Luvratoris e fegls per l'instrucziun el computer
Igl october 2004 han ils scolasts sursilvans dislocau il Center didactic Surselva da Glion a Rueun. Varga melli lavurs pil diever ellas stanzas da scola ein deponidas el center. Il fevrer 2005 ei quel - entochen ussa mo sin pupi - ius "online". Pil mument registreschan ils responsabels aunc pauc interess per las pusseivladads digitalas. "Ei havess massada lavurs dentuorn. Ins stuess mo metter quellas tuttas el computer", declara Giusep Carigiet. Il scolast secundar da Rueun ei coordinatur e supervisur dils treis centers didactics dils scolasts romontschs. Auter che ellas autras parts linguisticas dalla Svizra cun 30 000 scolasts ein las scolas romontschas dependentas da 600 scolastas e scolasts cun atgnas ideas. Eleger ina tematica interessanta ei buca schi sempel sco tiels Franzos, Tudestgs e Talians. Il material d'instrucziun per romontsch ei scarts, mintga scoperta da material attractiv els auters lungatgs sto vegnir translatada ed adattada en romontsch.
Ils emprem pass
Dapi in onn e miez ei Giusep Carigiet occupaus en ina plazzza da 25 pertschien per educa.ch, il center d'informaziun dil scolaresser svizzer. Da quella lavur che duei promover, informar e sviluppar la scola "virtuala" impunda el tschun pertschien pil Center didactic Surselva. Sur la pagina www.centerdidactic.educa.ch retscheivan ils scolasts in survetsch d'assistenza cumplessiv per l'instrucziun ellas classas.
Giusep Carigiet ha la megliera survesta quei che pertucca il diever dil computer ella scola romontscha. Ina part dalla lavur "virtuala" fuorma il center didactic online. Tgi che vul fegls da lavur per la biologia, tgi che tscherca ideas attractivas per las lecziuns da tudestg ella tschunavla ni tgi che cumparegliass bugen atgnas lavurs cun autras sa sfegliar el catalog da material d'instrucziun. Dapi il fevrer 2005 ei quel sin lingia electronica sut www.centerdidactic.educa.ch.
176 lavurs èn online
Entochen oz cuntegn igl arcun electronic dil center 176 lavurs da scolastas e scolasts romontschs. Ferton che Marc Decurtins e Giancarlo Conrad ein responsabels pils centers el Grischun central ed ell'Engiadina e Val Müstair, ei Hugo Schär responsabels pil Center didactic en Surselva.
15 lavurs sursilvanas
La Surselva para buca dad esser schi productiva enten crear mieds d'instrucziun. Sco ellas autras regiuns romontschas ein ils scolasts sursilvans drizzai viers la tecnologia electronica. Dallas 176 lavurs ch'ein cargadas giu sil center didactic online ein sulettamein 15 en sursilvan. Ch'ils Sursilvans ein buca productivs constat denton tuttavia buca. El magasin a Rueun ein varga 1000 lavurs sin pupi deponidas. Il catalog d'ovras sin pupi muossa ina gronda vastadad da fegls da lavur naven d'ina pagina tochen tier entirs luvratoris cun varga 100 paginas. Ils auturs sursilvans ein tuttavia stai diligents. Dallas lavurs sin pupi vegni denton buca pli fatg stedi diever, confirma Hugo Schär. Malgrad quei paran scolastas e scolasts dalla Surselva aunc buca dad esser s'endisai vid la midada sin lingia electronica. Aunc ussa han mo 8 scolastas e scolasts cargau giu lur lavurs e mess a disposiziun quellas pil liber access da tuts. "Il center didactic vegn tuttavia duvraus", confirma daferton Giusep Carigiet. Pil mument ei igl interess denton aunc pigns da cargar giu las lavurs", constatescha il coordinatur e scolast d'informatica. El ei pertscharts ch'ei drova aunc empau temps entochen ch'il persunal da scola s'endisa vid la nova fuorma da cataloghisar fegls da lavur pil diever da tuts. "Ei havess massada lavurs dentuorn", ei il supervisur dil center perschuadius.
plans pil futur
Co vul el promover ch'ils scolasts cargan giu quellas sut www.centerdidactic.educa.ch? "Egl onn 2006 fagein nus ina analisa dil contonschiu. Jeu pondereschel da porscher in cuors da stad per promover il center e nus informein vinavon tier las conferenzas", rispunda Giusep Carigiet. Ina finamira eis ei era d'augmentar il diember dad actualmein 350 abonnents dalla posta electronica "newsletters" dad educa.ch romontsch sin 500. Sche quei gartegiass, fuss quei in mussament che la midada virtuala fuss gartegiada.
