Mintga primavaira datti ina seria da referats da la scol'auta da teologia e da la SAP davart temas actuals en l'instrucziun da religiun, l'influenza da la religiun sin la furmaziun ed identitad persunala. L'emprim referat ha lieu ils 16 da mars. <t>

Il film da l'onn 2005 preschenta geografia e natira, dat in sguard sin il sistem politic, sin usits e cultura e tematisescha aspects economics e turistics. Il film da radund 17 minutas pon ins guardar online u empustar sin DVD.

Quai è tia schanza! Mussa tes talent avant il public da la HIGA 2010! Has ti cumponì ina chanzun e vulessas preschentar quella u vulessas interpretar in hit enconuschent? Il/la victur/a po registrar in Top Pop Rumantsch en in studio professiunal.

La Lia Rumantscha organisescha era quest onn a Vignogn/Lumnezia ina emna da curs da rumantsch per famiglias rumantschas e bilinguas che abiteschan ordaifer il territori rumantsch. Quai succeda en collavuraziun cun geniturs. Data: 26 -30 da fanadur.

Ils impuls auditivs (en ils idioms) sco "Stai si, defenda" vulan render attents che singuls Rumantschs han inizià cun lur appels ed acziuns la promoziun dal rumantsch. RTR sa concentrescha sin ils pli marcants slogans dals davos 120 onns.

Coiffeur: "Plaunet vegnan voss chavels grischs". Clienta: "Betg da smirvegliar tar voss tempo". - Ina nulla scuntra in dad otg. Di la nulla: "Schica tschinta!" Rir e sanadaivel, perquai prenda la peda e dà in sguard a las sgnoccas tar il Simsalabim.

Tar ina festa na dastgan ils gieus betg mancar. Els procuran per ina buna atmosfera e bler divertiment. Blers gieus na dovran betg bler d'organisar, in zichel musica e tuts che sautan. Prima - fatschas rientas dapertut.

"Sas ti tge mais che ha 28 dis?" - "Has ti pensà al favrer?" - "Mintga mais ha 28 dis!" Uschia funcziunan las dumondas da spass. In'entira retscha da dumondas da spass chattas ti sin la pagina dal Simsalabim.

Per ils ins è Pasca la festa cristiana la pli impurtanta. Per ils auters èsi in congedi dal mintgadi da lavur, in temp per star cun la famiglia e mangiar lieurs da tschigulatta. chatta.ch mussa differentas fassettas da la festa populara.

Organisar la festa, occupar ils pitschens giasts in pèr uras e metter sin maisa da quai che gusta a tuts - quai fa rumpatesta a varsaquants geniturs. Simsalabim dat intgins impuls e tips per preparar festas d'anniversari per ils uffants.

Suenter il giat è il chaun l'animal ch'ins chatta il pli savens en ils tegnair chasas dals Svizzers. En mintga 7avel tegnair chasa viva numnadamain in chaun. Ils ins han chauns gronds, ils auters pitschens.

La Quarta Lingua envida ad in suentermezdi rumantsch per uffants e lur geniturs en la chasa d'uffants Stromboli a Turitg, dumengia, ils 7 da mars 2010 a partir da las 13.30 uras. I dat bleras activitads per ils uffants - tut tenor gust.

La dumengia suenter l'emprima glina plaina da la primavaira festiveschan ils Cristian Pasca e tematiseschan la levada da Jesus Cristus. Il Server da furmaziun da la Svizra centrala zebis.ch ha mess ensemen links latiers. <tudestg>

Programs d'elavurar fotos curregian tut ils errurs senza ch'ins vesa insatge. Quest onn festivescha Photoshop, in dals pli enconuschents programs per l'elavuraziun da fotografias, ses anniversari da 20 onns. Battaporta discurra cun persunas dal fatg.

La Lia Rumantscha envida a la concurrenza litterara "Plima d'aur 2010". Era vegn la "Mieur rumantscha 2010" surdada. Quella concurrenza è averta per tut las vegliadetgnas, tut las sorts da texts e paginas d'internet rumantschas. Termin: 14 da matg.

