Scolas autas professiunalas: Tge è nov?
 |  |
| |
Basas legalas
Las suandantas leschas ed ordinaziuns furman las basas legalas per las scolas autas professiunalas:
Las suandantas leschas ed ordinaziuns furman las basas legalas per las scolas autas professiunalas:
 | lescha federala davart las scolas autas professiunalas dals 6 d'october 1995 |
| ordinaziun davart la creaziun e la gestiun da las scolas autas professiunalas dals 11 da settember 1996 |
| ordinaziun dal DFE davart l'admissiun als studis da las scolas autas professiunalas dals 2 da settember 2005 |
| ordinaziun dal DFE davart studis, studis da diplom supplementar e titels a las scolas autas professiunalas dals 2 da settember 2005 |
Lescha davart las scolas autas professiunalas
La revisiun parziala da la lescha davart las scolas autas professiunalas dals 17 da december 2004 ha creà cundiziuns da basa impurtantas, per che las scolas autas professiunalas possian sa mantegnair e sa sviluppar vinavant sco instituziuns da furmaziun cumpetitivas en il spazi naziunal ed internaziunal da las scolas autas. Il champ d'applicaziun da la lescha è vegnì extendì sin ils secturs da la sanadad, da la lavur sociala e da l'art. Cun la constituziun federala revedida dal 1. da schaner 2000 è vegnida surdada la cumpetenza per las professiuns da quests secturs da nov a la confederaziun.
Ultra da quai metta la revisiun da la lescha davart las scolas autas professiunalas a disposiziun las basas legalas per in sistem da studi da dus stgalims cun diploms da bachelor e da master ed etablescha in sistem d'accreditaziun e da garanzia da la qualitad. La revisiun parziala è vegnida approvada dal parlament en la sessiun d'enviern 2004. La revisiun parziala da la lescha davart las scolas autas professiunalas ed ils relaschs executivs correspundents èn entrads en vigur ils 5 d'october 2005, per che las scolas autas professiunalas possian cumenzar il semester d'enviern 2005/2006 cun ils emprims studis da bachelor.
Las scolas autas en Svizra
Suenter che la valaivladad da la lescha davart l'agid a las universitads è scadida, duai vegnir creada sin plaun federal ina nova lescha che vala per tut las scolas autas (scolas autas universitaras, scolas autas professiunalas inclusiv scolas autas da pedagogia). Igl è previs ch'ina conferenza cuminaivla da la confederaziun e dals chantuns surpiglia la direcziun da l'entir sistem da las scolas autas en Svizra, e quai a basa d'in nov artitgel da furmaziun en la constituziun federala. Questa conferenza duai esser il sulet organ sin plaun politic che dirigia las scolas autas en Svizra. La nova legislaziun davart las scolas autas ha las suandantas finamiras:
La revisiun parziala da la lescha davart las scolas autas professiunalas dals 17 da december 2004 ha creà cundiziuns da basa impurtantas, per che las scolas autas professiunalas possian sa mantegnair e sa sviluppar vinavant sco instituziuns da furmaziun cumpetitivas en il spazi naziunal ed internaziunal da las scolas autas. Il champ d'applicaziun da la lescha è vegnì extendì sin ils secturs da la sanadad, da la lavur sociala e da l'art. Cun la constituziun federala revedida dal 1. da schaner 2000 è vegnida surdada la cumpetenza per las professiuns da quests secturs da nov a la confederaziun.
Ultra da quai metta la revisiun da la lescha davart las scolas autas professiunalas a disposiziun las basas legalas per in sistem da studi da dus stgalims cun diploms da bachelor e da master ed etablescha in sistem d'accreditaziun e da garanzia da la qualitad. La revisiun parziala è vegnida approvada dal parlament en la sessiun d'enviern 2004. La revisiun parziala da la lescha davart las scolas autas professiunalas ed ils relaschs executivs correspundents èn entrads en vigur ils 5 d'october 2005, per che las scolas autas professiunalas possian cumenzar il semester d'enviern 2005/2006 cun ils emprims studis da bachelor.
