10 onns "Plema d'aur"
 |  |
| |
(mama) A caschun dalla rangaziun dalla "Plema d'aur" e dalla "Miur romontscha" 2005 da dumengia, ils 12 da zercladur 2005 allas 17.00 uras en scola a Trin vegn era festivau 10 onns " Plema d'aur ".
Sco act festiv per 10 onns Plema d'aur vegn battegiau ils 12 da zercladur 2005 in disc cumpact (DC) cun si tut quels 250 texts rangai e proponi per la publicaziun. A caschun dil batten sa ins retrer il portatexts per in prezi special da frs 15.00 (Prezi da vendita pli tard frs 25.00 plus porto e pachetadi) empustaziuns san vegnir fatgas tiel CCM Via principala 42 7031 Laax 081 921 25 60 / fax …. 70 ni ccm.secretariat@rumantsch.ch.
Sco act festiv per 10 onns Plema d'aur vegn battegiau ils 12 da zercladur 2005 in disc cumpact (DC) cun si tut quels 250 texts rangai e proponi per la publicaziun. A caschun dil batten sa ins retrer il portatexts per in prezi special da frs 15.00 (Prezi da vendita pli tard frs 25.00 plus porto e pachetadi) empustaziuns san vegnir fatgas tiel CCM Via principala 42 7031 Laax 081 921 25 60 / fax …. 70 ni ccm.secretariat@rumantsch.ch.
En quels 10 onns ei vegniu ensemen in enorm scazi da litteratura populara. Ferton ch'ei vegneva rangau ils emprems onns mintgamai treis texts per categoria han las giurias proponiu ils davos onns ultra dils texts premiai aunc ina schelta da texts adattai per publicar. Quels ein bein publicai els Calenders Per Mintgadi, ellas Tschuettas e per part en gasettas. Certs texts ein schizun vegni prelegi el Radio rumantsch. Capeivel ch'ina survesta ed ina rimnada cumpleta da quei relasch spatitschau ei strusch pusseivla. Per part ein ils organs exausts e gasettas ein silpli d'anflar en bibliotecas.
Perquei han giuvenils rimnau ed endatau il material el rom dils projects da stad dil CCM a Laax. Dr. Gion Lechmann e Silvana Derungs han currigiu ils texts. Sapientivamein han ins denton rannunziau ad in lectorat rigurus. Ins ha aschia dau la preferientscha al ductus original dils auturs e dallas auturas.
Las rodund melli paginas A4 scretas d'affons, giuvenils e carschi sin il DC sedistingueschan oravontut el lungatg sempel, direct, popular e beinsavens d'in cuntegn fetg profund. Denteren ha ei schizun texts d'in nivel litterar fetg ault! Emprovas sin tuts scalems dalla scola han cumprovau che quella lectura ei fetg adattada sco lectura da scola. Ils lecturs e las lecturas apprezieschan oravontut in'interpretaziun dil cuntegn. Positiv reagheschan els/ellas era sin il fatg che giuvenils ed affons - per part enconuschents - han scret ils texts. Quei ei savens il mussament ch'ins sa era scriver e motivescha beinenqual da prender plema ni rispli.
Quella lectura sa era esser pugn da partenza per motivar scolarAs e scolars da separticipar alla proxima concurrenza dalla Plema d'aur. Quella vegn scret'ora gl'atun proxim. Naven dalla proxima concurrenza vegnan ils texts premiai e quels proponi per l'ediziun edi en in cudisch da tastga. Secapescha che gl'autur e l'autura vegnan presentai cuortamein cun ina fotografia ed entginas indicaziuns biograficas. Cun quell'acziun vulein nus d'ina vart cudizzar giuven e vegl da sefatschentar cul plaid scret e da l'autra vart porscher regularmein lectura originala als interessai. Patertgau eis ei d'edir ina retscha ella fuorma dils cudischs da suhrkamp ni dtv. Plascheivel fuss naturalmein - sco mintg'onn - che scribentas e scribents da tut ils idioms ni era rumantsch grischun separticipeschan alla lutga.
ccm Laax
Perquei han giuvenils rimnau ed endatau il material el rom dils projects da stad dil CCM a Laax. Dr. Gion Lechmann e Silvana Derungs han currigiu ils texts. Sapientivamein han ins denton rannunziau ad in lectorat rigurus. Ins ha aschia dau la preferientscha al ductus original dils auturs e dallas auturas.
Las rodund melli paginas A4 scretas d'affons, giuvenils e carschi sin il DC sedistingueschan oravontut el lungatg sempel, direct, popular e beinsavens d'in cuntegn fetg profund. Denteren ha ei schizun texts d'in nivel litterar fetg ault! Emprovas sin tuts scalems dalla scola han cumprovau che quella lectura ei fetg adattada sco lectura da scola. Ils lecturs e las lecturas apprezieschan oravontut in'interpretaziun dil cuntegn. Positiv reagheschan els/ellas era sin il fatg che giuvenils ed affons - per part enconuschents - han scret ils texts. Quei ei savens il mussament ch'ins sa era scriver e motivescha beinenqual da prender plema ni rispli.
Quella lectura sa era esser pugn da partenza per motivar scolarAs e scolars da separticipar alla proxima concurrenza dalla Plema d'aur. Quella vegn scret'ora gl'atun proxim. Naven dalla proxima concurrenza vegnan ils texts premiai e quels proponi per l'ediziun edi en in cudisch da tastga. Secapescha che gl'autur e l'autura vegnan presentai cuortamein cun ina fotografia ed entginas indicaziuns biograficas. Cun quell'acziun vulein nus d'ina vart cudizzar giuven e vegl da sefatschentar cul plaid scret e da l'autra vart porscher regularmein lectura originala als interessai. Patertgau eis ei d'edir ina retscha ella fuorma dils cudischs da suhrkamp ni dtv. Plascheivel fuss naturalmein - sco mintg'onn - che scribentas e scribents da tut ils idioms ni era rumantsch grischun separticipeschan alla lutga.
ccm Laax