La Lia Rumantscha publitgescha per l'otgavla giada la concurrenza da scriver "Pledpierla". La mira è da promover il plaschair da scriver texts rumantschs. Sa participar pon tut ils uffants da la quarta fin novavla classa e giuvenils fin 30 onns.

Utschels-mezmieur datti radund 30 differents en Svizra. La glista en agiunta enumerescha questas spezias en in urden sistematic cun inditgar il num en las quatter linguas naziunalas, plinavant en latin ed en englais.

Edward e Bella - quai èn Romeo e Julia da noss dis. Edward è in vampir ch'è per adina 17 e Bella ina scolara da 18 ans. Els èn inamurads. In'amur fatala... Ina romanza da teenagers - per teenagers. <tenor Battaporta>

L'iniziativa austriaca "handywissen.at" porscha a geniturs, persunas d'instrucziun e giuvenils in agid per l'utilisaziun segira e bunmartgada. Las persunas d'instrucziun chattan era in glista cun materialias d'instrucziun e latiers buns cussegls. <t>

La CDEP ha renconuschì il nov curs da studi scolina / stgalim bass da la SAP Turitg. En in studi da trais onns cuntanschan ils students in diplom per la scolina ed il stgalim bass. Els pon era instruir ordvart il chantun da Turitg.<t>

VxM.ch è ina plattafurma da musica da Radio Rumantsch, DRS Musikwelle, RSR La Première e Rete Uno. Ella permetta a musicistas e musicists da preschentar lur tocs da musica populara a las tschintg redacziuns da musica ed al rest dal mund.

Il scriptur e cabarettist Franz Hohler è in dals renumads auturs en Svizra. Dapi 40 onns preschenta el adina puspè la versiun rumantscha dal famus "Totämügerli". Il davos temp ha Franz Hohler er prelegì texts sco "Impuls" al Radio Rumantsch.

En sia furma sco stadi federal exista la Svizra dapi la constituziun federala l'onn 1848. Al Congress da Vienna (1815) èn ils cunfins vegnids confermads. Il chantun Grischun ha stuì surlaschar a l'Italia la Vuclina, Bormio e Clavenna. <Vichipedia>

Il med d'instrucziun "Sco la roda" è in'adattaziun da cuntegns or da la retscha "Lernwelten". Ils 15 chapitels per las 1.-3. classas tractan tranter auter ils temas suandants: Mangiar e baiver, consum, tartuffels, dultscharias, lavur e temp liber.

"Economia Svizra" per il stgalim superiur cuntegna infurmaziuns cleras che permettan al scolar ed a la scolara da chapir la lingua economica. Cun exempels specifics dat il cudesch ina survista dals mecanissems principals.

Spam, hoax e captchas... pleds che vegnan adina puspè duvrads en la lingua da computer. Tge è spam e pertge avess in captcha dad esser bun? E co pon ins sa proteger? En 5 minutas dat RTR scleriment.

Sut il titel "... ICT sviluppescha scola sviluppescha ICT..." prenda la dieta d'experts CTII, dals 25 d'avust 2010 a Berna, il connex tranter ICT e svilup da scola sut la marella. Interessads pon inoltrar contribuziuns <tudestg>.

En il gieu da strategia èsi tes pensum da manar tia terra cun success economic. Integrescha collavuraturs svizzers ed esters en tias firmas e guarda che questas marschan bain. Adattescha il nivel da paja ed organisescha scolaziuns.

La Fundaziun Premi grischun da litteratura, fundada da la Soroptimista Milly Enderlin, conceda mintg'onn ina distincziun dotada cun 10 '000.- fr. Il Premi grischun da litteratura 2009 va a l'autur e narratur Peter Michael-Caflisch dad Arezen.

Per il giubileum da la revista "Die Volkswirtschaft" ha il Secretariat da stadi da l'economia concepì il quiz "secoprimo". Cun quel pon ins examinar l'atgna savida d'economia, surtut quella davart il svilup da l'economia e la politica svizra.

Per ils adherents è ella indispensabla, per ils adversaris in grond ristg. La nova gulivaziun da finanzas NFA polarisescha. Cun lur arguments emprovan adversaris ed adherents da la NFA da persvader il suveran en vista a la votaziun dals 7 da mars.