Sco la conferenza dal directurs da l'educaziun chantunals DEC han infurmà en lur communiqué da pressa, sustegna ella reordinaziun da la disposiziun da la constituziun tar la furmaziun e recumonda d'acceptar ella ils 21 da matgs 2006.

La plattafurma austriaca Klickdichschlau.at porscha a visitaders da curs, scolars e persunas d'instrucziun material gratuit per la preparaziun sin ils examens da ECDL e l'instrucziun d'informatica.

Cun Google Scholar pon students manar tras ina tschertga generala suenter litteratura scientifica: lavurs da seminari, - da magister, - da diplom, sco era lavurs da doctorat, cudeschs, resumaziuns ed artitgels.

Scolas ch'èn dapi 4 mais activs en in project da eTwinning, pon s'annunziar per il sigil da qualitad eTwinning. Quest sigil vegn surdà duas giadas per onn per projects excellents. Fin d'annunzia è ils 31 da matg 2006.

Sut www.liarumantscha.ch chatt'ins ussa la nova homepage cun infurmaziuns actualisadas. Tranter auter pon ins era leger sut ACTUALITADS pon ins leger la posiziun da la Lia davart il program fundamental Scola 2010.

Puspe ò li en de da scolaziun dalla Conferenza rumantscha Grischun central. Infurmaziuns davart la fusiun digl scalem superiour a Casti e la 3. secundara da Casti gioia teater.

Tar las lavurs sursilvanas dal center didactic online, www.centerdidactic.educa.ch, datti cunzunt duas novitads interessantas quest mais. D'ina vart chattan in là in lavuratori da l'urs, e da l'auter maun different material tar la tematica ‘art'.

La pagina d'internet security4kids.ch intermediescha ad uffant e giuvenils las reglas la pli impurtantas per savair navigar segir. Ina concurrenza tar la tematica "segirtad en l'internet" remunerescha la savida acquistada.

La pagina d'internet da l'uffizi da sanadad sa preschenta  en ina nova cumparsa. Ella è vegnida construida da nov e creada tenor las prescripziuns liantas da la confederaziun, è dentant da chattar vinavant sut l'adressa www.bag.admin.ch.

Praktischer Umweltschutz Schweiz Pusch tschertga davent da l'onn da scola 2006/2007 pliras persunas d'instrucziun en il chantuns S.Gagl, Turgovia e Turitg per l'instrucziun en il champ rument, recycling ed utilisaziun conscienzius da l'ambient.

Tenor indicaziuns dal al conferenza d'universitads svizras, custan las diesch universitads e las duas Scolas politecnicas federalas (SPF) rodund 5,4 Milliardas FRS per onn. Da quai crodan 53% sin la perscrutaziun, 27% sin la furmaziun fundamentala.

L'uffizi federal da statistica ha edì in studi tar l'activitad da gudogn da scolaras e scolas sco era students, che duain dar scleriment davart il cumportament da questas forzas da lavur, dentant era davart il niz  per l'economia.

Per spargnar aveva decis il cussegl grond d'introducir per las scolas medias grischunas il Numerus clausus. Ina sentenzia dal Tribunal federal en il cas Glaruna ha gì consequenzas er per il Grischun.

Las scolas autas pedagogicas Thurgovia e Turitg mainan atras en cooperaziun cun ictgymnet ed Apple sonda ils 20 da matg 2006 ina dieta gratuita per persunas d'instrucziun da tut ils stgalims tar la tematica  "Podacasting en l'instrucziun".

Davant da Pasca 2006 retschaivan tut ils manaschis da la Svizra sco engraziament per lur prontadad da furmaziun gratuitamain il manual per furmaziun fundamentala dal manaschi. Questa acziun unica stat sut il motto "Grazia manaschis d'emprendissadi".

Ils 21 da matg 2006 vota il pievel svizzer davart la reordinaziun da la disposiziun da la constituziun tar la furmaziun. Il secretariat da stadi e perscrutaziun ha publitgà en collavuraziun cun UFFT ina website tar questa votaziun dal pievel.

Il post svizzer da coordinaziun per scienza da furmaziun ha publitgà il rapport da trend tar las mesiras dals chantuns tar l'egualitad da las schlattainas en il sectur da la furmaziun , "Unterwegs zur geschlechtergerechten Schule".

Per ina creaziun activa dal plaz da pausa pon ins retrair gratuitamain differentas schablonas da malegiar cun gieus tar la partiziun da sport da tar l' Uffizi per la scola populara ed il sport.

L' Institute for Future Studies a Zirl, Austria, porscha davent da l'avrigl 2006 in program online da furmaziun cuntinuada per eTutors, per discussiunar ils aspects europeics da elearning, che na fan normalmain part da purschidas naziunalas.