Betg fimar - gia per la sisavla giada
(gic) La concurrenza "experiment buca fimar" ha en emprema lingia la finamira da sensibilisar ils affons e giuvenils per las consequenzas dil fimar. La concurrenza per scolaras e scolars entscheiva ils 7 da november e cuoza entochen ils 7 da matg digl onn proxim. La concurrenza "experiment buca fimar" duei mussar als affons e giuvenils en moda e maniera lucca las consequenzas probablas dalla dependenza. Il nicotin fa dependents. Per separticipar alla concurrenza ston las scolastas ed ils scolasts annunziar lur classa entochen ils 23 d'october. Separticipar alla sisavla concurrenza naziunala san tuttas classas dil sisavel tochen il novavel onn da scola. La classa che ha negina scolara ni scolar che ha fimau en quels sis meins survegn in bon da 500 francs. Aunc adina 250 francs gudogna la classa che ha mo in pèr paucs che han fimau. La concurrenza vegn organisada da "Zepra prevenziun e promoziun da la sanadad".
II squetsch da gruppa
Il prighel ch'affons e giuvenils daventien dependens dil fimar ei tenor l'instituziun "Zepra" pli gronds che tier carschi. Il "mo empruar inaga" caschuna gia spert ina dependenza da cigarettas. Affons e giuvenils san tenor "Zepra" esser dependents gia suenter paucas cigarettas. Ils pli paucs affons e giuvenils ein denton pertscharts digl effect prigulus dalla dependenza dil nicotin. Pil pli han affons e giuvenils era darar problems da survegnir cigarettas. Dils rodund 18000 automats da cigarettas en Svizra san tuts far diever.
La concurrenza encunter il fimar nezegia tier la campagna da prevenziun il medem mied sco quel che meina biaras gadas al fimar - il squetsch da gruppa. Tgi che fema duront il temps dalla concurrenza ei la fin finala la cuolpa che la classa gudogna buca. La gruppa metta cun quei la singula persuna sut squetsch da buca fimar. Ulteriurs mieds dalla concurrenza encunter il fimar ein l'informaziun, il discuors en classa ed era il premis.
Il persunal d'instrucziun ch'annunzia sia classa alla concurrenza sa dumandar la "Zepra Grischun" per cussegl e retscheiva leu ils mieds nezessaris per l'instrucziun.
Igl experiment da buca fimar vegn organisaus dalla gruppa da lavur per la prevenziun da tubac ed ils posts cantunals encunter tubac e prevenziun da drogas. Era las ligias dil cancer ed igl Uffeci federal da sanadad ein involvai ella campagna naziunala.
contact
Las scolastas ed ils scolasts san annunziar lur classas online sut www.experiment-nichtrauchen.ch ni per posta a Zepra, Untere Gasse 23, 7000 Cuera.
II squetsch da gruppa
Il prighel ch'affons e giuvenils daventien dependens dil fimar ei tenor l'instituziun "Zepra" pli gronds che tier carschi. Il "mo empruar inaga" caschuna gia spert ina dependenza da cigarettas. Affons e giuvenils san tenor "Zepra" esser dependents gia suenter paucas cigarettas. Ils pli paucs affons e giuvenils ein denton pertscharts digl effect prigulus dalla dependenza dil nicotin. Pil pli han affons e giuvenils era darar problems da survegnir cigarettas. Dils rodund 18000 automats da cigarettas en Svizra san tuts far diever.
La concurrenza encunter il fimar nezegia tier la campagna da prevenziun il medem mied sco quel che meina biaras gadas al fimar - il squetsch da gruppa. Tgi che fema duront il temps dalla concurrenza ei la fin finala la cuolpa che la classa gudogna buca. La gruppa metta cun quei la singula persuna sut squetsch da buca fimar. Ulteriurs mieds dalla concurrenza encunter il fimar ein l'informaziun, il discuors en classa ed era il premis.
Il persunal d'instrucziun ch'annunzia sia classa alla concurrenza sa dumandar la "Zepra Grischun" per cussegl e retscheiva leu ils mieds nezessaris per l'instrucziun.
Igl experiment da buca fimar vegn organisaus dalla gruppa da lavur per la prevenziun da tubac ed ils posts cantunals encunter tubac e prevenziun da drogas. Era las ligias dil cancer ed igl Uffeci federal da sanadad ein involvai ella campagna naziunala.
contact
Las scolastas ed ils scolasts san annunziar lur classas online sut www.experiment-nichtrauchen.ch ni per posta a Zepra, Untere Gasse 23, 7000 Cuera.
