Butia rtr
Radio e Televisiun Rumantscha (RTR) porschan adina puspè ina schelta da films emess da la Televisiun Rumantscha (TvR) e da portatuns producids dal Radio Rumantsch (RR). Amis da RTR pon era cumprar ils artitgels da reclama exclusivs che vus chattais sut divers.
 |  |
| |
Quasi mintga di supplitgeschan aspectaturAs ed auditurAs per in extract u in'entira emissiun da la Televisiun Rumantscha (TvR) u dal Radio Rumantsch (RR). Per ils redacturs da las singulas emissiuns n'èsi betg pussaivel d'ademplir tut quellas dumondas per copias privatas. Perquai porscha RTR in service spezial per copias d'emissiuns RTR. Quella pussaivladad exista dentant be per emissiuns RR e TvR emessas. Material illustrativ ed auditiv nunpublitgà da RTR na dastga betg vegnir copià e dà vinavant. Extracts da pliras emissiuns na pon betg vegnir furnids sin in sulet portatun/portamaletg. Necessarias èn pliras empustaziuns.
Tuttas emissiuns èn protegidas tenor ils dretgs d'autur. Be il diever privat è pussaivel. Vegn l'emissiun ubain ina part da l'emissiun duvrada per in auter intent (p.ex. preschentaziun publica u commerziala) ston vegnir inditgads a RTR intgins detagls da l'intent d'utilisaziun (senn e furma da l'occurrenza, public en mira, lieu da l'occurrenza). Sin fundament da quests detagls conceda RTR ils dretgs ed en cas da basegn ina cunvegna da licenza.
Tuttas emissiuns èn protegidas tenor ils dretgs d'autur. Be il diever privat è pussaivel. Vegn l'emissiun ubain ina part da l'emissiun duvrada per in auter intent (p.ex. preschentaziun publica u commerziala) ston vegnir inditgads a RTR intgins detagls da l'intent d'utilisaziun (senn e furma da l'occurrenza, public en mira, lieu da l'occurrenza). Sin fundament da quests detagls conceda RTR ils dretgs ed en cas da basegn ina cunvegna da licenza.
| Pretschs per copias da Radio e Televisiun Rumantscha |
Copias Radio Rumantsch (RR)
Vus pudais empustar las emissiuns dal Radio Rumantsch cun inditgar: il titel, il tema, la data e las uras da l'emissiun per il pretsch da 30.- francs.
Cun il medem cuntegn:
2 CDs per 45.- francs
3 CDs per 60.- francs
5 CDs per 90.- francs
dapli tenor cunvegna
Copias Televisiun Rumantscha (TvR)
Vus pudais empustar ils Telesguards dad in'entira emna ubain ils Cuntrasts cun inditgar: il titel, il tema e la data da l'emissiun per il pretsch da 40.- francs.
Cun il medem cuntegn:
2 DVDs per 65.- francs
3 DVDs per 80.- francs
5 DVDs per 120.- francs
dapli tenor cunvegna
Quai vala per las emissiuns cun data aifer las 3 emnas passadas. Tut tschellas emissiuns dovran lavur da retschertga en l'archiv e per part replicaziuns da bindels veders e vegnan perquai calculadas tenor ils custs reals - quai munta cun 120.- per l'ura da lavur.
Quels pretschs sa chapeschan adina cumprì la taglia sin la plivalur, porto e pachetadi.
Ulteriurs rabats èn pussaivels per empustaziuns da scolas, scolarAs ed uniuns culturalas/socialas.
| Empustar pudais vus las emissiuns tar: Radio e Televisiun Rumantscha Empustaziun Plazza dal teater Via da Masans 2 7002 Cuira Tel. +41 (0)81 255 75 75 Fax +41 (0)81 255 75 57 u emplenir il formular sin la pagina indicada:  rtr |
