Cun il motto "Dapli profunditad che vastadad" vul la regenza reagar silla renfatscha d'ina maioritad dils patruns sursilvans che pretendan ch'ils scolars che bandunan oz la scola seigien mal preparai per fuffergnadis ed emprendissadis. Quei resorta dalla risposta dalla regenza all'incumbensa inoltrada da deputau Mathias Bundi (pcd Cadi) e sustenida da 62 collegas dil cussegl grond.

Tier la restscherca
La regenza accentuescha che l'enquista seigi vegnida fatga d'ina gruppa d'impuls dalla Re- giun Surselva e reflecteschien ils giudicaments persunals da 160 da 200 persunas che formeschan actualmein emprendists en Surselva e seigi perquei buc exnum representativa per igl entir cantun Grischun. Dalla retscherca fatga en Surselva resorta ch'ils scolars dil scalem superiur ein per part preparai nunsufficientamein per in emprendissadi, els hagien gronds deficits ton sil sectur dalla cumpetenza persunala e dallas cumpetenzas professiunalas. Sminuidas marcantamein el decuors dils davos 20 onns seigien principalmein la cumpetenza lingiustica el lungatg mumma e la capacitad matematica cunzun da far quen a tgau.