Ils emprem pass
Dapi in onn e miez ei Giusep Carigiet occupaus en ina plazzza da 25 pertschien per educa.ch, il center d'informaziun dil scolaresser svizzer. Da quella lavur che duei promover, informar e sviluppar la scola "virtuala" impunda el tschun pertschien pil Center didactic Surselva. Sur la pagina www.centerdidactic.educa.ch retscheivan ils scolasts in survetsch d'assistenza cumplessiv per l'instrucziun ellas classas.
Giusep Carigiet ha la megliera survesta quei che pertucca il diever dil computer ella scola romontscha. Ina part dalla lavur "virtuala" fuorma il center didactic online. Tgi che vul fegls da lavur per la biologia, tgi che tscherca ideas attractivas per las lecziuns da tudestg ella tschunavla ni tgi che cumparegliass bugen atgnas lavurs cun autras sa sfegliar el catalog da material d'instrucziun. Dapi il fevrer 2005 ei quel sin lingia electronica sut www.centerdidactic.educa.ch.
176 lavurs èn online
Entochen oz cuntegn igl arcun electronic dil center 176 lavurs da scolastas e scolasts romontschs. Ferton che Marc Decurtins e Giancarlo Conrad ein responsabels pils centers el Grischun central ed ell'Engiadina e Val Müstair, ei Hugo Schär responsabels pil Center didactic en Surselva.
15 lavurs sursilvanas
La Surselva para buca dad esser schi productiva enten crear mieds d'instrucziun. Sco ellas autras regiuns romontschas ein ils scolasts sursilvans drizzai viers la tecnologia electronica. Dallas 176 lavurs ch'ein cargadas giu sil center didactic online ein sulettamein 15 en sursilvan. Ch'ils Sursilvans ein buca productivs constat denton tuttavia buca. El magasin a Rueun ein varga 1000 lavurs sin pupi deponidas. Il catalog d'ovras sin pupi muossa ina gronda vastadad da fegls da lavur naven d'ina pagina tochen tier entirs luvratoris cun varga 100 paginas. Ils auturs sursilvans ein tuttavia stai diligents. Dallas lavurs sin pupi vegni denton buca pli fatg stedi diever, confirma Hugo Schär. Malgrad quei paran scolastas e scolasts dalla Surselva aunc buca dad esser s'endisai vid la midada sin lingia electronica. Aunc ussa han mo 8 scolastas e scolasts cargau giu lur lavurs e mess a disposiziun quellas pil liber access da tuts. "Il center didactic vegn tuttavia duvraus", confirma daferton Giusep Carigiet. Pil mument ei igl interess denton aunc pigns da cargar giu las lavurs", constatescha il coordinatur e scolast d'informatica. El ei pertscharts ch'ei drova aunc empau temps entochen ch'il persunal da scola s'endisa vid la nova fuorma da cataloghisar fegls da lavur pil diever da tuts. "Ei havess massada lavurs dentuorn", ei il supervisur dil center perschuadius.
plans pil futur
Co vul el promover ch'ils scolasts cargan giu quellas sut www.centerdidactic.educa.ch? "Egl onn 2006 fagein nus ina analisa dil contonschiu. Jeu pondereschel da porscher in cuors da stad per promover il center e nus informein vinavon tier las conferenzas", rispunda Giusep Carigiet. Ina finamira eis ei era d'augmentar il diember dad actualmein 350 abonnents dalla posta electronica "newsletters" dad educa.ch romontsch sin 500. Sche quei gartegiass, fuss quei in mussament che la midada virtuala fuss gartegiada.
