Bursa d'offertas da perfecziunament en Svizra (bop)
La bursa d'offertas da perfecziunament en Svizra (bop) è in project da la confederaziun e dals chantuns.

 

 

Cun passa 30'000 curs e scolaziuns - davent dal perfecziunament professiunal a la furmaziun da persunas creschidas en general sur las purschidas da las scolas autas professiunalas - è la bursa d'offertas da perfecziunament en Svizra (bop) la banca da datas la pli gronda.
Ils curs promovan il svilup professiunal e persunal. La frequentaziun d'in curs vegn normalmain confermada cun in'attestaziun (nagin diplom).
Las scolaziuns sa basan per ordinari sin ina furmaziun terminada u sin ina furmaziun extendida e vulan preparar la studenta u il student a moda sistematica per incumbensas pli pretensiusas. Ina scolaziun vegn normalmain terminada cun in diplom.

Champs
Ils curs e las scolaziuns da la bursa d'offertas da perfecziunament en Svizra (bop) èn divididas en diesch champs:

 

Cussegliaziun professiunala svizra sur l'internet
Il project "Cussegliaziun professiunala svizra sur l'internet" è vegnì inizià e realisà da la conferenza svizra da las directuras e dals directurs da la cussegliaziun professiunala, universitara e da carriera da tut ils chantuns, da l'associaziun svizra per la cussegliaziun professiunala e d'educa / dal center svizzer per las tecnologias d'infurmaziun en l'instrucziun (CTII). El vegn finanzià da l'uffizi federal da furmaziun professiunala e da tecnologia (UFFT) e dals chantuns (conferenza svizra da las directuras e dals directurs chantunals da l'educaziun publica [CDEP]).
La banca da datas porscha numerusas infurmaziuns en ils suandants champs:

 

Las persunas che disponan d'ina gronda experientscha professiunala, che n'han però betg fatg in examen professiunal, al pon prender suenter. Mintg'onn fan passa 1'000 persunas en Svizra in examen final d'emprendissadi en quella moda.
En il sectur da la furmaziun cuntinuada suenter il studi exista ina banca da datas cun radund 6'000 purschidas che sa drizzan a persunas che han terminà cun success ina scol'auta universitara u ina scol'auta professiunala.
La banca da datas en il sectur da las funcziuns professiunalas e da las professiuns accessiblas tras perfecziunament cuntegna infurmaziuns davart passa 2'000 professiuns: professiuns da basa, spezialisaziuns professiunalas, professiuns accessiblas tras perfecziunament e professiuns universitaras.