Cussegl dil marcau propona ina scola bilingua
Sch'ei va tenor la veglia dil cussegl municipal duei vegnir introduciu a Glion la pusseivladad da frequentar ina scola bilingua che risguarda ton il tudestg sco il romontsch sil scalem dalla scola primara. La decisiun croda vendergis proxim alla radunonza communala. Mess en rocla la discussiun davart l'introducziun da classas bilinguas ha ina iniziativa dalla Giuvna pcd dalla Surselva ch'ei vegnida inoltrada il fevrer vargau al cussegl dil marcau. Sco quei ch'il parsura dalla Giuvna pcd Martin Candinas (Rabius) ha sincerau enviers La Quotidiana hagi ina rescherca davart l'acceptanza d'ina scola bilingua fatga da Annalisa Cathomas el rom d'ina lavur da licenziat tiels geniturs da Glion animau la pcd d'interprender pass concrets. Tonpli ch'ina maioritad dils geniturs interrogai beneventa ina tala purschida. Simtomatic ei che geniturs tudestgs ein schizun pli beinvulents enviers ina scola bilingua che geniturs da lungatg romontsch. Era ina gruppa da lavur installada dil cussegl dil marcau ed incumbensada da sclarir las resursas humanas, las localitads, las pusseivladads e las premissas per l'introducziun da classas bilinguas ei vegnida alla conclusiun che classas bilinguas alla scola primara da Glion seigien pusseivlas.
Posiziun unanima dil cussegl dil marcau
Sin fundament da quellas examinaziuns preliminaras dalla gruppa da lavur e sebasond sin atgnas ponderaziuns ei il cussegl dil marcau sedecidius unanimamein da sustener l'intenziun dils iniziants e d'introducir a Glion sper la scola tudestga era partiziuns bilinguas tudestg/romontsch. L'instrucziun bilingua porti avantatgs ton als scolars sco era a Glion sco center d'ina regiun da maioritad romontscha. Gest en connex culla restructuraziun dil scalem superiur, denton era en vesta a fusiuns da scolas primaras ch'ein sin rucca ellas vischnauncas vischinas seigi ei d'avantatg sche Glion hagi ina scola bilingua, scriva il cussegl dil marcau en siu messadi per mauns dalla radunonza communala da vendergis proxim. Cuntrari alla formulaziun pli restrictiva ed obligonta dils iniziants vuless il cussegl dil marcau denton mantener ina certa flexibilitad scaffend la pusseivladad da reunir pliras annadas en ina classa cumbinada sch'il diember da scolars romontschs vess dad esser insufficients. En ina sesida cumineivla denter cussegl dil marcau e comite d'iniziativa ei ins denton vegni da s'accordar ad ina suletta proposta che ha allura giustificau la Giuvna pcd da retrer sia iniziativa.
S'entelli che l'introducziun dalla scola bilingua ei colligiada cun certs cuosts supplementars. Aschia quenta la gruppa da lavur preparatorica cun cuosts unics da 100 000 francs per l'elaboraziun ed igl accumpignament dil project, la procura da mieds d'instrucziun e la perfecziun dils magisters. Plinavon eis ei da far quen cun 150 000 francs annuals per curclar expensas supplementaras per perfecziun, mieds didactics, localitads e lavur supplementara pil menader da scola. Sco quei ch'il cussegl dil marcau menziunescha el messadi sappi quei import denton vegnir partius en cass che vischnauncas vischinas fusiuneschan lur scolas cul marcau da Glion sco quei seigi era gia vegniu ventilau.
Proposta dil cussegl dil marcau
Il cussegl dil marcau propona alla radunonza communala da vendergis proxim da menar a partir digl onn da scola 2008/2009 silmeins ina classa (entiramein ni parzialmein ni en cumbinaziun da pliras annadas) sco partiziun bilingua el senn d'ina immersiun parziala. En cass ch'ei dess tut en tut buca 10 annunzias per frequentar las scola bilingua ord tuttas sis classas duei il cussegl da scola vegnir legitimaus da pender las mesiras necessarias e da decider davart igl ulteriur proceder. Quella quota minimala duei denton valer sil pli baul pér sis onns suenter l'introducziun dalla classa bilingua. Priu il cass che il suveran decida vendergis sera a favur dalla scola bilingua vegn ladinamein elaborau in concept che lubescha d'introducir las empremas partiziuns bilinguas naven digl onn da scola 2008/2009. La revisiun dalla lescha ei suttamessa al referendum.
Posiziun unanima dil cussegl dil marcau
Sin fundament da quellas examinaziuns preliminaras dalla gruppa da lavur e sebasond sin atgnas ponderaziuns ei il cussegl dil marcau sedecidius unanimamein da sustener l'intenziun dils iniziants e d'introducir a Glion sper la scola tudestga era partiziuns bilinguas tudestg/romontsch. L'instrucziun bilingua porti avantatgs ton als scolars sco era a Glion sco center d'ina regiun da maioritad romontscha. Gest en connex culla restructuraziun dil scalem superiur, denton era en vesta a fusiuns da scolas primaras ch'ein sin rucca ellas vischnauncas vischinas seigi ei d'avantatg sche Glion hagi ina scola bilingua, scriva il cussegl dil marcau en siu messadi per mauns dalla radunonza communala da vendergis proxim. Cuntrari alla formulaziun pli restrictiva ed obligonta dils iniziants vuless il cussegl dil marcau denton mantener ina certa flexibilitad scaffend la pusseivladad da reunir pliras annadas en ina classa cumbinada sch'il diember da scolars romontschs vess dad esser insufficients. En ina sesida cumineivla denter cussegl dil marcau e comite d'iniziativa ei ins denton vegni da s'accordar ad ina suletta proposta che ha allura giustificau la Giuvna pcd da retrer sia iniziativa.
S'entelli che l'introducziun dalla scola bilingua ei colligiada cun certs cuosts supplementars. Aschia quenta la gruppa da lavur preparatorica cun cuosts unics da 100 000 francs per l'elaboraziun ed igl accumpignament dil project, la procura da mieds d'instrucziun e la perfecziun dils magisters. Plinavon eis ei da far quen cun 150 000 francs annuals per curclar expensas supplementaras per perfecziun, mieds didactics, localitads e lavur supplementara pil menader da scola. Sco quei ch'il cussegl dil marcau menziunescha el messadi sappi quei import denton vegnir partius en cass che vischnauncas vischinas fusiuneschan lur scolas cul marcau da Glion sco quei seigi era gia vegniu ventilau.
Proposta dil cussegl dil marcau
Il cussegl dil marcau propona alla radunonza communala da vendergis proxim da menar a partir digl onn da scola 2008/2009 silmeins ina classa (entiramein ni parzialmein ni en cumbinaziun da pliras annadas) sco partiziun bilingua el senn d'ina immersiun parziala. En cass ch'ei dess tut en tut buca 10 annunzias per frequentar las scola bilingua ord tuttas sis classas duei il cussegl da scola vegnir legitimaus da pender las mesiras necessarias e da decider davart igl ulteriur proceder. Quella quota minimala duei denton valer sil pli baul pér sis onns suenter l'introducziun dalla classa bilingua. Priu il cass che il suveran decida vendergis sera a favur dalla scola bilingua vegn ladinamein elaborau in concept che lubescha d'introducir las empremas partiziuns bilinguas naven digl onn da scola 2008/2009. La revisiun dalla lescha ei suttamessa al referendum.
