La Conferenza generala ladina ha gnü lö quist on a Sent
La magistraglia ladina s'ha reunida in marcurdi a Sent per salvar sia radunanza annuala. Intant cha l'avantmezdi es stat reservà per tractandas e discussiuns - han gnü lö il davomezdi differents cuors.
La magistraglia da Schlarigna
La magistraglia da Schlarigna ha protestà cunter l'agir da la suprastanza da la CGL e nu s'ha partecipada als cuors üsitats. Insè füss eir quist on statta la radunanza da la Conferenza generala ladina (CGL) üna "chosa plütost sütta", sco chi ha dit seis president Mario Pult da Ftan. Il fat cha la magistraglia da Schlarigna ha in seis möd demonstrà cunter l'idea da la suprastanza da la CGL, ha però rendü brisant l'inscunter tanter pêr. Intant cha las magistras ed ils magisters da Schlarigna han l'on passà amo inscenà ün "funaral per l'idiom puter" - han els quist on decis da nu's partecipar als cuors dal davomezdi. "Cun quist protest vulain nus dar ün tschögn a la suprastanza da la CGL e tilla trar adimmaint ch'ella ha impromiss da seis temp da s'ingaschar cunter l'intent introdüer il rumantsch grischun (rg) in nossas scoulas",ha in quel connex declerà Armon Taisch, da Schlarigna e pledader per la magistraglia da quel cumün. " Nus eschan da l'avis chi dà situaziuns chi pretendan da nüzziar il temp chi sta a disposiziun a la magistraglia ladina per discuter sur da problems urgiaints sco p. ex. che chi capita culs mezs d'instrucziun in quels cumüns chi han decis da restar pro lur idiom", ha'l declerà. Cha la magistraglia da Schlarigna vess spettà da la suprastanza da la CGL daplü incletta pel problem - mo cha quai nu saja stat il cas ne l'on passà ne quist on: "Perquai vain nus decis da nu tour part als cuors dal davomezdi e dad investir quel temp per far üna radunanza cun nos cussagl da scuola", ha'l declerà.
Duos moziuns - ün böt
La moziun cha la magistraglia da Schlarigna ha inoltrà in occasiun da la CGL 2005 a la suprastanza da la CGL, declera tanter oter cha la CGL haja comunichà ch'ella nu saja neir na da l'avis da la regenza - ma chi's stopcha avair pazienza, chi's stopcha restar calm e chi nu saja da far acziuns imponderadas sco per exaimpel üna demonstraziun publica per muossar "la mort dal puter". Ultra da quai vegna manzunà illa moziun dals Schlarignots, cha las respostas dal questiunari "co invant?" - il qual es gnü protramiss da la CGL a tuot las scoulas ladinas - demuossan cleramaing cha la magistraglia ladina saja da l'avis chi's vess stuvü reagir in connex cul tema rg avant la CGL regulara dal 2005. Eir Mario Pult ha manzunà quel questiunari in seis rapport annual: "La partecipaziun es statta ourdvart modesta!" Cha quella s'amunta a circa 45 pertschient... e cha quai saja eir stat il motiv cha la suprastanza da la CGL haja gnü l'impreschiun da badair üna "tscherta stanglantüm" dal tema ed haja decis da laschar balchar ün pa las ormas e da ponderar che conclusiuns chi sajan da trar. "Nossa persvasiun es cha'l tema rg resta important, mo cha quel nun es urgiantischem", ha'l dit. Quai causa cha l'autonomia cumünala illa decisiun da la lingua da scoula saja garantida almain pels prossems ons. Illa moziun dals Schlarignots esa eir scrit cha l'inscunter da la suprastanza da la CGL cun respunsabels da cultura e politica per discuter a reguard il tema rg haja bain gnü lö - cha quai saja però capità sainza cha la magistraglia haja pudü far part a quel inscunter. "Nus nun inclegains l'agir da la suprastanza da la CGL", staja scrit illa moziun. Chinu saja neir mai gnü dat la pussibiltà da discuter a fuond la tematica da l'introducziun dal rg, ed i vain dumandà in scrit scha quel tema saja forsa stat massa spinus per gnir trattà da la CGL... Insomma: la moziun da la magistraglia da Schlarigna pretenda cha la CGL aintra in contact cullas instanzas politicas per reglar: "a temp la finanziaziun da mezs d'instrucziun rumantschs i'ls idioms puter/vallader" e da reglar la dumonda da l'access al gimnasi. La CGL ha in quist connex fat üna votaziun e dicis cun grond'unanimità da las vuschs, da far quai. Al listess mumaint ha Mario Pult preschantà la moziun cha la CGL prevezza dad inoltrar a la regneza in connex cul - sco ch'el ha dit - "cas acut" dal dicziunari puter/ tudais-ch. Quella moziun pretenda cha la regenza accumplischa seis dovair a reguard ils mezs d'instrucziun e ch'ella es in dovair da finanziar la restampa dal dicziunari puter/tudais-ch. Eir quista moziun es gnüda fatta buna cun majorità da las vuschs.