Las scolas autas en Svizra
Suenter che la valaivladad da la lescha davart l'agid a las universitads è scadida, duai vegnir creada sin plaun federal ina nova lescha che vala per tut las scolas autas (scolas autas universitaras, scolas autas professiunalas inclusiv scolas autas da pedagogia). Igl è previs ch'ina conferenza cuminaivla da la confederaziun e dals chantuns surpiglia la direcziun da l'entir sistem da las scolas autas en Svizra, e quai a basa d'in nov artitgel da furmaziun en la constituziun federala. Questa conferenza duai esser il sulet organ sin plaun politic che dirigia las scolas autas en Svizra. La nova legislaziun davart las scolas autas ha las suandantas finamiras:
| crear in spazi da scolas autas e da perscrutaziun svizzer unitar |
| rinforzar la direcziun da l'entir sistem |
| unifitgar e simplifitgar las reglas da finanziaziun per augmentar la qualitad da l'instrucziun, da la perscrutaziun e dals servetschs |
| crear mecanissems per meglierar la repartiziun da las incumbensas tranter las scolas autas |
Masterplan per las scolas autas professiunalas
En il masterplan per las scolas autas professiunalas èn la confederaziun ed ils chantuns sa cunvegnids davart las prioritads strategicas per ils onns 2004 - 2007 e davart la finanziaziun da quellas, ed han decidì mesiras per augmentar l'effizienza:
En il masterplan per las scolas autas professiunalas èn la confederaziun ed ils chantuns sa cunvegnids davart las prioritads strategicas per ils onns 2004 - 2007 e davart la finanziaziun da quellas, ed han decidì mesiras per augmentar l'effizienza:
| Ina scolaziun d'auta qualitad e l'extensiun da la perscrutaziun e dal svilup han emprima prioritad en las scolas autas professiunalas. |
| La confederaziun ed ils chantuns èn sa cunvegnids davart criteris cuminaivels per finanziar il sistem da las scolas autas professiunalas. |
Il project dal masterplan ha purtà ina pli gronda transparenza dals custs e vegn cuntinuà per la perioda da planisaziun 2008 - 2011.
Model da studi da dus stgalims tenor Bologna
Il cussegl da las scolas autas professiunalas da la conferenza svizra da las directuras e dals directurs chantunals da l'educaziun publica (CDEP) ha relaschà ils 5 da december 2002 directivas per realisar la decleraziun da Bologna a las scolas autas professiunalas ed a las scolas autas da pedagogia. Questas directivas garanteschan che la refurma cumplessiva dals studis , ch'era vegnida iniziada l'onn 1999 en l'entira Europa cun la "decleraziun da Bologna", vegn coordinada sin plaun naziunal. Fin l'onn 2010 duain tut ils studis vegnir adattads a quest nov model da studi da dus stgalims. L'emprim stgalim da studi vegn terminà cun il diplom da bachelor, il segund stgalim da studi cun il diplom da master.
Bachelor
Ils studis da bachelor qualifitgeschan en general per ina professiun e remplazzan il diplom da scol'auta professiunala da fin ussa. Els mainan ad in diplom il pli baud suenter in studi da trais onns. Ils emprims studis da bachelor a las scolas autas professiunalas cumenzan il semester d'enviern 2005.
Master
Ils studis da master intermedieschan supplementarmain enconuschientschas approfundadas e spezialisadas. Els pon vegnir terminads il pli baud suenter in studi dad in onn e mez.
