Scolas da maturitad (gimnasis): Tge è nov?
 |  | Cun il reglament davart la renconuschientscha da la maturitad (RRM) da l'onn 1995 han ins abolì ils anteriurs tips da maturitad ed introducì in sistem da roms d'elecziun, la redacziun e la preschentaziun d'ina lavur individuala pli gronda (lavur da matura) ed in nov plan d'instrucziun da basa. Set roms fundamentals, in rom d'accent ed in rom cumplementar furman ils roms da maturitad. Avant l'examen da maturitad scrivan las scolaras ed ils scolars ina lavur da matura. |
EVAMAR
En ina retschertga cumplessiva davart la realisaziun da la nova scolaziun da maturitad (EVAMAR) han las persunas pertutgadas (scolaras e scolars, persunas d'instrucziun, direcziuns da scola, persunas responsablas dal chantun) giuditgà la refurma a moda positiva. En ina segunda fasa vegn evaluà il stadi da furmaziun da las scolaras e dals scolars a la fin da lur scolaziun da maturitad.
Analogamain als svilups da la scola obligatorica è era vegnida lantschada en il sectur da la scolaziun da maturitad la discussiun davart ils standards da furmaziun e davart la garanzia da la qualitad.
En ina retschertga cumplessiva davart la realisaziun da la nova scolaziun da maturitad (EVAMAR) han las persunas pertutgadas (scolaras e scolars, persunas d'instrucziun, direcziuns da scola, persunas responsablas dal chantun) giuditgà la refurma a moda positiva. En ina segunda fasa vegn evaluà il stadi da furmaziun da las scolaras e dals scolars a la fin da lur scolaziun da maturitad.
Analogamain als svilups da la scola obligatorica è era vegnida lantschada en il sectur da la scolaziun da maturitad la discussiun davart ils standards da furmaziun e davart la garanzia da la qualitad.
