150 scolastas e scolasts da la Surselva èn sa participadas al di da rumantsch. la suprastonza cun il president David Flepp ed ils commembers Annalisa Cathomas, Maria Chistell, Christoph Loher e Thomas Beer han cuntinà la discussiun da l' onn precedent.

Curs da crash Rumantsch Grischun
Puspè è il rumantsch grischun stà tema central dal di. Scolastas e scolasts da tut ils stgalims èn sa maschadadas en nov gruppas da differents livels per s'approfundar en las reglas fundamentalas dal rumantsch grischun. En 2 parts da 90 minutas ha mintga scolasta e mintga scolast pudì prender ina pitschna investa en il consruct e la grammatica da la lingua da scrittira rumantsch grischun. L'atmosfera e la motivaziun èn per la pli gronda part stadas bunas.

Infurmaziuns entras Ivo Berther
Ivo Berther, manader dal project dal concept "rg en scola", ha informà davart il stan actual da las preparativas per l'introducziun. Plinavant ha el presentà las differentas novas infurmaziuns tar il project, las lavurs che èn gia vegnidas fatgas durant igl onn 2005 e talas che duaian aunc vegnir fatgas.

Tge è il pensum da la CgrS?
Sco David Flepp ha declarà è la suprastanza en uffici dapi in onn fitg motivada, cun bler idealissem vulan els empruar da muentar insatgè. Malgrà ch'il di da rumantsch è in di da scolaziun, ha el era la finamira da rinforzar la posiziun da scolastas e scolasts rumantschs. La radunanza generala dal suentermezdi fiss la plattafurma da metter insatge en moviemnt. Dentant èn deplorablamain neginas ideas e tematicas interessantas vegnidas purtada avant.

center didactic online