa da dus onns |
| Furmaziun professiunala da basa: projects |
| Maturitad professiunala |