La premissa per l'admissiun al studi da scol'auta professiunala sin il stgalim da master è in diplom da bachelor u in diplom da scol'auta equivalent. Il ferm accent interdisciplinar dal studi da master ed ils contacts cun autras purtadras e cun auters purtaders da cumpetenzas chaschunan probablamain ina collavuraziun pli stretga cun las scolas politecnicas federalas e cun las scolas autas universitaras. A las scolas autas professiunalas duai vegnir purschì a partir da l'onn 2008 in pitschen dumber da studis da master. L'introducziun da quels duai vegnir coordinada sin plaun naziunal. Da preschent elavuran la confederaziun ed ils chantuns criteris per la purschida futura da studis da master.
Egualitad da las schanzas
Las dunnas èn fermamain sutrepreschentadas en las scolas autas professiunalas dals secturs da tecnica, d'economia e d'informatica. La quota da las dunnas è percunter bler pli auta en ils secturs da la furmaziun da las persunas d'instrucziun, da la sanadad, da la lavur sociala e da l'art. La sensibilisaziun per dumondas d'egualitad è ina finamira impurtanta da la politica da la confederaziun concernent las scolas autas professiunalas. En il center stattan las suandantas finamiras:
Model da studi da dus stgalims tenor Bologna
Il cussegl da las scolas autas professiunalas da la conferenza svizra da las directuras e dals directurs chantunals da l'educaziun publica (CDEP) ha relaschà ils 5 da december 2002 directivas per realisar la decleraziun da Bologna a las scolas autas professiunalas ed a las scolas autas da pedagogia. Questas directivas garanteschan che la refurma cumplessiva dals studis , ch'era vegnida iniziada l'onn 1999 en l'entira Europa cun la "decleraziun da Bologna", vegn coordinada sin plaun naziunal. Fin l'onn 2010 duain tut ils studis vegnir adattads a quest nov model da studi da dus stgalims. L'emprim stgalim da studi vegn terminà cun il diplom da bachelor, il segund stgalim da studi cun il diplom da master.
Bachelor
Ils studis da bachelor qualifitgeschan en general per ina professiun e remplazzan il diplom da scol'auta professiunala da fin ussa. Els mainan ad in diplom il pli baud suenter in studi da trais onns. Ils emprims studis da bachelor a las scolas autas professiunalas cumenzan il semester d'enviern 2005.
Master
Ils studis da master intermedieschan supplementarmain enconuschientschas approfundadas e spezialisadas. Els pon vegnir terminads il pli baud suenter in studi dad in onn e mez.
La premissa per l'admissiun al studi da scol'auta professiunala sin il stgalim da master è in diplom da bachelor u in diplom da scol'auta equivalent. Il ferm accent interdisciplinar dal studi da master ed ils contacts cun autras purtadras e cun auters purtaders da cumpetenzas chaschunan probablamain ina collavuraziun pli stretga cun las scolas politecnicas federalas e cun las scolas autas universitaras. A las scolas autas professiunalas duai vegnir purschì a partir da l'onn 2008 in pitschen dumber da studis da master. L'introducziun da quels duai vegnir coordinada sin plaun naziunal. Da preschent elavuran la confederaziun ed ils chantuns criteris per la purschida futura da studis da master.
Egualitad da las schanzas
Las dunnas èn fermamain sutrepreschentadas en las scolas autas professiunalas dals secturs da tecnica, d'economia e d'informatica. La quota da las dunnas è percunter bler pli auta en ils secturs da la furmaziun da las persunas d'instrucziun, da la sanadad, da la lavur sociala e da l'art. La sensibilisaziun per dumondas d'egualitad è ina finamira impurtanta da la politica da la confederaziun concernent las scolas autas professiunalas. En il center stattan las suandantas finamiras:
| francar l'egualitad da las schanzas sco criteri da qualitad en las strategias da las scolas autas professiunalas e realisar tala cun concepts ch'èn orientads a la pratica |
| augmentar il dumber da las dunnas che studegian, che perscruteschan e ch'instrueschan a las scolas autas professiunalas |
Per realisar questas finamiras è vegnì elavurà in plan d'acziun. Per la segunda fasa da program 2004 - 2007 stat a disposiziun in credit da 10 milliuns francs.
