Scolas medias spezialisadas (SMS): Tge è nov?
 |  | La scolaziun a las scolas medias spezialisadas (SMS) remplazza dapi la stad 2004 la scolaziun a las anteriuras scolas medias da diplom. Il "reglament davart la renconuschientscha dals diploms da las scolas medias spezialisadas" è vegnì approvà ils 12 da zercladur 2003 da la radunanza plenara da la conferenza svizra da las directuras e dals directurs chantunals da l'educaziun publica (CDEP) ed è entrà en vigur il 1. d'avust 2004. Il plan d'instrucziun da basa da la CDEP per las scolas medias spezialisadas (SMS) vala sco basa per ils plans d'instrucziun chantunals. |
