Ils chantuns cun lur vischnancas èn cumpetents per organisar e per finanziar las scolas primaras. Las vischnancas èn las instituziuns ch'èn responsablas per las scolas primaras. La frequentaziun da la scola è obligatorica e gratuita per tut ils uffants. La gronda maioritad dals uffants frequenta ina scola publica. La vegliadetgna d'entrada per il stgalim primar è en la maioritad dals chantuns il sisavel onn da vegliadetgna cumplenì. Per gronda part dura il stgalim primar sis onns. En ils paucs chantuns, nua ch'il stgalim primar dura quatter u tschintg onns ha l'entrada al stgalim secundar I lieu gia il 5avel u il 6avel onn da scola. L'armonisaziun da la scola obligatorica (HarmoS) vegn ad unifitgar las structuras da scola dals chantuns che vegnan a sa participar al concordat HarmoS.