Agentura da Novitas Rumantscha
La magistraglia da Schlarigna
La magistraglia da Schlarigna ha protestà cunter l'agir da la suprastanza da la CGL e nu s'ha partecipada als cuors üsitats. Insè füss eir quist on statta la radunanza da la Conferenza generala ladina (CGL) üna "chosa plütost sütta", sco chi ha dit seis president Mario Pult da Ftan. Il fat cha la magistraglia da Schlarigna ha in seis möd demonstrà cunter l'idea da la suprastanza da la CGL, ha però rendü brisant l'inscunter tanter pêr. Intant cha las magistras ed ils magisters da Schlarigna han l'on passà amo inscenà ün "funaral per l'idiom puter" - han els quist on decis da nu's partecipar als cuors dal davomezdi. "Cun quist protest vulain nus dar ün tschögn a la suprastanza da la CGL e tilla trar adimmaint ch'ella ha impromiss da seis temp da s'ingaschar cunter l'intent introdüer il rumantsch grischun (rg) in nossas scoulas",ha in quel connex declerà Armon Taisch, da Schlarigna e pledader per la magistraglia da quel cumün. " Nus eschan da l'avis chi dà situaziuns chi pretendan da nüzziar il temp chi sta a disposiziun a la magistraglia ladina per discuter sur da problems urgiaints sco p. ex. che chi capita culs mezs d'instrucziun in quels cumüns chi han decis da restar pro lur idiom", ha'l declerà. Cha la magistraglia da Schlarigna vess spettà da la suprastanza da la CGL daplü incletta pel problem - mo cha quai nu saja stat il cas ne l'on passà ne quist on: "Perquai vain nus decis da nu tour part als cuors dal davomezdi e dad investir quel temp per far üna radunanza cun nos cussagl da scuola", ha'l declerà.
Duos moziuns - ün böt
La moziun cha la magistraglia da Schlarigna ha inoltrà in occasiun da la CGL 2005 a la suprastanza da la CGL, declera tanter oter cha la CGL haja comunichà ch'ella nu saja neir na da l'avis da la regenza - ma chi's stopcha avair pazienza, chi's stopcha restar calm e chi nu saja da far acziuns imponderadas sco per exaimpel üna demonstraziun publica per muossar "la mort dal puter". Ultra da quai vegna manzunà illa moziun dals Schlarignots, cha las respostas dal questiunari "co invant?" - il qual es gnü protramiss da la CGL a tuot las scoulas ladinas - demuossan cleramaing cha la magistraglia ladina saja da l'avis chi's vess stuvü reagir in connex cul tema rg avant la CGL regulara dal 2005. Eir Mario Pult ha manzunà quel questiunari in seis rapport annual: "La partecipaziun es statta ourdvart modesta!" Cha quella s'amunta a circa 45 pertschient... e cha quai saja eir stat il motiv cha la suprastanza da la CGL haja gnü l'impreschiun da badair üna "tscherta stanglantüm" dal tema ed haja decis da laschar balchar ün pa las ormas e da ponderar che conclusiuns chi sajan da trar. "Nossa persvasiun es cha'l tema rg resta important, mo cha quel nun es urgiantischem", ha'l dit. Quai causa cha l'autonomia cumünala illa decisiun da la lingua da scoula saja garantida almain pels prossems ons. Illa moziun dals Schlarignots esa eir scrit cha l'inscunter da la suprastanza da la CGL cun respunsabels da cultura e politica per discuter a reguard il tema rg haja bain gnü lö - cha quai saja però capità sainza cha la magistraglia haja pudü far part a quel inscunter. "Nus nun inclegains l'agir da la suprastanza da la CGL", staja scrit illa moziun. Chinu saja neir mai gnü dat la pussibiltà da discuter a fuond la tematica da l'introducziun dal rg, ed i vain dumandà in scrit scha quel tema saja forsa stat massa spinus per gnir trattà da la CGL... Insomma: la moziun da la magistraglia da Schlarigna pretenda cha la CGL aintra in contact cullas instanzas politicas per reglar: "a temp la finanziaziun da mezs d'instrucziun rumantschs i'ls idioms puter/vallader" e da reglar la dumonda da l'access al gimnasi. La CGL ha in quist connex fat üna votaziun e dicis cun grond'unanimità da las vuschs, da far quai. Al listess mumaint ha Mario Pult preschantà la moziun cha la CGL prevezza dad inoltrar a la regneza in connex cul - sco ch'el ha dit - "cas acut" dal dicziunari puter/ tudais-ch. Quella moziun pretenda cha la regenza accumplischa seis dovair a reguard ils mezs d'instrucziun e ch'ella es in dovair da finanziar la restampa dal dicziunari puter/tudais-ch. Eir quista moziun es gnüda fatta buna cun majorità da las vuschs.
Agentura da Novitas Rumantscha
