Scolas autas universitaras: Tge è nov?
 |  |
| |
Basas legalas
Sa basond sin la constituziun federala dals 18 d'avrigl 1999 (art. 63 e 64) cuntegna la lescha federala dals 8 d'october 1999 davart l'agid a las universitads e la cooperaziun en il sectur da las scolas autas (lescha davart l'agid a las universitads) reglamentaziuns areguard la coordinaziun ed areguard la collavuraziun en il sectur da las scolas autas svizras. La conferenza svizra da las universitads (CSU), l'organ cuminaivel da la confederaziun e dals chantuns, è cumpetenta per relaschar directivas en differents secturs cleramain definids. Fin ussa ha ella relaschà directivas per l'accreditaziun en il sectur da las scolas autas universitaras e per la renovaziun coordinada da l'instrucziun a las scolas autas universitaras svizras en il rom dal process da Bologna.
Sa basond sin la constituziun federala dals 18 d'avrigl 1999 (art. 63 e 64) cuntegna la lescha federala dals 8 d'october 1999 davart l'agid a las universitads e la cooperaziun en il sectur da las scolas autas (lescha davart l'agid a las universitads) reglamentaziuns areguard la coordinaziun ed areguard la collavuraziun en il sectur da las scolas autas svizras. La conferenza svizra da las universitads (CSU), l'organ cuminaivel da la confederaziun e dals chantuns, è cumpetenta per relaschar directivas en differents secturs cleramain definids. Fin ussa ha ella relaschà directivas per l'accreditaziun en il sectur da las scolas autas universitaras e per la renovaziun coordinada da l'instrucziun a las scolas autas universitaras svizras en il rom dal process da Bologna.
Las scolas autas en Svizra
Suenter che la valaivladad da la lescha davart l'agid a las universitads è scadida, duai vegnir creada sin plaun federal ina nova lescha che vala per tut las scolas autas (scolas autas universitaras, scolas autas professiunalas inclusiv scolas autas da pedagogia). Igl è previs ch'ina conferenza cuminaivla da la confederaziun e dals chantuns surpiglia la direcziun da l'entir sistem da las scolas autas en Svizra. Questa conferenza duai esser il sulet organ sin plaun politic che dirigia las scolas autas en Svizra. La nova legislaziun davart las scolas autas ha las suandantas finamiras:
Suenter che la valaivladad da la lescha davart l'agid a las universitads è scadida, duai vegnir creada sin plaun federal ina nova lescha che vala per tut las scolas autas (scolas autas universitaras, scolas autas professiunalas inclusiv scolas autas da pedagogia). Igl è previs ch'ina conferenza cuminaivla da la confederaziun e dals chantuns surpiglia la direcziun da l'entir sistem da las scolas autas en Svizra. Questa conferenza duai esser il sulet organ sin plaun politic che dirigia las scolas autas en Svizra. La nova legislaziun davart las scolas autas ha las suandantas finamiras:
 | crear in spazi da scolas autas e da perscrutaziun svizzer unitar |
| rinforzar la direcziun da l'entir sistem |
| rinforzar l'autonomia da las scolas autas |
| unifitgar e simplifitgar las reglas da finanziaziun per augmentar la qualitad da l'instrucziun, da la perscrutaziun e dals servetschs |
| crear mecanissems per meglierar la repartiziun da las incumbensas tranter las scolas autas |
Model da studi da dus stgalims tenor Bologna
Ils 4 da december 2003 ha la conferenza svizra da las universitads (CSU) relaschà las directivas per la renovaziun coordinada da l'instrucziun a las scolas autas universitaras svizras en il rom dal process da Bologna. Questas directivas ch'èn liantas per la confederaziun e per ils chantuns d'universitad garanteschan la coordinaziun sin plaun naziunal da la refurma da studis cumplessiva, iniziada l'onn 1999 en l'entira Europa cun la "decleraziun da Bologna". Fin l'onn 2010 duain tut ils studis vegnir adattads al nov model da studi da dus stgalims. L'emprim stgalim da studi vegn terminà cun il diplom da bachelor, il segund stgalim da studi cun il diplom da master.
Cun il model da studi da dus stgalims bachelor / master vegn introducì in sistem cun diploms da scol'auta ch'èn simpels da chapir e da cumparegliar e vegn etablì in sistem da puncts per resguardar prestaziuns da studi cumparegliablas. Plinavant vegnan iniziadas mesiras per eliminar impediments da mobilitad e per promover la cooperaziun europeica cun la finamira da garantir la qualitad.
Ils 4 da december 2003 ha la conferenza svizra da las universitads (CSU) relaschà las directivas per la renovaziun coordinada da l'instrucziun a las scolas autas universitaras svizras en il rom dal process da Bologna. Questas directivas ch'èn liantas per la confederaziun e per ils chantuns d'universitad garanteschan la coordinaziun sin plaun naziunal da la refurma da studis cumplessiva, iniziada l'onn 1999 en l'entira Europa cun la "decleraziun da Bologna". Fin l'onn 2010 duain tut ils studis vegnir adattads al nov model da studi da dus stgalims. L'emprim stgalim da studi vegn terminà cun il diplom da bachelor, il segund stgalim da studi cun il diplom da master.
Cun il model da studi da dus stgalims bachelor / master vegn introducì in sistem cun diploms da scol'auta ch'èn simpels da chapir e da cumparegliar e vegn etablì in sistem da puncts per resguardar prestaziuns da studi cumparegliablas. Plinavant vegnan iniziadas mesiras per eliminar impediments da mobilitad e per promover la cooperaziun europeica cun la finamira da garantir la qualitad.
